Aproveitando os raios de sol e que onte foi o día do libro, fixemos un apadriñamento lector! Tivemos unha xornada de convivencia onde os nenos e nenas máis pequenas escoitaron un conto da man dos e das maiores. Ao rematar, cada grupo/parella fixeron un debuxo sobre o conto que acababan de escoitar. Como nos gustou estar todos e todas xuntas!

Dádelle o play para coñecer os contos!

A convocatoria para o curso 2024 - 2025 publicouse o 19 de abril de 2024, e a axuda pódese pedir do 30 de abril ao 13 de setembro de 2024.

As axudas están dirixidas a persoas que presentan unha necesidade específica de recibir apoio educativo derivado dalgunha das seguintes situacións:

Todo o proceso de solicitude da bolsa realízase a través da sede electrónica do Ministerio de Educación e Formación Profesional. Unha vez completado, hai que imprimir o formulario de solicitude (un PDF) e presentalo no centro educativo.

Toda a información neste enlace.

Obradoiro de Cómic

Ricardo Pazos

alumno de 3º da ESO do IES Mestre Landín 

veu polo noso centro para contar ao alumnado de 3º e 4º 

 a súa experiencia como ilustrador de comic. 

segue os enlaces ata o blog da Biblioteca para saber máis desta actividade

MOITAS GRAZAS! 

SEMANA DO LIBRO

O luns da semana do libro, o alumnado de Infantil tivo unha cita con Tuxiña na Biblioteca.

Continúa os enlaces ata o blog da Biblioteca

 QUE BEN O PASAMOS!!

Poema colectivo, a partir dunha tormenta de ideas sobre o ciclo da vida e a igualdade, plasmado logo en poema por Issam de 5º.

Aproveitando o material dos circuitos de papel dos Polos Creativos, as tarxetas Makey Makey dos e os cables de boca de cocodrilo do Digicraft e  traballando co Scratux dentro do Plan Proxecta os alumnos de 5º elaboraron estes murais interactivos dentro da PDI do centro "Río Lameira, un río de Vida", que foron a presentar aos seus compañeiros de cursos inferiores.  Este vídeo é unha mostra deste traballo e débese á inmensa paciencia do mestre Miguel Seoane.

Un Booktube especial:  á cámara Raúl de 6º e diante dela o seu irmán Diego, un experto no mundo dos Booktube

Moitos máis libros imprescindibles, segundo os booktubers máis famosos do noso colexio.

Issam:

Joel:

Leire:

María:

Martín:

Prestade atención ás recomendacións literarias que vos deixan os mellores Booktubers do noso centro:

Ainhara 5º

Alonso 5º

Álvaro:

Ángel:

Darío:

Desireé:

Chegamos coa última entrega deste curso do Sequelo cociña! Esta vez, os nenos e nenas máis maiores do cole aproveitaron o descanso de semana santa para facer unhas receitas moi deliciosas. Dádelle ao play e descubride a variedade de sobremesas que nos traen!

Moitas gracias a todos e todas pola vosa colaboración!

Unha segunda vida para os teus libros.

A Asociación de Mulleres de Marín propón esta actividade para a semana do libro na

Alameda de Marín.

ANIMÁDEVOS A LER

Xincana de Orientación en Briz

Este mércores día 17 de abril o alumnado de 3º, 4º e 5º

Dentro do proxecto de Edu-Saúde

integramos esta actividade de orientación na granxa de Briz.

Continúa os enlaces ata o blog da Biblioteca para saber máis sobre esta actividade.

ESTE ANO O LEMA DO DÍA MUNDIAL DA SAÚDE É: "A MIÑA SAÚDE, O MEU DEREITO", coa finalidade de defender o dereito da poboación a ter acceso a servizos de saúde, educación e información, así como a auga potable, aire limpo, boa nutrición, vivenda, condicións ambientais e de traballo decentes.

No noso colexio, grazas á Anpa, tivemos a oportunidade de que Antonio Casal (Aula de Saúde do Club Baloncesto Peixefresco Marín) viñese a dar dous talleres (un para nenos/as e outro para mestres/as e familias) relacionados cos Primeiros Auxilios, centrándonos mais no RCP.

Aprendemos moitísimo e sobre todo, quedamos coa frase de "a peor RCP é a que non se fai".

Moitas grazas, Toño e Anpa Aidón por esta formación tan necesaria.

Coñecendo a orixe dos Maios

Da man do mestre Jose Antonio,

o alumnado de 1º, 2º e 3º

iníciase no mundo dos Maios.

A continuación, deixo unha breve presentación da xornada de orientación deportiva do pasado martes 19 de marzo, cos alumnos e alumnas de 6º curso.

DÍA DO AUTISMO

2 de Abril

Hoxe celebramos o día mundial do autismo. 

O lema deste ano é " Autismo cerca de ti"

Na clase de 3º traballouse o tema.

SEGUE OS ENLACES PARA SABER MÁIS

Día da Narración Oral

Obradoiro de Radio na Escola

O mércores coincidindo co Día Mundial da Narración Oral contamos na Biblioteca do Noso Colexio con Soledad Fellosa, entre outras moitas cousas, directora do Festival Internacional de Narración Oral Atlántica con sede na Coruña.  A súa presenza atopábase englobada dentro da formación do Proxecto Radio na Biblioteca no que o noso centro se atopa inmerso. Con Soledad os nenos aprenderon da importancia da posición corporal na radio e en toda expresión oral, de cara a obter un bo sinal auditivo.

Seguide os enlaces para continuar co artigo

En cumprimento da nova lei educativa estatal, este curso está previsto en todas as comunidades autónomas a realización das probas da avaliación de diagnóstico para o alumnado de 4.º curso de educación primaria e 2.º curso de educación secundaria obrigatoria. No caso de Galicia, terán lugar os próximos días 10 e 11 de abril.
Pode atopar máis información no seguinte documento dirixido ás familias.

ANUNCIO DE APERTURA DE PRAZO PARA PRESENTACIÓN DE DOCUMENTACIÓN LISTAXE DE SOLICITUDES A BAREMAR - CURSO 2024/2025

Dada a insuficiencia de postos escolares dispoñibles para atender todas as solicitudes de admisión, de 4º de E. Infantil, presentadas para o curso 2024/2025 e de conformidade co disposto no artigo 30.2 da Orde de 21 de outubro de 2022, ábrese un prazo de 10 días hábiles (do 2 ao 15 de abril) para a presentación, de forma presencial, da documentación xustificativa dos criterios de baremo alegados para realizar a valoración e establecer a orde de prelación das solicitudes presentadas no noso centro.