O alumnado do Castro Baxoi participa na limpeza da praia de Miño

25/05/2023 19:16
Europe/Madrid

As pasadas semanas o alumnado de 5º e 6º de primaria do Castro Baxoi participou nunha actividade co obxectivo de potenciar a concienciación sobre o coidado do medio.

Durante a primeira das sesións, o alumnado desprazouse á praia grande de Miño, onde fixeron unha batida organizada para recoller todo o lixo inorgánico que se acumula no noso areal. Este lixo provén xeralmente da actividade pesqueira e dos usuarios dos areais.

Despois desta recollida, realizamos no centro unha segunda actividade que consistiu no estudo e clasificación do lixo atopado, así como un debate e unha reflexión sobre o refugallo, como reducilo, como evitar que acabe en espazos protexidos...

Queremos tamén agradecer a Paco a súa disposición cos nosos nenos e nenas.

Fondo solidario, axuda para libros de texto e material escolar

O pasado venres publicouse no DOG a orde do 10 de maio de 2023 pola que se regula a participación no fondo solidario de libros de texto e se convocan axudas para adquirir libros de texto e material escolar.

O prazo de solicitude é ata o 21 de xuño, na sede electrónica ou na secretaría do centro.

Pode consultar a orde premendo na seguinte ligazón.

Pode descargar os anexos I e II na seguinte ligazón.

No noso centro establecemos as seguintes datas para as publicacións:

- Resolución provisional: 4 de xullo: publicada no interior da vidreira do centro. Reclamacións ata o día 7 de xullo.

- Resolución definitiva: 7 de xullo. publicada no interior da vidreira do centro.

Festival da Francofonía en Vilanova de Arousa

15/05/2023
Europe/Madrid

O alumnado de Francés de 2º e 3º da ESO participou o día 9 de maio no Festival da Francofonía en Vilanova de Arousa. Alí interpretaron cancións en francés e compartiron a xornada con outros centros educativos de Galicia.

 

La Voz de Galicia realizou unha reportaxe fotográfica onde podedes ver ao noso alumnado:

 

https://www.lavozdegalicia.es/album/arousa/vilanova-de-arousa/2023/05/09/festival-francofonia-vilanova/01101683636696864357523.htm

Listaxe definitiva de alumnado admitido e non admitido

Publicada no taboleiro do noso centro a listaxe definitiva de alumnado admitido e non admitido para o vindeiro curso 2023-2024.

Non hai variación respecto á listaxe provisional.

Resolución provisional de alumnado admitido

25/04/2023 22:56
Europe/Madrid

Publicada no taboleiro do noso centro a listaxe de alumnado admitido na resolución provisional para o vindeiro curso 2023-2024.

Todas as solicitudes presentadas en prazo dos niveis nos que non foi necesaria a baremación obteñen posto. 

Resolución provisional de alumnado admitido

25/04/2023 22:56
Europe/Madrid

Publicada no taboleiro do noso centro a listaxe de alumnado admitido na resolución provisional para o vindeiro curso 2023-2024.

Todas as solicitudes dos niveis nos que non foi necesaria a baremación obteñen posto. 

Resultado sorteo rifa viaxe a Madrid 4º ESO

18/04/2023 11:56
26/04/2023 00:00
Europe/Madrid

No sorteo celebrado no día de hoxe da rifa da viaxe a Madrid o número que saiu foi o 

1067

Visita de Antía Yáñez ao alumnado do Club de Lectura

17/04/2023
Europe/Madrid

O pasado xoves, 13 de abril, visitou o noso centro a escritora galega máis lida no 2022, Antía Yáñez. Estivo co alumnado do Club de Lectura de 5° e 6° de EP. Faloulles do seu libro "Plan de rescate" e asinoulles os exemplares. A rapazada tamén puido facerlle preguntas sobre a súa obra e conversar con ela.

 

Obradoiro de Ioga

O alumnado de 4ºC de EP e o da Aula Específica desfrutaron estos días de varias sesións de Ioga impartidas pola orientadora do centro. 

A práctica desta disciplina ten moitos beneficios:

- Mellora da habilidades de atención, contración e memoria.

- Axuda á relaxación.

- Favorece a flexibilidade, equilibrio e control do corpo.

- Axuda a xestión da enerxía, a manexar situacións difíciles e aumenta a confianza e a autoestima.

 

 

 

 

 

A volta ao mundo en patíns

Dende o departamento de educación física púxose en marcha un proxecto co obxectivo de incrementar a actividade física do alumnado. Dito proxecto está dentro do Plan de Vida Activa e Deportiva do Centro, o cal está enmarcado no Plan Proxecta pertencente á Consellería de Educación. No proxecto que presentamos, o alumnado de 5º e 6º de educación primaria, nos recreos de martes e xoves, tentará percorrer os máximos metros posibles dando voltas patinando na pista do pavillón polideportivo. A intención é dar a volta ao mundo, de xeito virtual, sumando toda a distancian que percorran os alumnos/as participantes. Estes, participan por quendas; mentres uns patinan outros/as contabilizan as voltas e, o día seguinte, cambian os roles. Por outra banda, poderán comprobar canto levan feito, nesa volta ao mundo, coa suma da distancia percorrida entre todos/as. Ademais, poderán comprobar o percorrido a través dun padlet creado, ex profeso, para elo. Deste xeito, eles/as mesmos/as poderán comprobar o que levan percorrido entre todos/as e en que punto do planeta atópanse dun xeito ilustrativo. Ademais, por outra banda, serviralles de elemento motivador para continuar co proxecto con máis ganas aínda.

 

Feito con Padlet
Distribuir contido