Skip to Content

Novas

DÍA DA PAZ

30/01/2019
Europe/Madrid

DÍA DA PAZ

Hoxe celebramos o día da paz. Seguindo co proxecto da biblioteca sobre África, o alumnado e os profesores e profesoras das tres etapas educativas, investigaron a diferentes "Premios Nobel da Paz" deste continente. Cos resultados das investigacións fixemos unha exposición. Parabéns a toda a comunidade educativa pola implicación é o traballo en equipo! 

Ademáis fixemos un acto conxunto no que entre todos formamos o mapa de África e a palabra PAZ. Tamén cantamos o tema "Sonrisa" de Ana Torroja, unha canción chea de positividade e da que tivemos que poñer un "bis" porque o alumnado estaba desfrutando moito.

Aquí van unhas fotos.

 

 

 

VIDEO TERERAI TRENT

VIDEO TERERAI TRENT

Como sabedes, o proxecto da biblioteca desde ano trata sobre África. As conmemoracións que fagamos, relacionaranse  con esta tématica.

Para o día  "Contra a violencia de xénero", decidimos investigar á activista africana Tererai Trent. Todas as estapas buscaron información e reflexionaron sobre a vida desta fantástica muller. Aquí tedes o produto desta investigación.

https://vimeo.com/305358011

 

BIBLIOTECA DO CPI CASTRO BAXOI

O CPI CASTRO BAXOI

NA REVISTA EDUGA

Acaba de saír o novo número da revista EDUGA e na sección BIBLIOTECAS- BOAS PRÁCTICAS está o artigo que enviamos sobre a experiencia cos escornabots no noso cole. Felicidades a todos!!!!

Podedes velo neste enlace:

http://www.edu.xunta.gal/eduga/1374/boas-practicas/os-escornabots-no-cpi-castro-baxoi

CURSO 2016-17

ITINERARIOS LECTORES. CURSO 2016-17.

Nos arquivos adxuntos podedes atopar os itinerarios lectores para os diferentes cursos e etapas.

 

O CLUB DE LECTURA SALICORNIA NO BALNEARIO DE MONDARIZ

26/05/2016 15:23
Europe/Madrid

Celebramos a finalización dun ano de traballo compartido arredor da lectura cunha visita ao Balneario de Mondariz para coñecer mellor un dos aspectos sanitarios, lúdicos e sociais máis destacables do século XIX en Galicia. O mundo en revolución foi o  tema que propuxo a Biblioteca este curso como centro de interese e estudo e o Club de Lectura Salicornia quixo mergullarse nesta etapa histórica coa lectura de varias obras literarias e a investigación sobre a importancia da cultura termal.

Pero tamén quixemos experimetar e alá fomos. Explicáronnos como era a vida no Balneario de Mondariz no século XIX e tamén o que podamos atopar hoxe alí... Asegurámosvos que é una auténtico pracer probar a auga da fonte da Gándara, que tantos beneficios aporta ao noso corpo por dentro, e tamén a auga do spa, que tan relaxadiños nos deixou.

Á beira do río comemos, lemos textos de escritores do XIX que disfrutaron das ledicias do balneario e escribimos micro-relatos.

Unha xornada ben completa!

CHEGOU O NOSO PRIMEIRO ESCORNABOT!

14/05/2016 16:42
Europe/Madrid

 

O CPI Castro Baxoi foi seleccionado entre máis de 120 centros de toda Galicia para participar no proxecto ESCORNABOTS de Bibliotecas Escolares . Catro mini-robots estarán á disposición da comunicade escolar na biblioteca do Centro para iniciar aos alumnos de Infantil e Primaria na linguaxe de programación e axudarlles a mellorar as súas competencias. Para que os escornabots nos axuden a aprender teremos que coñecer ben como guialos, así que imos ter que pensar, expresarnos, intercambiar opinións, decidir, colaborar.. e tamén divertirnos. Neste final de curso traballaremos sobre as propostas de actividades e no vindeiro o noso cuarteto de escornabots camiñará connosco ata onde nós queiramos.

 

Escornabot

 

 

 

Proxecto Terra: Charla sobre o dereito ao hábitat

30/03/2016 10:26
Europe/Madrid

Os alumnos de 1º de ESO participaron  nunha charla con Sole e Alberto, membros da ONG Arquitectura sen fronteiras e autores da unidade didáctica O Dereito ao hábitat coa que se iniciou a andaina dentro do Proxecto Terra. Foi o momento de analizar os debuxos realizados polos alumnos que recollen os aspectos fundamentais do seu hábitat (Miño) e de reflexionar conxuntamente sobre todo o que hai e tamén sobre o que falta para que este hábitat humano sexa adecuado para o desenvolvemento persoal e social dos que aquí viven.

Proxecto Terra: "O dereito ao hábitat"

27/02/2016 19:45
Europe/Madrid

Os alumnos de 1º ESO están a participar nun proxecto de innovación educativa titulado "Proxecto Terra: O dereito ao hábitat". Como parte do traballo, reflexionaron sobre o hábitat en xeral e analizaron as características do seu,  Miño. Realizaron debuxos cos aspectos fundamentais e, con eles, fixeron un mural que instalaron no vestíbulo de Secundaria.

 

Todos estes debuxos e as súas reflexións recóllense na presentación seguinte.

 

ANTROIDO TEMÁTICO: O SÉCULO XIX

22/02/2016
Europe/Madrid

Celebramos o Antroido cun desfile onde personaxes e feitos do século XIX fixéronnos recordar as características desta época histórica. Como cada ano e seguinto a proposta da biblioteca, mergullámonos nun momento da historia para coñecela dende diversos puntos de vista e representámola nesta data tan festiva. Os protagonistas do desfile do Antroido foron os seguintes:

Brancaneves e os ananiños dos Irmáns Grimm (Educación Infantil)

Darwin e as especies (1º EP)

Inventos do Século XIX (2º EP)

Vaqueiros da febre do ouro americana (3º e 4º EP)

Náufragos e bucaneros da Illa do Tesouro de Stevenson (5º e 6º EP)

New York vs Francia (2º ESO A)

O París de Toulouse Lautrec (2º ESO B)

Drácula (3º ESO)

Os personaxes literarios do Século XIX (4º ESO A)

Os alumnos de 4º de ESO B foron os encargados de  presentar o acto e os de 1º de ESO fixeron desfilar o Meco e leron o seu testamento.

... E VISITOUNOS O APALPADOR!

16/12/2015 11:58
Europe/Madrid

Coma todos os anos por estas datas O APALPADOR visitou o noso cole. Foi polas aulas de Infantil e Primaria e conversou cos nenos e nenas que o recibiron con agarimo e ilusión.

Distribuir contido


by Dr. Radut