Evitar navegación.
Principal

RESEÑAS actividades

PRÁCTICAS ANATOMÍA APLICADA 2023: DISECCIÓN DE ÓRGANOS


 

Durante este segundo trimestre, o alumnado de 1° de Bacharelato de Anatomía Aplicada estivo realizando prácticas de laboratorio sobre disección de órganos, para comprender mellor os coñecementos aprendidos na clase e explorar a súa anatomía e fisioloxía e a súa implicación nos sistemas e aparellos.

Unha experiencia práctica para seguir aprendendo, e coa que continuaremos durante o último trimestre.

 

Moitas grazas á carnicería Pablo O Carballés do Mercado de Elviña por entregarnos os órganos en tan bo estado.

MÁIS IMAXES NO BLOQUE DA MARXE ESQUERDA DA PÁXINA "Galerías de FOTOS", menú "Google Fotos" álbum "PRÁCTICAS ANATOMÍA APLICADA: DISECCIÓN DE ÓRGANOS 2023"

Tamén se pode acceder premendo na imaxe

Obradoiro motivacional sobre novas tecnoloxías da información


Obradoiro para animar ás mozas, en especial ás da comunidade xitana, a continuar con súa formación. Asistiu como convidada unha universitaria xitana que relatou a súa experiencia.

AS IMAXES NO BLOQUE DA MARXE ESQUERDA DA PÁXINA "Galerías de FOTOS", menú "Google Fotos" álbum "Obradoiro motivacional sobre novas tecnoloxías da información"

Tamén se pode acceder premendo na imaxe

 

 

Plan de Centro APRENDIZAXE-SERVIZO Centro de Día O Burgo: CELEBRAMOS XUNTOS O ENTROIDO

Nesta ocasión foron os maiores os que prepararon unha coreografía para o alumnado de 2ºESO-E que asistiu o luns 27 de febreiro acompañado por Manuel Carril e Victor. Foi todo un luxo ser os seus espectadores, ver con que agarimo prepararan o espectáculo de Entroido, e compartir logo uns pinchos e unha boa conversa. Xa nos sentimos en casa!

Un grupo do alumnado incluso sorprendeunos indo pola tarde pola súa conta a darlles uns agasallos a unha señora do centro que estaba de cumpreanos. Cantas facetas maravillosas descubrimos dos nosos rapaces!

MÁIS IMAXESNO BLOQUE DA MARXE ESQUERDA DA PÁXINA "Galerías de FOTOS", menú "Google Fotos" álbum "Plan de Centro APRENDIZAXE-SERVIZO Centro de Día O Burgo"

Tamén se pode acceder premendo na imaxe.

ENGADIREMOS MÁIS NAS PRÓXIMAS VISITAS

Charlas orientación académico-profesional 2023


Durante o mes de febreiro, o alumnado de Bacharelato, recibiu 4 sesións de orientación académico-profesional a cargo de representantes das 3 universidades galegas, e outra sobre FP e ensinos de réxime especial impartida polo especialista do Equipo de Orientación Específico en orientación vocacional da Coruña.

AS IMAXES NO BLOQUE DA MARXE ESQUERDA DA PÁXINA "Galerías de FOTOS", menú "Google Fotos" álbum "Charlas orientación académico-profesional 2023"

Tamén se pode acceder premendo na imaxe

 

 

LECTURA E FAMILIAS

LECTURA E FAMILIAS

O Equipo de Dinamización da Biblioteca está a levar ao cabo unha serie de obradoiros no marco  do programa da Consellería de Educación “Lectura e familias”.

Toda a información no blog da Biblioteca

 

O mércores 1 de marzo segunda sesión. Preme na imaxe para saber máis sobre a mesma.

 

 

DÍA DA MULLER E DA NENA NA CIENCIA - 11 FEBREIRO 2023

O 11 de FEBREIRO conmemórase o DÍA INTERNACIONAL DA MULLER E A NENA NA CIENCIA. Motivo polo que durante os días 8, 9 e 10 de febreiro celebramos a “I FEIRA DA CIENCIA IESEBA”, onde destacamos a participación de toda a comunidade educativa participou nos concursos e experiencias científicas. Neste caso presentamos a proposta dende o departamento de EDUCACIÓN FÍSICA coa colaboración de alumnado dos diferentes niveis educativos.

A nosa proposta foi a seguinte para a concienciación dunha VIDA SAUDABLE:

- Medición da presión arterial.

- Medición talla e peso.

- Cálculo da porcentaxe da masa magra e graso.

- Dinamometría da presión manual.

FORMACIÓN DE ÁRBITROS ALUMANDO 3º E 4º DE ESO

O VENRES 10 DE FEBREIRO tocou ao alumando de 3º e 4º ESO voluntarios á formación arbitral, neste caso de gran acollida para nós e seguir formándonos. Unha gran oportunidade que nos ofrece tanto RUBÉN EIRIZ pertencente ao Comité de Árbitros de Galicia e xunto coa colaboración do Concello de Culleredo.

Foi unha gran sesión de aprendizaxe para todos/as que estamos participando co obxectivo de mellorar como persoas e deportistas nestas prácticas. O cal nos leva a realizar prácticas na liga interna que está realizando o grupo de 1º e 2º ESO nos recreos.

E esperando con emoción pola 2º FORMACIÓN ARBITRAL DE FÚTBOL!!!!

 

1ª FORMACIÓN DE ÁRBITROS 1º E 2º ESO

1ª FORMACIÓN DE ÁRBITROS VENRES 3 DE FEBREIRO – O alumnado de 1º e 2º ESO temos a gran oportunidade dunha formación para mellorar tanto a práctica como a organización nas ligas internas (alumnado participante de forma voluntaria). Neste caso contamos con unha persoa de gran escala para a formación, RUBÉN EIRIZ pertencente ao Comité de Árbitros de Galicia e xunto coa colaboración do Concello de Culleredo fan posible esta actividade.

Obxectivo clave: O/a árbitro/a é unha figura presente na gran variedade de deportes que se encarga de presidir o xogo e facer cumprir as regras do deporte no que participa de maneira NEUTRAL, velando pola seguridade dos xogadores/as, por manter a orde e un ambiente de respecto entre xogadores/as.

LIGAS INTERNAS 1º E 2º ESO

Neste 2º trimestre deron comezo as LIGAS INTERNAS “EMOCIÓN”, neste caso somos o alumnado 1º e 2ºESO o que participa na liga de FÚTBOL SALA. O obxectivo é  aproveitar o tempo de lecer, aumentar tempo de práctica, pero sobre todo mellorar os VALORES como persoa/deportista: respecto, compañeirismo, humildade, honestidade e moitos valores máis que o deporte nos aporta. Neste caso o XOGO LIMPO é o principal nestas ligas, xa que a non deportividade leva a sancionar ao equipo que o comete.

Agradecer neste caso ao departamento de Educación Física e tamén a profesores Javi Anta e Manuel Carril que son os nosos árbitros principais, axudando a que todos nos respectemos e gocemos desta actividade.

Distribuir contenido