TORNEO COMARCAL DE BÁDMINTON ESCOLAR

Coma en cursos anteriores, de novo desprazámonos ata o CPI de San Román de Cervantes para compartir xornada deportiva e de convivencia co alumnado de secundaria deste centro e dos CPI de O Courel, Pedrafita e Navia de Suarna. Pola nosa parte, o grupo participante foi o de 2º da ESO (con algunhas ausencias). AQUÍ tes unha selección de imaxes das e dos participantes nesta xornada de deporte comarcal, sempre esperada con ilusión e desenvolta cunha máis que saudable convivencia. 

TORNEO COMARCAL DE BÁDMINTON ESCOLAR

CELEBRACIÓN DO SAMAÍN E MAGOSTO 2022

 OBTÉN AQUÍ máis información sobre a celebración do Samaín.

CONMEMORACIÓN DO DÍA DA MULLER NO RURAL 2022 NO IES DE BECERREÁ

AQUÍ podes ler os detalles da celebración desta efeméride no noso centro, e AQUÍ podes ver algunhas imaxes deste acto.

CONMEMORACIÓN DO DÍA DA MULLER NO RURAL 2022 NO IES DE BECERREÁ

ALUMNADO DE 3º COLABORA NA LIMPEZA DE VERTEDOIROS E TREITOS DO RÍO SER EN VILELA (NAVIA)

O alumnado de 3º da ESO completou unha xornada de traballo cooperativo e solidario en Vilela (Navia de Suarna), nunha actividade organizada pola Asociación Ser, consistente na limpeza de dous antigos vertedoiros utilizados polas xentes que no seu día vivían nesta aldea ancaresa; na valoración das calidade das augas do Río Ser por medio da análise dos macroinvertebrados que se desenvolven no río e que son perfectos bioindicadores da calidade da auga (actividade levada a cabo por Ramsés e Lucía, membros de Adega); e, finalmente, na retirada de plásticos nun treito do río, que foron utilizados en tempos para a construción e mantemento de regas (PREME AQUÍ para ver algunhas imaxes da xornada).

ALUMNADO DE 3º COLABORA NA LIMPEZA DE VERTEDOIROS E TREITOS DO RÍO SER EN VILELA (NAVIA)

ENCONTRO POÉTICO CO ALUMNADO DE 1º DE BAC

PREME AQUÍ para coñecer a actividade na que participou o alumnado de 1º de Bac do noso centro, con motivo das residencias poéticas itenerantes "Ámeto Mítico", desenvoltas pola "Fundación Uxío Novoneyra".

EDICIÓN DIXITAL DA REVISTA "A REBOLA"

AQUÍ podes ver a revista "A Rebola", que edita o Equipo de Dinamización da Lingua Galega do noso centro, e que recolle o máis salientable do curso 21-22 dentro da nosa comunidade educativa.

CELEBRACIÓN DAS LETRAS GALEGAS 2022

MARCHA POLA VÍA ROMANA XIX CON OUTROS CENTROS DA COMARCA

Compartindo experiencia con alumnado dos CPI de Navia e de Pedrafita do Cebreiro, o alumnado de 4º da ESO do noso centro realizou o percorrido por esta antiga vía romana o día 11 de maio, desde O Comeal (Pedrafita) ata Doiras (Cervantes), actividade organizada polos departamentos de Educación Física destes centros. Esta experiencia estaba prevista para a primavera do ano 2020, pero só puidemos desenvolvela agora debido á pandemia e ás limitacións que nos impuxo. PREME AQUÍ se queres ver algunhas imaxes desta magnífica xornada de convivencia entre alumnado da Montaña Lucense nun entorno que nos é familiar e que debemos poñer en valor, tanto polo seu pasado histórico como polo seu valor natural e paisaxístico.

ENCONTRO COMARCAL ESCOLAR DE BÁDMINTON, COA PARTICIPACIÓN DE 2º DA ESO.

PREME AQUÍ para ver a noticia da prensa sobre este encontro deportivo e de convivencia, e AQUÍ para poder ver algunhas imaxes do noso alumnado participante.

ENCONTRO COMARCAL ESCOLAR DE BÁDMINTON, COA PARTICIPACIÓN DE 2º DA ESO.

MOBILIZACIÓN CONTRA A PERDA DE DEREITOS EDUCATIVOS NO ENSINO DA COMARCA E NO NOSO CENTRO.

AQUÍ podes ver como se reflicte na prensa a mobilización levada a cabo na vila de Becerreá o martes 3 de maio, organizada pola ANPA do IES de Becerreá e na que participaron e interviron comunidades educativas doutros centros da nosa contorna, tamén afectados por esta situación, ademais de alumnado do centro e representantes políticos e sindicais. Neste artigo recóllense intervencións de profesorado do noso centro e de representantes de FAPACEL (Federación de ANPAS de Centros de Ensino Público da provincia de Lugo). PREME AQUÍ para ver algunhas imaxes do evento.

Distribuir contido