Skip to Content

Como xestionar mellor a túa economía?

Xov, 23/05/2024 - 13:26 — IES A Sangriña

Como xestionar as túas finanzas IES A Sangriña

Esta mañá, da man de Eduemprende, visitou o noso centro Alberto Valverde, Director da oficina do Banco de Santander da Guarda. A conferencia, organizada polo Departamento de Administración  encádrase no programa "Finanzas para mortais" da Dirección Xeral de Formación Profesional.

Na sesión, tratáronse os seguintes contidos.

  • Manexo de contas bancarias
  • Os aforros e os productos de inversión
  • Operacións financeiras
  • Medios de pago no extranxeiro

Fondo solidario de libros de texto e axudas para adquirir libros de texto e material escolar

Mér, 22/05/2024 - 20:41 — IES A Sangriña

Fondo libros Sangriña 2024

Convocadas as axudas para adquirir libros de texto e material escolar destinadas ao alumnado matriculado en Educación Primaria, Educación Secundaria Obrigatoria e Educación Especial en centros docentes sostidos con fondos públicos para o curso escolar 2024/25.

As solicitudes presentaranse preferiblemente por vía electrónica na sede electrónica da Xunta de Galicia (https://sede.xunta.gal), accedendo ao procedemento ED330B, que enlazará coa aplicación Fondolibros.

PRAZO: do 21 de maio ao 21 de xuño de 2024.

INFORMACIÓN DE INTERESE:

Obradoiros "Eu na rede"

Mér, 22/05/2024 - 11:52 — IES A Sangriña

Obradoiro EU NA REDE IES A Sangriña

A OMIX (Oficina Municipal de Información Xuvenil) organizou, no IES A Sangriña, o obradoiro "EU NA REDE". Esta actividade, dirixida ao alumnado de 1º de ESO, foi levada a cabo por Andrea Iglesias Fernández e pretende falar das redes desde un punto de vista positivo. O obxectivo é axudar á mocidade a evitar os problemas relacionados co uso das redes sociais.

Abriremos o luns día 20, día non lectivo de centro, para tramitar matrículas da ABAU

Ven, 17/05/2024 - 10:38 — IES A Sangriña

 a sangriña abau

A pesar de que o próximo luns 20 de maio é o día non lectivo que fóra escollido polo centro a principio de curso e aprobado pola Consellaría de Educación, Ciencia, Universidades e Formación Provisional; dadas as escasas datas que esta mesma consellería ofrece ao alumnado de 2º de Bacharelato para se matricular nos exames da ABAU, o IES A Sangriña abrirá excepcionalmente a súa secretaría para facilitar este trámite ao noso alumnado.

O horario de apertura será das 10:00 ás 13:00.

Para todas as actividades lectivas, o centro permanecerá pechado, tal como corresponde á natureza da xornada.

Distribuir contido


by Dr. Radut