O martes 2 de abril este grupo de alumnas e alumnos do noso centro iniciaron a súa viaxe de estudos con destino a Andalucía, pernoctando en Salamanca na primeira xornada, desde onde continuarán ata Sevilla, centro da súa estancia nesa comunidade e desde a que visitarán Córdoba e Granada. Á volta, farán parada en Segovia para despois continuar viaxe ata Becerreá, a onde chegarán o luns 8 pola tarde. Están acompañados polos seus profesores Daniel e Alexandro, así como por Javo, o representante da axencia de viaxes encargada da organización da excursión. A todas e todos lles desexamos a mellor das experiencias e que esta sexa, co tempo, un inesquecible recordo. AQUÍ podes ver algunhas imaxes do grupo.

O alumnado de Latín e Grego do IES de Becerreá asistiu á XXIII edición do Festival de Teatro Grecolatino celebrado no auditorio Gustavo Freire en Lugo. Tiveron a oportunidade de ver a famosa traxedia 'Medea' da man da compañía teatral Noite Bohemia e de compartir a experiencia en compañía doutros centros de Galicia. Outra mostra máis de que a cultura clásica está presente no noso día a día!

AQUÍ podes ver algunhas imaxes que reflicten a xornada vivida neste evento deportivo escolar, ao que acudimos todos os anos. Nesta ocasión, tivo a oportunidade de facelo o alumnado de 2º da ESO e a maioría d@s participantes do noso centro completaron o percorrido sen cometer ningún tipo de erro, e tod@s tiveron unha grata experiencia, incluída a convivencia con alumnado doutros centros da provincia.

Como é costume, celebramos un novo encontro comarcal escolar de pimpón o mércores 21 de febreiro, no que participou o alumnado de Secundaria dos CPI de San Román, Navia, Pedrafita e o Courel, ademais do alumnado de 3º da ESO do noso centro, que ademais actuaron como árbitr@s e coordinadores/as dos encontros en cada mesa. Primeiramente, os xogadores/as dividíronse en tres niveis distintos (segundo coñecemento do xogo) para participar en categoría masculina e feminina. Seguidamente, o imprescindible torneo de dobres, no que participan parellas compostas por alumnado de centros distintos, ademais dalgunha parella composta polo profesorado acompañante. Ao remate da xornada, como é tradición, entrega do trofeos conmemorativos para cada centro participante, en recoñecemento da actitude deste alumnado e da convivencia manifestada ao longo da xornada.Volveremos a xuntarnos o próximo curso, sen falta! AQUÍ podes ver algunhas das imaxes máis salientables da xornada.

PREME AQUÍ para ver outras fotos das celebracións.

Esta charla estivo dirixida ao alumnado de 4º da ESO e enmárcase dentro do Plan Director para a Convivencia, que se desenvolve coa participación de expertos da Garda Civil. PREME AQUÍ para ver algunhas imaxes do acto.

Para coñecer os detalles desta conferencia, organizada polo departamento de Latín/Grego para o seu alumnado, PREME AQUÍ.

Se queres máis información sobre a actividade, PREME AQUÍ.

AQUÍ  tes todas as cantigas elaboradas.

Por segundo ano consecutivo desenvolveuse unha xornada de convivencia interxeracional entre o alumnado de 3º da ESO e os e as maiores do Concello de Becerreá que acoden regularmente ao Centro Social da vila.  Como no pasdo curso, a experiencia estivo coordinada desde a titoría do grupo e o departamento de Orientación. Xogos de mesa, xogos de adiviñanzas e un chocolate quente con roscón para facer máis doce a tarde foron as actividades centrais desta segunda experiencia entre alumnado do centro e persoas maiores da nosa contorna máis próxima. ESTAS son as imaxes máis destacables da xuntanza.