DE NOVO, O ENTROIDO!!!

Outro ano máis, todo “patas arriba” para celebrar esta festa, como non podía ser doutra forma. De novo, disfraces imaxinativos e variados, doces exquisitos (con receita incluída, por primeira vez, para compartila con todos) e unha espantalla máis “fashion” ca outros anos pero que tamén rematou a súa existencia no lume.

CONCURSO DE MARCAPÁXINAS E PARA A ELECCIÓN DA MASCOTA DA BIBLIOTECA

PUNTOS DE LECTURA

PUNTOS DE LECTURA

PUNTOS DE LECTURA

 

PUNTOS DE LECTURA

 Durante o presente curso 08/09 comezaron a funcionar os dous puntos de lectura situados nas entradas de cada un dos edificios de instituto, como espazos permanentemente abertos á lectura e dispoñibles para calquera membro da comunidade escolar. Neles recóllense títulos que non se atopan nos fondos específicos da biblioteca escolar, co obxectivo de que os alumnos/as poidan acceder ao máis amplo abano de lectura posible. Por esta razón, tamén podedes atopar unha boa selección de cómics, e todo axeitado en gusto e temática ás idades do alumnado. En particular, para cada punto de lectura seleccionáronse títulos acorde coa idade dos alumnos que se distribúen en cada edificio. Igualmente, o alumnado pode consultar neles a prensa diaria á que estamos subscritos.
Para dispoñer dun libro durante uns días, <u>débense rexistrar o préstamo e a devolución na biblioteca</u>. Non obstante, todos podemos ir revisando e lendo libros e cómics durante os tempos de lecer, xa que estes puntos de lectura están pensados como puntos de encontro entre persoas e de estas cos libros.
É importante que non esquezades facernos as suxestións oportunas para ampliar os fondos e o abano de títulos dos puntos de lectura.

PREMIO DE EXCELENCIA ACADÉMICA PARA UNHA ALUMNA DO INSTITUTO.

No mes de setembro, a Consellería de Educación concedeu un total de 60 premios de excelencia académica para alumnos/as residentes na nosa Comunidade, e que foran a comezar estudos universitarios no curso 08/09. Ditos premios, dotados cunha contía de 3.000 euros, outórganse aos alumnos/as coas mellores cualificacións resultantes tanto dos seus expedientes do Bacharelato como das probas de acceso á universidade. E un destes premios recaeu na nosa alumna Vanesa Rivero López, que rematou os seus estudos de BAC no pasado curso 07/08, o que supón un motivo de orgullo para toda a comunidade educativa do  noso centro.

Os nosos máis cariñosos parabéns para Vanesa, desexándolle unha feliz etapa como universitaria, agora que ela e os seus compañeiros de Secundaria e Bacharelato durante estes seis últimos anos no insti, comezan  novas etapas nas súas vidas.    

 

Deporte na escola

Aquí están os alumnos e alumnas de 1º ciclo da ESO que este ano formaron os equipos para participar na campaña "Deporte na escola" (competicións deportivas en baloncesto, balonmán, fútbol sala, xadrez, bádminton e voleibol, ademais dunha proba cultural). A primeira visita foi ao CPI O Incio (onde acudiron os alumnos/as de 1º curso, que na foto aparecen xuntos cos alumnos/as de O Incio), e a segunda ao CPI de Cospeito (para os alumnos/as de 2º curso).

A experiencia resultou moi positiva en ámbolos dous casos, sobre todo polo boa convivencia cos compañeiros destes centros. Mesmo n´O Incio, como en anos anterirores, fomos invitados a comer no comedor escolar, para redondear unha xornada moi divertida e entrañable.

1ª LIGA DE DEBATE: SUBCAMPIÓNS!!!

Os resultados da equipa do IES BECERREÁ case non poden ser mellores. Só case, porque na final a fortuna -a mesma que tivéramos do noso lado xa que chegamos a final imbatidos- decidiu abandonarnos.

En realidade non foi só cousa de fortuna, tamén dos nosos rapaces - Sarai, Andrea, Diego e Foncha - que parecía ue levaban toda a vida competindo en ligas de debate. Tampouco debemos esquencer a todas e todos aqueles sen cuxa colaboración tería sido todo moito máis dificil: Darya, Vanessa, Anduriña e todos os que se quedaron para botar unha man. 

A 1ª Liga de Debate foi difundida por diversos medios: TV Local de Compostela, La Voz de Galicia, El Correo Gallego, El Progreso, en Radio Voz e na TVG, e pódense ver vídeos e fotos en www.ligadebate.com e, tamén, en www.crtvg.es.

VIAXE A PADRÓN E CORRUBEDO

O pasado día 3 de abril, os alumnos de 4º ESO fomos visitar a casa de Rosalía de Castro en Padrón e as dunas de Corrubedo. Foi unha fermosa viaxe; pasamos por Padrón, donde fumos ver a fermosisisisisisima casa da nosa ben querida escritora defunta Rosalía de Castro.

A casa era grande e de pedra; primeiro visitámola por dentro e alí puidemos ver cadros, fotos, agasallos que lle fiseran a Rosalía e o seu marido (Manuel Murguía), e tamén as súas pertenzas, como a cama, a roupa ... na que tiña un gusto escepcional para vestirse. Máis tarde vímola por fora, onde había unha prensa do viño e un árbol grandísimo (que lles regalaran) para descansar (dician).

Distribuir contido