O venres 22 de Febreiro tivemos unha visita do Instituto de Investigacións Agrobiolóxicas de Galicia  (CSIC) para os/as nenos/as de sexto de primaria. O alumnado aprendeu a avaliar o nivel de contaminación do solo, e os efectos tóxicos de determinados compostos no proceso de xerminación, desenvolvemento e crecemento das sementes.  

Segundo xoves experto, nesta ocasión en compañía de Sofía García, alumna de 3º de EP que nos falou do seu instrumento, a frauta traveseira.

De novo, o público interesouse polos instrumentos que nos amosou esta pequena e aplaudiu con emoción as súas interpretacións.

Para ver máis fotos, clica na imaxe!

Xa podedes ver a galería de fotos do noso Entroido e a nosa Muiñeira colectiva.

Só tedes que clicar na imaxe para acceder ao álbum.

A Biblioteca Escolar en colaboración co ENL, o Proxecto Ríos e o Proxecto Voz Natura ven de organizar un concurso de fotografía cuxa temátixa foi a auga.

O pasado xoves, 22 de marzo, Día Mundial da Auga, entregamos os premios aos pequenos e grandes artistas seleccionados, despois dunha difícil decisión por parte do xurado, xa que a participación foi alta e a calidade dos traballos, boísima.

Aquí tedes aos fachendosos premiados nas categorías de Infantil, Primaria e ESO  (os adultos premiados non poideron asistir á entrega dos premios pero xa llos fixemos chegar ás súas casas).

Se premedes na foto podedes ver o resto da reportaxe da entrega de premios:

Ademáis, nestas presentacións podedes ver unha pequena selección dos traballos presentados nas 4 categorías. Esperamos que vos gusten e que a participación sexa aínda maior nos próximos concursos de fotos.

Parabéns, artistas!!

INFANTIL_PRIMARIA de Mar Sueiro

ESO ADULTOS 2 de Mar Sueiro

O pasado venres 24 de novembro, todo o alumnado e profesorado do CPI San Vicente reuniuse para declarar o noso cole un espazo libre de violencias machistas.

Tras unhas acertadas palabras da nosa Concelleira de Cultura, Alicia Blanco, e o noso compromiso colectivo de respecto e compromiso coa igualdade, participamos todos nunha sesión de xogos colaborativos nos cales traballaron duramente coma monitores os rapaces e rapazas de 6º de Primaria e 3º e 4º de ESO.

Este video é unha pequena mostra dunha xornada fermosísima de convivencia e traballo en equipo.

Ademáis, pinchando na imaxe, podedes acceder ao álbum completo de imaxes para ver e/ou descargar as que vos interesen.