Dous alumnos do centro, Javier Digón e Pablo Montaña, participaron na XIII edición da Olimpida Matemática Galega para o alumnado de 2º da ESO, celebrada entre os meses de abril e maio. A clasificación de ámbolos dous alumnos foi moi boa na fase de zona, celebrada en Lugo, conseguindo Pablo o pase á final galega celebrada en Vigo, que daba a oportunidade aos participantes de clasificarse para a fase final, onde participan alumnos e alumnas de toda España.Parabéns aos dous alumnos participantes e ao departamento de Matemáticas do noso instituto polo resultado acadado, e animar a outros/as a seguir o exemplo. PREME AQUÍ para ver as fotos e ter acceso ao resto da información.

O pasado venres 29, e como colofón dos actos programados para a celebración do día do libro, tivemos no noso centro o autor de Bandas Deseñadas Primitivo Marcos. Os clubs de lectura de 1º e 2º de ESO, durante o segundo trimestre, puideron aproximarse a parte da obra de este autor a través da lectura de "Aventuras no Camiño de Santiago" e as historias dos Fernández publicadas no Galimatías. Primitivo explicounos todo o proceso de elaboración dun cómic, dende a estruturación dos diálogos ata a secuenciación das imaxes nunha conferencia amena e interesante non só para os clubs de lectura, tamén para moitos alumn@s do centro que coñecen e siguen a súa obra (PREME AQUÍ OU SOBRE A FOTO PARA VER AS IMAXES).
Agradecemos o seu enriquecedor paso polo centro.

O pasado día 26 de abril e como parte das actividades programadas para a celebración do día do libro, alumn@s de Cultura Clásica e de Latín e Grego, máis algúns espontáneos de segundo curso da ESO do IES de Becerreá, representaron no colexio as Fábulas de Esopo e de Fedro. Fixéronse dúas sesións, unha para os máis pequenos e a segunda para os cursos máis altos de primaria. A Profesora de Latín e Grego fixo unha introducción e comentarios que axudaban aos máis pequenos a entender o mundo das Fábulas.
Unha vez máis queremos agradecer ao noso alumnado as súas colaboracións neste tipo de actos.

PREME SOBRE A FOTO PARA VER AS IMAXES DAS REPRESENTACIÓNS.

Durante a semana do 25 ao 29 de abril, conmemoramos no centro o día do libro con diversas actividades para todo o noso alumnado. Na entrada principal do centro atoparedes un panel informativo do que nos falarán os profesores de Lingua Castelá e Literatura. A esta actividade únese a lectura de fábulas que realizarán no colexio de Becerreá @s alumn@s do centro de Cultura Clásica, Latín e Grego o día 26. Esperamos que disfrutedes destes actos.

Un antigo profesor de debuxo do noso centro, Pedro Núñez Fernández, fixo doazón dun cadro do que é autor ao centro. A escea da vida rural que se representa quedou colgada no corredor de entrada do edificio novo, de camiño á zona administrativa do centro, o que posibilita que calquera visitante poida apreciar a obra. Toda a comunidade educativa do centro agradece a este entrañable profesor o seu xesto desinteresado.

O venres 4 de marzo celebramos a chegada de Don Carnal seguindo o guión de anos anteriores, organizando todo os alumnos e alumnas de 4º da ESO, aos que lles agradecemos o esforzo e felicitamos polo éxito (PREME NA IMAXE para ver unha selección de fotos).

Este é o equipo do noso centro que participará na FINAL do PARLAMENTO XOVEN 2011 o 26 de febreiro en Santiago (de esquerda a dereita e na fila superior: Diego, Alejandro, Pepe e Xulio, o profesor de Filosofía que se encarga da coordinación e preparación do equipo. Na fila inferior: Miriam, Natalia e Antía). A clasificación para a gran final conseguírona na pasada fin de semana, vencendo nos debates a outros centros galegos de secundaria. Esta é xa a nosa terceira participación neste evento, anteriormente chamado Liga Galega de Debate, no que xa se ten acadado algún sub-campionato (con participación na TVG incluída). Proximamente, os protagonistas contarán de primeira man a súa experiencia completa nestas semanas de preparación sen descanso e de competición coñecendo a outros contrincantes. Entre tanto, os nosos parabéns polo traballo desenvolto e os nosos ánimos para a gran final. Preme sobre a imaxe para enlazar coa galería de fotos do Parlamento Xove e coñecer todos os detalles das actividades.

Durante o ano pasado, conmemorouse o centenario do nacemento de Ricardo Carvalho Calero e de Miguel Hernández. Por este motivo, achegamos ata o centro ámbalas dúas figuras a través dunha exposición (constituída por 24 paneis informativos e un programa de actividades para o alumnado) que foi  elaborada e cedida polo IES Xoán Montes de Lugo. Nela analízase a vida e obra destes personaxes ao tempo que se presenta algún exemplo concreto da súa produción literaria. Os alumnos e alumnas dispoñen, ademais, de exemplares das súas obras publicadas para completar a visita didáctica.  Compleméntase a exposición coa audición de pezas musicais baseadas na produción poética de Miguel Hernández e coa proxección dun vídeo co máis salientable da súa figura. Premendo na imaxe poderás acceder ao álbum de fotos sobre a exposición.

Durante estes días temos a oportunidade de aprender, dun xeito ameno, sobre os detalles máis interesantes de meteoroloxía e do clima grazas á exposición organizada polo departamento de Ciencias Naturais. Consta de 12 paneis onde se recolle información escrita e gráfica sobre distintos aspectos do clima e da ciencia que o estudia e explica. PREME AQUÍ ou sobre a imaxe para ver algunhas fotos sobre a exposición.

O mércores 19 de xaneiro do 2011 o grupo de teatro Clever Pants representou no noso centro dúas obras cómicas tituladas Clever Classics (BAC) e School's Out (ESO). Os shows resultaron ser entretidos e dinámicos xa que os actores intentaron que os nosos alumnos participaran activamente. A linguaxe empregada foi axeitada ao nivel do auditorio e ademáis a xestualidade dos actores facilitou a comprensión e o seguemento das obras.
Clever Classics é un tributo á herdanza cultural da literatura Anglosaxona en clave de humor. Clever Pants ofrece unha divertida posta en escena de versións adaptadas de clásicos da literatura e o cine.
En School's Out, Danny desexa as ansiadas vacacións de verán cando remata o curso, pero a súa intención de disfrutar de un tempo de lecer extraordinario frustrase ao ter que conseguir un traballo. A desbordante imaxinación do protagonista proporciona unha saída da súa realidade, e unha fonte de heroicas aventuras...