Coa finalidade de incentivar a creatividade e de difundir mensaxes que poñan en valor o galego, desde o Equipo de Dinamización da Lingua Galega (EDLG) convócase este certame de deseño de bolsas de tea (tote bag).

Para participar debes pensar no deseño e frase/lema/verso en galego, recoller a túa bolsa de tea en branco durante un recreo na zona da biblioteca, deseñala coas técnicas que ti queiras (rotuladores téxtiles ou permanentes, estampación, bordado, cosido…) e entregala ao concurso (e despois lucila canto máis mellor!).

Consulta os premios e as bases completas no documento anexo.

Accede aquí.

Este luns 24 de abril, o xeólogo Francisco Canosa impartiu un taller de minerais no noso centro para o alumnado de Bioloxía e Xeoloxía de 4ESO e 1Bacharelato. Esta actividade complementa a visita realizada hai uns meses ao Pico Sacro, preto de Santiago, e ás instalacións da mina de seixo de Serrabal, empresa que conta con este xeólogo para actividades de divulgación. 
O obradoiro consistiu en coñecer os distintos minerais segundo as súas propiedades físicas: cor, raia, brillo, dureza, hábito... pero o que máis chamou a atención aos participantes foi o comportamento dalgúns fronte a luz: os que cambian de cor segundo o tipo de luz que incide sobre eles, ou aqueles que teñen preciosas cores se se excitan os seus electróns con luz ultravioleta, en función da súa composición química, estrutura interna ou impurezas de ferro, cinc... ou outros compoñentes que conteñan.
Estaba actividade estaba enmarcada dentro do Plan Proxecta "Paisaxe e sostibilidade" da Consellería de Educación no que participa o IES Rego de Trabe durante este curso.

O mércores, 19 de abril,  o alumnado de 1º ESO E visitou o Centro de Día de Culleredo como terceira sesión do Proxecto Encontros Xeracionales, Alí entrevistaron aos maiores e sacáronlles fotos co lema "Caricias e miradas". Ademais, intercambiaron historias das súas vidas, o que fixo que fora unha experiencia moi enriquecedora  tanto para as persoas usuarias como para o alumnado. Sen ninguna dúbida unha gran vivenza para todos os que participamos

MÁIS FOTOS AQUI