Skip to Content

Proxecto E-Dixgal

Imaxe de iesdesada

A hora do código UDC 2018

sábado 24 de Novembro ás 11:00, a Universidade da Coruña organiza Hora do Código UDC 2018, un evento destinado a rapaces de 8 a 12 anos co obxectivo de que se inicien na programación de ordenadores dunha forma amena, divertida e directa. 

 
Hora do Código é unha iniciativa de code.org, unha organización pública sen ánimo de lucro dedicada a promover as Ciencias da Computación en escolas e institutos, cunha especial atención en incrementar o número de mulleres e estudantes de colectivos minoritarios que aprenden a programar. 

Para participar é preciso rexistrarse no evento, seguindo as instrucións da páxina web e achegarse á Facultade de Informática da UDC o sábado 24.

 Máis información en: http://hourofcode.fic.udc.es/index-gal.html

Imaxe de iesdesada

E eu que podo ser de maior? Novos perfís dixitais

O próximo mércores 21 de novembro de 2018, en horario de 11:30 – 12:20 realizarase a xornada “E eu que podo ser de maior? Novos Perfís Dixitais” na sala de usos múltiples do IES Isaac Díaz Pardo.

Esta actividade forma parte da formación desenvolta na aula CeMIT de Sada no marco da Mobile Week Coruña, e dado o interese, trasladarán a actividade da aula CeMIT (Centros para a Modernización e Inclusión Tecnolóxica) ao Instituto co fin de que poida acudir o alumnado de 2º ESO do centro.

Para participar nesta actividade é preciso que cada alumno  se dea de alta na aula CeMIT de Sada, onde posteriormente poderá acceder a unha ampla variedade de actividades formativas no eido dixital.

Para formalizar a inscrición, é preciso cumprimentar formulario de alta (entregarase circular ao alumnado con instrucións).

Imaxe de iesdesada

Alumnado E-Dixgal

Xa foron entregadas nas clases de 1º e 2º ESO as credenciais para facilitar ao alumnado o acceso aos contidos das materias. Contan cun usuario e contrasinal para o acceso. 

As familias de 1º ESO que estén interesadas en facer uso do portátil de alumno nas casas deberán entregar á dirección a cesión de uso asinada.

O alumnado repetidor que entregara no curso 2017/18 a cesión de uso, non precisa renovala; será válida para o presente curso.

Distribuir contido


by Dr. Radut