3º ESO. TECNOLOXÍAS
Indice de contidos:
Unidade 1. PlásticosUnidade 2. Materiais de construción
Unidade 3. Mecanismos e máquinas
Unidade 4. Electricidade
Unidade 5. Enerxía
Unidade 6. Deseño gráfico con computador
Unidade 7. A folla de cálculo
Unidade 8. Redes informáticas: Internet
Unidade 9. Internet e comunicación
Materiais e recursos didácticos:
Libro de Tecnoloxías 3ºESO, de Ed.Anaya.
Avaliación e cualificación:
A cualificación do alumnado será continuada ó longo do curso, xa que o proceso de ensino - aprendizaxe en tecnoloxía é o bastante interactivo como para que nos poidamos dar unha idea precisa de cada alumno e alumna así como de cada grupo. Avaliaranse e valoraranse os tres tipos de contidos, actitudinais, conceptuais e procedimentais.
► No relativo a o cómo e cándo avaliar, as ferramentas a utilizar son:
a) Observación na clase: Comportamento, participación, actitude e traballo persoal.
b) Caderno e documentos elaborados polos alumnos e alumnas: A través destes elementos pódese avaliar directamente unha serie de datos importantes, como a expresión gráfica e escrita, a orde, a limpeza, a capacidade para elaborar documentos técnicos sinxelos, o uso das distintas fontes de información, etc.
c) Probas e exercicios escritos: As aprendizaxes que se pretenden facer pódense afianzar mediante a realización de exercicios escritos, probas orais, manexo do ordenador e comprobación do uso correcto dos instrumentos de medida.
d) Proxectos técnicos e traballo de aula-taller: Respecto polas normas de seguridade, comportamento e convivencia, traballo persoal e de grupo, actitude e interese.
► No relativo á cuantificación de cada un dos aspectos da programación na avaliación o criterio a seguir será:
a) Probas escritas, cadernos e documentos relativos ós contidos teóricos da programación: 40%
b) Probas escritas e traballo de aula relacionados cos contidos de informática: 30%
c) Proxectos técnicos e traballo de aula-taller: 30%
Cabe destacar que a nota media da asignatura non será nunca superior a 4 si a cualificación nalgún destes apartados non chegara a 3.
- Plásticos. Obtención. Clasificación.
- Operadores mecánicos: pancas, poleas e polipastos. Plano inclinado, cuña e parafuso. Elementos e función.
- Mecanismos de transmisión. Engrenaxes, correas e cadeas. O parafuso sen fin. Trens de mecanismos. Relación de transmisión. Resolución de problemas simples.
- Mecanismos de transformación de movementos: mecanismo piñón-cremalleira. O mecanismo biela-manivela. O mecanismo leva-seguidor. Excéntrica e cigüeñal.
- As máquinas térmicas. A máquina de vapor.
- O motor de explosión.
- O circuíto eléctrico: voltaxe, intensidade e resistencia. Potencia e enerxía eléctrica.
- Resolución de circuítos sinxelos (en serie, paralelo e mixto).
- Illantes, conductores e semiconductores.
- Características da corrente alterna.
- Compoñentes electrónicos básicos: resistencia, condensador, díodo e transistor.
- O transistor. Símbolo. Funcionamento.
- Identificación dos distintos compoñentes electrónicos, función e símbolo.
- Realización de cálculos de intensidade, voltaxe, potencia e enerxía, en circuítos de corrente continua.
- Realización de montaxes elementais usando resistencias, condensadores, díodos e transistores a partir dun esquema determinado.
- Realización de medidas de tensión, de intensidade e de resistencias, nas montaxes realizadas comparando os resultados obtidos cos cálculos teóricos.
- Significado de enerxía. Formas de enerxía, medición e unidades.
- Fontes de enerxía. Clasificación segundo distintos criterios.
- Centrais eléctricas, tipos e funcionamento. Vantaxes e desvantaxes de cada unha delas.
- Mapas de puntos. Debuxos vectoriais.
- Aplicacións para o tratamento de imaxes. Funcións básicas do GIMP.
- Calidade das imaxes dixitais.
- Formatos de arquivos gráficos.
- Compresión de imaxes dixitais.
- Manexo básico de QCad.
- A folla de cálculo OpenOffice.org Calc. Formatos. Fórmulas e funcións. Gráficos.
- Resolver problemas empregando follas de cálculo.
- Correo electrónico, webmail. Arquivos adxuntos.
- Descarga de arquivos via web.