PARLAMENTO XOVE 2017: VENCEDORES DE NOVO.

PARLAMENTO XOVE 2017: VENCEDORES DE NOVO.

Por terceiro ano consecutivo (novo rexistro a bater), un equipo do IES de Becerreá vence na modalidade de Bacharelato do concurso de debate "Parlamento Xove". O equipo formado por Andrea, Mabel, Marcos e Marina (de 2º de Bac), que xa foran finalistas na pasada edición, impúxose no último debate ao Colexio La Salle (Santiago). O tema elexido nesta fase final era: Deberíamos restrinxir o acceso a internet para aumentar eficazmente a seguridade dos/as adolescentes? Na edición deste ano participaron un total de 43 equipos de toda Galicia.

Despois do dobrete da edición pasada (vencedores nas categorías de ESO e BAC, cos dous finalistas nesta categoría), da primeira vitoria na edición do 2015 e no logro dun terceiro galardón consecutivo, non podemos máis que sentirnos moi orgullosos do esforzo e dedicación do preparador e coordinadores dos equipos (os profesores Xulio, Ana Canabal e Jesús) e do alumnado que ano tras ano, vai formando parte dos equipos participantes e que, con independencia do resultado final, non escatiman entusiasmo á hora de abordar o traballo que supón unha boa preparación para este tipo de concursos de debate. Parabéns de novo e a gozar da viaxe coa que foron premiados, á que acudirán todos os participantes do noso centro.

ENCONTRO COMARCAL DE HOCKEY

Convidados polo Departamento de Educación Física do CPI de San Román, organizador do evento, o grupo de 3º da ESO acudiu o mércores 19 de abril a dito centro para xuntarnos co alumnado de Secundaria e profesorado de Cervantes, Pedrafita, Navia e o Courel. Nunha xornada de convivencia e deporte, a experiencia non puido ser máis positiva para o alumnado destes centros. Recreación e convivencia dentro e fóra de pista, comida de confraternización e novas amistades que só poden xurdir en experiencias desta natureza.

Parabéns a tod@s os participantes, e o máis sinceiro agradecemento a Alberto, o profesor organziador, así como a todo o profesorado de Cervantes que se ocupou de atendernos coas súas atencións. Repetiremos!! Ah, e non esquezas ver as fotos.

DOUS OBXECTOS HISTÓRICOS

Un chifre e un reloxo de sol, por este orden. Estes foron os dous primeiros obxectos realizados no IES de Becerreá cunha impresora 3D (ver imaxes). Pode parecer un feito intranscendente, pero en realidade representan todo o contrario: son as primeiras creacións realizadas con esta nova teconolxía no noso centro, dous obxectos que marcan un inicio, realizados cun procedemento que abre un abano de posibilidades aínda por determinar e que se atopa nunha primeira fase de descubrimentos e tanteo, pero que marcará o noso futuro dun xeito tan determinante como os propios ordenadores ou a mesma internet.

Foron deseñadas e realizadas polo alumnado da materia de Tecnoloxía, coordinados polo profesor do departamento, Juan Carlos Rodríguez.

OS NOSOS EQUIPOS DO "PARLAMENTO XOVE" NA PRENSA GALEGA.

PREME AQUÍ para ver un exemplo máis de como se reflicte na prensa galega o traballo, experiencias e logros dos equipos do IES de Becerreá que participan no concurso de debate "Parlamento Xove".

CELEBRANDO A ROSALÍA DE CASTRO

CELEBRANDO A ROSALÍA DE CASTRO

Distintas actividades foron desenvoltas no centro para conmemorar o Día de Rosalía. Por un lado, unha exposición de material bibliográfico pertencente á biblioteca do noso centro e unha selección de láminas que reflicten aspectos da súa figura como poetisa. 

Ademais, isto completouse co acto que se recolle neste vídeo. Comeza amosando unha montaxe audiovisual que recolle o recitado de poemas por mulleres e nenas galegas, realizada pola Asociación de Escritoras e Escritores en Lingua Galega. Continúa coa exposición de catro versións musicais dun poema de Rosalía, "A xustiza pola man", nos distintos estilos de Amancio Prada, Aid, Poetarras e Nao. Segue unha animada poxa poética, coa participación de alumnado e profesorado. E remata con tres intervencións musicais, desenvoltas por alumnado de 1º de Bac:  na primeira, Ángela e Alba interpretan a súa versión do poema "Negra sombra"; na segundo, un grupo de alumn@s canta "Adiós ríos, adiós fontes" e na terceira e última, este mesmo grupo acompaña a dous profesores, Ramón e Jesús, que foron as voces principais en "Campanas de Bastabales".

2º DA ESO NO CAMPIONATO PROVINCIAL ESCOLAR DE ORIENTACIÓN.

2º DA ESO NO CAMPIONATO PROVINCIAL ESCOLAR DE ORIENTACIÓN.

Un ano máis, alumnado do noso centro participou no Campionato Provincial Escolar de Orientación. O curso que acudiu ao evento foi  2º da ESO, e desenvolveron a proba polo terreo do Parque Rosalía de Castro (Lugo). Nesta edición participaron sobre 400 alumn@s de distintos centros da provincia, cinco da cidade de Lugo e outros seis institutos doutros concellos da provincia, entre eles o noso. A experiencia resultou moi positiva e os nos@s participantes remataron con gañas de repetir para a próxima edición. Pero iso xa será outra historia.

Preme aquí para ver unha selección de imaxes.

A EXPERIENCIA NA "OLIMPÍADA FILOSÓFICA 2017" CONTADA EN PRIMEIRA PERSOA POLO ALUMNADO PARTICIPANTE.

A EXPERIENCIA NA "OLIMPÍADA FILOSÓFICA 2017" CONTADA EN PRIMEIRA PERSOA POLO ALUMNADO PARTICIPANTE.

OS DOUS EQUIPOS DE BAC DEBUTARON NO PARLAMENTO XOVE 2017

OS DOUS EQUIPOS DE BAC DEBUTARON NO PARLAMENTO XOVE 2017

O sábado 11 de marzo comezaron a súa participación no Parlamento Xove 17 os equipos de Bac: "IES Becerreá 1", constituído por Marina, Mabel, Marcos e Andrea e coordinado por Xulio; e o equipo "IES Becerreá 2", do que forman parte José Manuel, María, Nerea e Silvia, coordinados por Ana. O tema de debate que abordaron era: "As novatadas estudantís. Pasaron a ser un suposto de acoso entre a mocidade?" Pero esta vez o resultado impide que os dous equipos do noso centro se clasifiquen conxuntamente para a fase final do torneo de debate, que se celebrará en Santiago os días 21 e 22 de abril. Nesta edición, só acudirá a esta última fase o equipo "IES Becerreá 1", xa que o segundo equipo perdeu o seu terceiro e último debate por unha diferenza de só 3,5 puntos (64-67,5) contra o IES Eduardo Pondal (Santigao). Unha das compoñentes deste equipo, Silvia, recibiu o 3º premio dentro da categoría de mellor oradora nesta fase clasificatoria. Parabéns pola merecida recompensa.

CELEBRACIÓN DO DÍA INTERNACIONAL DA MULLER

CELEBRACIÓN DO DÍA INTERNACIONAL DA MULLER

Visita o blog da nosa biblioteca para coñecer como conmemoramos este día.

COMEZA A PARTICIPACIÓN DOS NOSOS EQUIPOS NO PARLAMENTO XOVE 2017 E O EQUIPO DA ESO CLASIFÍCASE EN PRIMEIRO LUGAR.

COMEZA A PARTICIPACIÓN DOS NOSOS EQUIPOS NO PARLAMENTO XOVE 2017 E O EQUIPO DA ESO CLASIFÍCASE EN PRIMEIRO LUGAR.

Como vixentes vencedores nas dúas modalidades do Parlamento Xove (www.parlamentoxove.com), os equipos do IES de Becerreá comezan a súa andaina na presente edición. O primeiro turno correspondeu ao equipo da ESO (24 equipos de toda Galicia nesta categoría), que este sábado 4 de marzo debateu contra os equipos do IES A Pinguela (Monforte), IES Río Cabe (Monforte) e IES Fontem Albei (A Fonsagrada), sendo o tema desta fase preliminar o seguinte: "En España a idade legal para mercar alcol é 18 anos. Variar este límite influiría nos hábitos de consumo de alcol entre a xuventude?"  Impuxéronse nos tres enfrontamentos e clasificáronse en primeiro lugar (237 puntos) para a fase final (Santiago, 21 e 22 de abril) como xusta recompensa ao seu esforzo e valía como grupo. Os nosos parabéns aos compoñentes do equipo: Gabriela, Marcos, Paula e Xoel; ao seu coordinador, Jesús, e ao preparador, Xulio

Distribuir contido