Latín en feminino

Neste curso o latín é cousa de mulleres: cinco alumnas e a profesora. Esta visión feminina posiblemente afectará ao xeito de impartir as clases.

Para achegarnos á materia partimos dunha pintada que se conserva en Pompeia e na que se pode ler: "Hic habitat felicitas". Decidimos facer unha enquisa entre todo o alumnado de secundaria (e algún profesorado que se quixo sumar) para saber onde pensan que habita a felicidade. O resultado reflectímolo nun mural que expuxemos no recibidor de Tecnoloxía.