Extraescolares e complementarias

O venres 22 de setembro tivemos a oportunidade de acudir ao Teatro Principal á estrea para escolares da obra de Sarabela Made in Galiza.

Esta peza teatral chea de humor, ponnos ante un espello de nós como falantes dunha lingua minorizada para combater numerosos prexuízos. Baséase na obra de Núñez Singala e é un complemento perfecto ás clases de Sociolingüística.

Tivo a sorte de presenciar este espectáculo o noso alumnado de Literatura universal de 1.º de Bacharelato.

Unha terrorífica maldición caeu sobre a aldea do Ferro …

 As rapazas do Ferro están deixando de ser como eran para converterse en princesas remilgadas e cursis, submisas e obedientes sen un ápice de iniciativa e crítica.

 Os rapaces tamén están cambiando e estanse a converter en personaxes rudos,dominantes, competitivos e herméticos.

 Todos están perdendo a súa propia identidade e humanidade e compórtanse igual sen saírse dos estereotipos marcados polo feitizo.

 Só as meigas do bosque coa vosa axuda poderán detela se sodes capaces de entrar no bosque e atopar os elementos máxicos  que precisamos para romper o maleficio …

 O día 25 de marzo do 2022 a rapazada de 1º ESO do Ferro, na súa totalidade,  asumiron a ARRISCADA E EMOCIONANTE MISIÓN

 No camiño tiveron que tomar decisións ……., medir riscos ….., xogar en equipo …., ter sorte …., xa que o bosque estaba repleto de seres e encontros misteriosos.

 Entraron! no bosque para conseguir os elementos máxicos, os levaron as meigas para que o meteran no pote no que estaban elaborando a apócema e unha vez introducidos os elementos máxicos leron entre todos o CONXURO

“NIN DOMINANTES, NIN SUBMISAS OBEDIENTES,

 PERSOAS LIBRES E DIFERENTES

 QUE A MALDICIÓN POR AQUÍ NON SE VOLVA A VER

 QUE CADA QUEN SEXA COMO QUEIRA SER”

 o cal os liberará da maldición para sempre.

 Enlace ao video   https://youtu.be/ppIWO6PRycg

MOITAS GRAZAS ao profesorado e ao alumnado pola súa IMPLICACIÓN e ESFORZO.

RESULTADOS DO CONCURSO DE COMPARSAS DE ENTROIDO 2022

1º CLASIFICADO: TANXUGUEIRAS BEST ( 4º ESO A)

2º CLASIFICADO: ILEGALÍSIMOS (2º ESO C)

3º CLASIFICADO: LOS SHAKYS SHAKYS (2º ESO A)

Parabéns a todo o alumnado participante.

O MANDATO DO MECO

Este ano no IES Xesús Ferro Couselo  volvemos a retomar  " O mandato do meco" que consiste enque cada día da semana `previa ao entroido temos que vir disfrazados coa temática que manda o meco. 
Este ano, comezamos o luns día 21 co mandato  " Dos 60, 70, 80 ou 90 virás. Destes felices anos vestirás" en honra aos nosos avós, pais, etc.. O martes 22 o mandato dicía " O martes faremos deporte e vestiremos todos deste porte". Continuamos a semana con moitas ansias xa que por mor da situación sanitaria o ano pasado non puidemos difrutar dos mandatose e o mércores 23 decidimos vir elegantes e sacar os nosos traxes de gala " Traxe , garavata e guantes. O mércores todos moi elegantes".    O xoves, ao acercarse a fin de semna, xa imos un pouco cansos polo que se pegaron un pouco as sábanas e chegamos ao instituto en pixama... " O xoves co que custa saír da cama, que non che dea pereza trae bata e pixama"      

Para ter un bo comezo destas pequenas vacacións a temática do venres decidimos que fora libre, e dicir, que cada un trouxera un disfrace ao gusto ou facendo unha temática en conxunto con toda a clase. Os nosos profesores decidiron vir a clases disfrazados coa temática de Harry Potter.

O alumnado de Bacharelato desexa que fora unha semana diferetne e divertida e que o ano que ben poidamos repetila xa con toda a normalidade.

Un saúdo e BO ENTROIDO para todos!!

 FESTIVAL ENTROIDO 2022

 Este ano celebrouse un Festival de ENTROIDO (tempos covid-19) no IES Xesús Ferro Couselo, o alumnado seguindo a normativa sanitaria tiña que vir disfrazado de casa e baixou por quendas ao patio cumprindo en todo momento a normativa COVID-19 do centro educativo.

 O departamento de Educación Física, en colaboración con todo o  profesorado, organizou un concurso de comparsas nas que o alumnado podía participar de maneira individual ou colectiva co obxectivo de conseguir a mellor clasificación posible. Un xurado composto por profesorado e pais será o encargado de facer a votación por correo electrónico despois de ver os vídeos gravados de cada unha das coreografías e representacións.  

 Na valoración de cada grupo se terán en conta os seguintes aspectos:

 posta en esceNa, creatividade e orixinalidade dos disfraces, esforzo invertido, uso do galego na representación e reutilización de materiais para a confección do disfrace.

 No Concurso participaron un total 18 de  comparsas e a festa estivo garantizada.

COMPARSA FORA DE CONCURSO

 TERRA EN HOGWARTS       https://youtu.be/6QBLDjW0pdI

MOITAS GRAZAS a todo o profesorado polo seu compromiso e implicación e destacar a boa participación e o

EXCELENTE comportamento do alumnado ao longo de toda a xornada.

 O 24 e o 31 de maio do 2021, o alumnado de 4º ESO e 1º de Bacharelato e 3º ESO respectivamente, participaron na actividade “Xornada de vela e kaiak” en Castrelo de Miño organizada polo Departamento de Educación Física.

 Pola maña, a chegada ao Parque Naútico, o alumnado participou nun xogo de orientación recreativa “O gran xogo dos espías”.

Despois de xantar comezaron as actividades acuáticas e as ordenes dos monitores do Club Naútico se dividiron en  tres grupos  e así, participar na rotación das actividade propostas como barco de vela, kaiak, pedaleta, taboa de paddel surf e windsurf.

 Cabe destacar o marabilloso comportamento do alumnado e a súa participación activa e máxima implicación en cada unha das actividades propostas.

 A continuación deixamos uns enlaces de fotos de cada unha das xornadas.

"Xornada Naútica” 24 de maio de 2021 , alumnado de 4º ESO e 1º de Bacharelato     https://photos.app.goo.gl/bt9DfeN7DWjbGMhR9

"Xornada Naútica” 31 de maio de 2021 , alumnado de 3º ESO     https://photos.app.goo.gl/kKb13jwPvNdHkqJ5A

Dende a Dirección Xeral de Xuventude, Participación e Voluntariado de Ourense solicitan a colaboración do alumnado de 4º ESO medianta a resposta a seguinte enquisa anónima.

https://enquisas.igualdadebenestar.org/index.php/434834

Só a ciencia nos rescatará da pandemia" é un webinario emitido con motivo do Mes da Ciencia en Galego. Nesta ocasión a investigadora galega Sonia Villapol disertará sobre o enfoque científico dos conceptos básicos da COVID-19, como se transmite, efectos, tratamentos e vacinas.

Sonia Villapol Salgado, científica no Centro Médico de Texas (Houston, EE.UU.), forma parte do Equipo de Investigación Internacional da COVID-19 (COV-irt.org)

Ligazón a videoconferencia, 16 de novembro, luns.

Programación vicedirección curso 2020-2021

Visita a galería de imaxes para buscarte nas fotos que se fixeron durante a viaxe a París. Accede a esta e outras galerías de imaxes utilizando o enlace da esquina superior dereita da páxina.

Desde 1964, para conmemorar a morte de Gandhi, celébrase o 30 de xaneiro o Día Escolar da Non-Violencia e a Paz, recoñecido pola UNESCO en 1993.

Nesta data recórdase a necesidade da educación para a tolerancia, a solidariedade, o respecto aos Dereitos Humanos, a non-violencia e a paz.

O lema deste día é:

'amor universal, non-violencia e paz. O amor universal é mellor que o egoísmo, a non-violencia é mellor que a violencia; e a paz é mellor que a guerra'.

No noso centro, a profesora de matemáticas Marosa Vázquez Vaamonde, responsable do obradoiro de papiroflexia, fixo unha proposta para sumarnos á celebración deste Día Escolar da Non-Violencia e a Paz, recordando a historia da nena xaponesa Sadako Sasaki e das mil grúas de papel, a historia das MIL GRÚAS POLA PAZ.

No seu obradoiro de papiroflexia do instituto empezou ensinando ao seu grupo de origamistas a facer as grúas de papel.  Ao mesmo tempo animou ao resto da comunidade educativa a sumarse ao reto de facer 1000 grúas de papel antes do día 30 de xaneiro de 2016. 

E o resultado está á vista.  A mediados de decembro xa hai máis de 1000 grúas de papel, de todas as cores e de todos os tamaños, como podedes ver nas imaxes.  Agora todas as grúas esperarán ata o vindeiro 30 de xaneiro para, chegado o día, “VOAR” por todo o centro, cumprindo os nosos desexos de non violencia e paz.

Podes ler nos seguintes enlaces a historia de Sadako e outra información de interese
http://www.milgrullasporlapaz.com.ar/historia.html  (cun tutorial para facer a grúa de papel)
http://www.himahima.co.jp/PeaceWeb/kids/KPSH_E/top_e.html  (en inglés)
http://pw1.netcom.com/~kundk/newsletter/Sadako.htm  (en castelán)