Bioloxía e Xeoloxía

Departamento de Bioloxía e Xeoloxía

O alumnado participante no programa STEMBach do IES A Sangriña defende os seus traballos de investigación ante un tribunal.

Ven, 05/06/2020 - 00:54 — IES A Sangriña

Os pasados días 7 e o 8 de maio, tivo lugar a defensa pública diante dun tribunal, dos traballos de investigación realizados polos alumnos e alumnas do IES A SANGRIÑA participantes no programa STEMBach, iniciado en 2018 co obxectivo de avaliar a calidade ambiental do entorno costeiro da Guarda. Durante os dous anos de desenvolvemento do programa, o alumnado deseñou e redactou os seus propios proxectos, desenvolveu unha importante fase experimental e redactou as súas memorias compatibilizando este traballo cos estudos de bacharelato.

Os traballos valorados o día 7 de maio, ante o tribunal formado por Edita López e Iria Rodríguez, profesoras do Departamento de Física e Química do IES A Sangriña, e presidido por Emilio Fernández Suárez, Catedrático de Ecoloxía da Universidade de Vigo, foron presentados por:

Leer máis

Día Internacional da Muller e a Nena na Ciencia

Lun, 10/02/2020 - 22:24 — IES A Sangriña

Como sabedes, desde a semana pasada estamos a levar a cabo un ciclo de charlas de prestixiosas científicas galegas no noso centro. Con esta actividade perseguimos varios obxectivos, entre os que podemos destacar dar a coñecer o labor destas mulleres de ciencia, rachar con estereotipos de xénero ou ofrecer referentes á rapazada. Máis información aquí.

Comeza a posta en marcha da metodoloxía experimental no programa STEMBach

Mar, 09/04/2019 - 09:56 — IES A Sangriña

Os proxectos avanzan e, neste caso, dous (Lucía e Brais) dos que formamos parte do grupo STEMBach-A Sangriña empezamos a traballar no laboratorio para determinar as condicións nas que podemos manter en cultivo individuos da ameixa asiática (Corbicula fluminea). Tamén estivemos facendo unha disección dalgúns individuos para estudar a súa anatomía.

O obxectivo dos nosos proxectos é empregar este bivalvo para determinar os efectos nos seres vivos da contaminación por hidrocarburos, metais pesados e microplásticos.

Leer máis

Estudantes e profesorado do IES A Sangriña xunto a persoal investigador da Universidade de Vigo avaliarán o estado ambiental da zona costeira da Guarda

Mar, 09/04/2019 - 09:48 — IES A Sangriña

O mércores 3 de abril o alumnado que forma parte do grupo de bacharelato de excelencia científico-tecnolóxico (STEMBach) do noso centro desprazouse ata o Campus da Universidade de Vigo para visitar o Centro de Apoio Científico e Tecnolóxico para a Investigación (CACTI) e realizar a primeira sesión de traballo cos seus titores universitarios.

O programa STEMBach coordinado e dirixido por Juan Hermida (Profesor de Bioloxía), Edita López (Profesora de Física e Química) e Emilio Fernández (Catedrático de Ecoloxía da Universidade de Vigo) ten por obxectivo avaliar a calidade ambiental da costa da Guarda para o que se levarán a cabo diversos proxectos de investigación en diferentes campos. Un total de 11 profesores, profesoras, investigadores postdoctorais e doctorandas da Universidade pertencentes ás Facultades de Ciencias do Mar e Bioloxía e á Escola de Inxenería de Minas e Enerxía, realizarán os labores de titorización dos 10 proxectos de investigación que se están a levar a cabo no IES A Sangriña.