Administrativo

Departamento de Administrativo

Feira de Emprego Ecoimaxín

Xov, 24/10/2019 - 10:50 — IES A Sangriña

Hoxe o alumnado de ciclos asiste á Feira de Emprego "Ecoimaxín" que celebra a súa terceira edición durante os días 24, 25 e 26 de outubro, na Casa dos Alonso da Guarda. Este ano contará con charlas e conferencias de especialistas do sector, que falarán sobre «Novos perfís profesionais para un mundo sustentable», «Turismo sustentable, impacto no desenvolvemento local», «Responsabilidade Social nunha gran empresa», «Porque non hai un planeta B». Remata sábado cunha Feira de empresas da contorna e coa presentación do portal de Emprego.

O profesorado do Departamento de Administrativo acompañará ao alumnado do Ciclo Medio de Xestión Administrativa e do Ciclo Superior de Administración e Finanzas. O venres sumaranse o alumnado de segundo curso dos Ciclos Medios de Sistemas Microinformáticos e Redes, de Electromecánica de Vehículos, de FP Dual de Carrozaría e mais os docentes destes grupos.

Saída a Ourense

Mar, 12/03/2019 - 11:58 — IES A Sangriña

O pasado 21 de febreiro houbo unha viaxe conxunta a Ourense dos ciclos de Administrativo e de Tecnoloxía de 1º de Bacharelato.

O alumnado de administrativo visitaron a STL (Sociedad Textil Lonia), empresa téxtil líder en España en confección de gama alta que produce, distriúe e comercializa as marcas Carolina Herrera e Purificación García. Viron as fábricas e o almacén, coñeceron a empresa en xeral e, de preto, as fases de confección, almacenamento e distribución. A continuación, achegáronse ata Aceites Abril, o maior produtor de aceite de Galicia que comercializa as súas propias marcas e as marcas brancas de moitos supermercados (Froiz, Gadis e Dia entre outras). Coñeceuse a historia da empresa, o ciclo de produción do aceite, asistiuse a cadea de envasado e visitáronse os almacéns.

Por outra banda, o alumnado de Tecnoloxía visitou a escola de Enxeñaría Aeronáutica da Universidade de Vigo, os seus laboratorios, as máquinas de mecanizado e mesmo un túnel de vento experimental. Por último, o Centro Tecnolóxico La Molinera, un referente en Ourense, no que viron impresoras 3D que poden imprimir ata 1 metro cúbico, unha máquina de corte por láser e lentes de realidade virtual que todos puideron probar.

STLonia.

Aceites Abril.

Leer máis

Saída didáctica do proxecto A PEGADA DO LOBO

Mér, 28/02/2018 - 12:50 — Anónimo

Start: 15/02/2018 17:00

End: 17/02/2018 20:00

Timezone: Etc/GMT+1

Os departamentos de Administración e Finanzas, Ciencias Naturais, Lingua Galega e Literatura, Inglés, EPV e Filosofía organizaron dende o pasado xoves 15 de febreiro ao sábado 17 unha saída co alumnado de 4º ESO e de 1º Ciclo Superior de Administración e Finanzas.

Esta saída enmárcase dentro do proxecto "A pegada do lobo", que se está a desenvolver dentro da liña de Paisaxe e Sustentabilidade do Plan PROXECTA da Consellería de Cultura, Educación e Ordenación Universitaria.

Na seguinte foto vemos ao alumnado visitando o Centro de interpretación do lobo ibérico en Robledo (Sanabria - Zamora) e o Caurel.

O profesorado acompañante foron Pilar Carro Loureiro e Juan José Hermida Lago.

Máis info picando neste enlace.

Calendario

Bolsas de mobilidade para o Ciclo Superior de Administración e Finanzas

Mar, 19/09/2017 - 09:47 — IES A Sangriña

Start: 19/09/2017 08:20

End: 19/09/2017 14:00

Timezone: Etc/GMT+1

Convócanse dúas bolsas para estudantes ou persoas tituladas do Ciclo Superior de Administración e Finanzas, para realizar unha mobilidade de 90 días en Portugal. Estas bolsas teñen como obxecto a estancia formativa nunha empresa, como parte do módulo da FCT, e polo tanto acreditada dentro do título de Técnico superior, ou ben como titulado/a, para completar a súa formación técnica.

As solicitudes presentaranse entre o 15 e o 22 de setembro de 2017.
As persoas interesadas presentarán aos seus titores e titoras os seguintes documentos:

Solicitude (pódese pedir un modelo á titora ou titor).
Curriculum europeo (español).
Carta de motivación, dirixida ao equipo educativo (arquivo de word libre, indicar nome e data).