A actividade consistíu nunha proposta para que o alumnado realizase un podcast en formato informativo, pois tiña que ter dous dos seguintes elementos do xénero xornalístico: unha entrevista, unha noticia ou unha reportaxe. A actividade fíxose  en grupos de tres. A proposta de traballo incluía tres fases. Unha primeira na que debían buscar información máis detallada sobre os distintos xéneros xornalísticos. Neste caso incluíuse información variada na aula virtual, que complementaba a do libro de texto, e animouse ao alumnado a buscar información. Unha fase segunda máis criativa na que o alumnado debía crear en conxunto a noticia, reportaxe ou entrevista. Aquí deixouse liberdade creativa ao alumnado para que puidese tratar calquera noticia ou feito do seu ámbito escolar máis inmediato ou inventar un relato para poder completar a actividade e elaborar un guión do podcast. Por último, unha terceira fase de gravación e edición deste podcast que se realizou fundamentalmente na aula de radio e na casa. O fin desta actividade era o dun primeiro achegamento práctico aos xéneros xornalísticos e sobre todo o de crear ámbitos de uso para que a rapazada poida coller destreza no uso da lingua galega nun contexto máis formal.

Podedes escoitar aquí algún exemplo.

Podedes escoitar aquí o podcast sobre ODS 16 para forum de debate no Proxecto “We love our environment” sobre Democracia e Xustiza

O alumnado de 3º e 4º de ESO elaborou un libro dixital con carteis para o Dia da Terra co alumnado do Lycée de Grombalia e IES de Cantabria. Podedes velo aquí

Trece estudantes de 3º de ESO realizaron unha video-presentación para os centros de Reino Unido e Sahara Occidental. que participan no Proxecto Redes de Cooperación

O alumnado de 3º de ESO creou varios podcast. Para iso realizaron investigación sobre un tema elixido, realizaron o guion, gravaron e editaron. Aquí tendes algíuns exemplos

O alumnado de oratoria realizou gravacións no laboratorio de radio de poemas e relatos curtos.

O alumnado realizou tres actividadesde de investigación: 1 imaxe vale máis con 250 palabras, Pasando a remuda da memoria histórica e Patrimonio no faiado. Poden
consultarse os resultados destas actividades no Museo virtual KaleidoScapes Geography and History of Ames - KaleidoScapes

Estas tres investigacións teñen en común que analizan aspectos relevantes para as familias do alumnado e estas son as que contribúen a información para a investigación do alumnado. Os alumnos e alumnas seleccionan, en compañía dasfamilias, elementos importantes na súa historia, e recollen o testemuño das súas familias sobre eses elementos por escrito, en formato de vídeo ou en formato de audio, segundo as preferencias dos familiares.

• 1 imaxe vale máis con 250 palabras: Os alumnos e alumnas investigan sobre unha fotografía antiga familiar e contribúen deste modo a conservar o elemento material, a fotografía, e o elemento inmaterial, a explicación do significado da fotografía.

• Patrimonio no faiado: Os alumnos e alumnas investigan sobre un obxecto importante para as súas familias ou para eles mesmos e contextualizan ese obxecto no marco histórico e patrimonial.

• Pasando a remuda da memoria histórica: Os alumnos e alumnas investigan sobre a experiencia das súas familias en relación coa historia recente: a Guerra Civil española, a Ditadura franquista e a Transición democrática.

O alumnado de 1º de ESO, en grupos de catro,  realizou a representación dunha escena de Radio Resistencia, obra de teatro escolar do autor Luis Jaraquemada. Tras breves nocións de teoría sobre as características da voz, a prosodia básica e a locución radiofónica, fixéronse prácticas de “ximnasia bucal” na aula ordinaria e seimpartiron breves pautas de técnicas radiofónicas. Por último, se ensaiaron as escenas nas aulas para ser representadas posteriormente no taller de radio.

 Podedes escoitar as locucións aquí

O día da Educación física na rúa desenvolveuse a II xincana de orientación no eido do centro no que o alumnado de 1o de ESO realizou varias probas ao longo dun circuito
que unía elementos significativos do eido e do edificio do centro identificados ou creados a través de accións anteriores en relación coa dinamización do eido así como a identificación de elementos do patrimonio cultural e natural por parte do alumnado. As probas que debían realizar ao longo do circuíto estaban relacionadas coas disciplinas de Educación Física, Matemáticas e Xeografía e Historia.