BASES DO CONCURSO DO LOGOTIPO DO CPI DE SAN SADURNIÑO
1 – Concurso: O CPI San Sadurniño convoca o concurso coa finalidade de seleccionar un logotipo que sexa representativo do noso centro e de doada aplicación en distintos tamaños e soportes.
2 - Participantes: Pode participar calquera persoa vinculada coa comunidade escolar do centro; alumnado, pais e nais, profesorado e persoal non docente.
3 – Prazos: A data límite para a presentación de traballos remata o 10 de Marzo
4 – Requisitos: Cada participante poderá presentar tantos deseños como estime oportuno sempre que sexan orixinais e non empreguen materiais alleos protexidos por dereitos de autor. Tanto a técnica como o formato son libres. Cada deseño terá unha versión a cores e outra en branco e negro. O gañador cederá os dereitos de uso do logotipo seleccionado ao CPI san Sadurniño.
5 – Presentación: Os traballos serán presentados en formato dixital como imaxe de mapa de bits ( jpg, png, bmp, gif ), imaxe vectorial ( svg ) ou en formato pdf. O peso de cada ficheiro non excederá de 1Mb e serán enviados ao enderezo electrónico do centro ( cpi.sansadurnino@edu.xunta.es ) co asunto: Concurso logotipo, Na mensaxe figurará tamén o no nome e apelidos do autor, idade, enderezo, e teléfono e/ou correo electrónico.
6 –Xurado e premios: O xurado estará composto por representantes do Consello escolar do centro constituídos en comisión a tal efecto. O xurado terá en conta a orixinalidade e representatividade do deseño, a factura e execución do mesmo e a posibilidade de aplicalo en distintos tamaños cores e soportes.
En calqueira caso a comisión estará formada por:
-
O director ou persoa en quen delegue
-
Un xefe de estudos
-
Un membro do sector profesorado de primaria
-
Un membro do sector profesorado de secundaria
-
Un membro do sector alumnado
-
Un representantes dos pais e nais
-
A representante do persoal non docente
-
As persoas participantes no concurso non poderán formar parte desta comisión.
O premio único para o logotipo seleccionado consistirá en material deportivo, escolar ou informático por valor de 60 euros, xustificado con factura a nome do CPI de San Sadurniño
A decisión do xurado será inapelable e a participación no concurso supón a aceptación das bases do mesmo.