O martes 8 de marzo, o alumnado de ESO conmemorará o Día da Muller e o Día da muller e a nena na ciencia e tecnoloxía participando dun encontro con Mª Eugenia Fernádes Montilla, enxeñeira técnica aeronáutica.

Desde o 21 ao 28 de marzo no corredor principal do edificio de Primaria, onda a Biblioteca, teremos esta interesantísima exposición promovida por Xandobela. Vén a coñecer media ducia de referentes da cultura e a arte galegas con perspectiva de xénero!

Continuando coa Escola de Nais e Pais en colaboración co CAFI a ANPA Vieiro do Ensino convida a todas as familias a asistir á formación impartida por Mónica González Blanco, psicóloga e educadora, que abordará o tema das diversas dificultades de aprendizaxe e as pautas a seguir dende os fogares e a escola para lograr o éxito escolar e a construción dunha escola inclusiva e tan rica coma diversa.