Nesta fermosa mañá de sábado, coincidindo ademáis co Día de Rosalía, saimos a desfrutar da natureza e tamén da fotografía polos arredores de San Vicente. Grandes e cativos homenaxeamos á nosa poeta retratando ríos, fontes e regatos pequenos, desfrutando da andaina, das fermosas paraxes do río Alvariña e sobre todo, da grata compañía.

Unha experiencia da que voltamos con moitas ganas de repetir. 

Clicade na foto, para mirar o album completo.

Os alumnos de Infantil e Primaria decoraron os nosos corredores con MANUALIDADES a partir de PRODUTOS DE OUTONO.

Aquì podedes velos e desfrutalos! 

Os nenos e nenas de segundo de primaria quérenvos explicar como se fai un zombie. Como sabedes no Samaín puxemos en marcha o proxecto documental "En Versión Orixinal" en relación coa temática do Cine de Terror. Este é un adianto das actividades que se desenvolveron durante o mes de outubro.

O xoves 14 de maio as bailarinas da escola BS Danza de Santiago de Compostela visitaron o noso centro no seu programa didáctico COMPARTEDANZA.

Este programa pretende achegar a danza á comunidade educativa porque "compartindo o que facemos, todos aprendemos". Deste xeito, amosaron aos nosos alumnos a arte en movemento, a importancia de descubrir con alegría o propio corpo e as súas cualidades e sobre todo, amosáronnos  que o movemento é unha forma de expresión e de comunicación de sentimentos e emocións.

Foi unha fermosa experiencia, para rapaces e profes, observar como se preparan para a danza mediante o quecemento, e logo como coordinan os seus movementos en perfecta harmonía coa música, en distintos estilos e expresando e contaxiando en nós emocións diferentes.

Aquí tedes unha pequena mostra gráfica desa fermosa xornada que esperamos repetir o vindeiro ano. 

COMPARTE DANZA EN A BAÑA on PhotoPeach

A Consellería de Educación ven de publicar a resolución do Concurso de Traballo por Proxectos coordinados ou coa participación da Biblioteca Escolar, que convocou no pasado mes de maio coa intención de recoñecer boas experiencias de traballo por proxectos interdisciplinares ou de investigación coordinados ou apoiados pola Biblioteca Escolar.

Os nosos rapaces de 3º de Primaria (agora xa en 4º) xunto coa súa profesora, Mª Josefa Becerra, e sempre apoiados pola Biblioteca, desenvolveron un fermoso e completísimo traballo sobre a Nutrición ao que chamaron Comesán e que presentaron ilusionados ao concurso. Xunto con eles, participaron outros 91 centros de toda Galicia.

Lemos a resolución, nerviosos, e temos a enorme alegría de comprobar que estamos entre os 16 centros galardoados!!!!!

NORABOA, RAPACES, NORABOA, PROFE!

Nada mais fermoso que ver recoñecido o esforzo.