Administrativo

Departamento de Administrativo

NOVA OFERTA FP BÁSICA DE SERVIZOS ADMINISTRATIVOS NO IES A SANGRIÑA PARA O CURSO 23-24.

Mér, 14/06/2023 - 12:45 — IES A Sangriña

A especialidade de Administración e Xestión vai ofertar para o curso académico 2023-2024 os xa coñecidos Ciclo Medio e Ciclo Superior, pero ademáis, o vindeiro curso teremos a FP Básica de Servizos Administrativos, á que podes acceder se cumpres 15 anos durante o próximo curso académico.
Se queres máis información, ponte en contacto co IES A Sangriña ou co departamento de Administración e Xestión.

En marcha pola inclusión: alumnado e profesorado do IES A Sangriña viaxan a Antalya (Turquía)

Mar, 23/05/2023 - 13:10 — IES A Sangriña

O IES A Sangriña (A Guarda) está a participar nun programa Erasmus + que promove a igualdade e a inclusión de minorías sociais xunto con outros centros educativos de secundaria e de formación profesional en Turquía, Alemaña e Italia. Este proxecto lingüístico e cultural desenvolverase ao longo de tres cursos académicos. A primeira das inmersións tivo lugar en Antalya (Turquía) desde o 15 ao 19 de maio do presente curso escolar. As rapazas que viaxaron desde o noso IES tiveron a oportunidade de participar en diversas actividades con rapaces e rapazas de distintas raíces e estiveron ademais aloxadas con familias locais, puidendo así compartir experiencias e integrarse dun xeito máis real. Elas presentaron tamén o noso centro e o noso sistema educativo ao instituto colaborador en Turquía e tres profesores do centro acompañáronas ata a propia cidade de destino, participando tamén desta experiencia cultural. Xa de regreso, comezamos a preparar a próxima estadía, que será desta volta en Galicia, no IES A Sangriña.

1 adxunto

Alumnado de Ciclos visita UNVI e OREMBEr

Mar, 20/12/2022 - 19:31 — IES A Sangriña

O alumnado dos ciclos de Automoción e de Administrativo realizou unha saída a Ourense o pasado 14 de decembro, para visitar a empresa UNVI (punteira a nivel internacional na fabricación de autobuses) e tamén a factoría de OREMBEr do grupo madereiro FINSA. A mediodia o alumnado e profesorado comeu na cidade de Ourense, e xa pola tarde tiveron a oportunidade de deleitarse no Complexo termal de Prexigueiro en Ribadavia. Desde os departamentos de automoción e administrativo queren agradecer a axuda na organización da viaxe, e sobre todo por sufragar o total do coste económico da viaxe ás responsables do proxecto eMprende neste centro, a través de Ayuda en acción, Ana e María.

PRESENTACIÓN DE PROXECTOS E GRADUACIÓN CICLOS DE ADMINISTRACIÓN E XESTIÓN

Xov, 31/03/2022 - 17:52 — IES A Sangriña

O pasado 17 de marzo foi un gran día para os ciclos formativos de Administración e Xestión. Celebramos a graduación do seu alumnado e foron presentados os proxectos finais elaborados por alumnas e alumnos do Ciclo Superior. Días coma este son os que poñen en valor o grande traballo realizado nestes últimos meses.

Na vida o importante é deixar pegada e nós estamos seguros de que os nosos alumnos e alumnas xa a deixaron, indeleble, neste centro para sempre.

Agradecemos a presencia no acto da Sra. Alcaldesa do Concello do Rosal, do Sr. Vicealcalde do Concello de Tui, de representantes da ANPA do IES A Sangriña e do alcalde da nosa vila e profe desta que é a súa casa, Antonio Lomba, quen pechou o acto.

Por outra banda, temos que agradecer o esforzo feito por todas as empresas da comarca que colaboran con nós, en especial facendo mención a ORPAGU, RÍO TOLLO e PALANGREROS, empresas que apadriñaron o alumnado neste día tan emotivo.
Moitas grazas tamén aos verdadeiros e verdadeiras protagonistas deste certame, os alumnos e alumnas, que coa calidade dos seus traballos e o recoñecemento do seu esforzo coa entrega dos diplomas, fixeron deste día un evento especial.

Expresas grazas ao Departamento de Administración e Xestión que se volcou na organización deste acto demostrando unha cercanía e un saber facer excepcional. Grazas a Juan Carlos López polas súas enormes competencias como MC e grazas a Juan Vázquez, Xefe do Departamento, por ser o ideólogo deste día tan significativo.