Maio 2016
II CONCURSO DE CHISTES EN GALEGO (APRENDIZAXE SIGNIFICATIVA)
Enviado por josean o Xov, 19/05/2016 - 21:59Día 2, logo das Letras Galegas e aí vos van unhas cantas
Nos seguimos de Letras Galegas, honrando a quen nos peta; e como a quen nos peta honrar é aos que nunca escribiron unha letra pero sempre o falaron, seguiremos facendo, proa e rella sempre, de cada día o día das Letras Galegas
Esta iniciativa de aprendizaxe significativa vén dos compañeiros do CEIP Ponte Sampaio, gostamos dela e sen recato copiámola. Hai moito tempo que no seu centro as notas son escritas polos nenos de 1º a 6º, pois ben nos empezamos a facelo con esta primeira que de seguro a moitos vos chegou a casa nas versións de Nacho, Ana Barrera, Angela e Julia. Inda seguen moi ancorados nas referencias, pero a medida que vaiamos avanzado convertiranse en máis creativas.
Neste caso tan importante como o contido e o continente. O contido queda explicado nas notas, II CONCURSO DE CHISTES EN GALEGO, en video. Puntuarase o uso do seseo e a xeada. Isto non é publicidade das gaseosas, é que inda non teñen asumido o da gheada
Había unha que non eliximos, desta vez, que en vez de convocar, invocaba aos pais. Xa era moito para esta primeira vez
MANUEL MARÍA: RETRATOS E CALIGRAMAS
Enviado por josean o Xov, 19/05/2016 - 21:55Seguimos dandolle as Letras Galegas, entre os de 5º e 6º caligramizamos o "Soños na Gaiola" e fixemos varios retratos. A música de fondo é María Manuela, cantante do Ferrol, sobre o "Poema do Alleado", e Manuel María exercendo de profeta. Ben sabía el os camiños que desgraciadamente ía coller o pobo galego: o mellor sempre o de fóra
Manuel María by Slidely Slideshow
II CERTAME DE RELATO CURTO "MARÍN CONTA"
Enviado por josean o Mar, 17/05/2016 - 17:22Paula Santiago González foi premiada (3º premio) polo seu traballo "Era unha vez un río", desta vez no II Concurso de Relato Curto "Marín Conta" Logo de moito traballar en Naturais, coa nosa garza, o seu alimento, as troitas, e co río Lameira, soubo trazar unha bonita historia cunha estructura novedosa a redor de todo iso
Parabéns Pauliña
XIV CERTAME DE RELATO CURTO CONCELLO DE MARÍN
Enviado por josean o Mar, 17/05/2016 - 16:08Hai moito tempo que entendimos que o obxectivo final das materias de lingua castelá e galega vai moito máis aló que a metalingüística (gramática, ortografía...) O seu obxectivo último é que os rapaces sexan quen de expresarse de xeito oral e escrito, e imos dando pasiños.
Como todos os nosos nenos presentaron traballos non sabería con cal quedarme. Dende o concello elixiron premiar o de Aixa Sanjorge Boullosa co primeiro premio na súa categoría polo seu relato "O home das pedras", e a nos pareceunos ben, como ben nos parecería se premiasen a calquera outro dos nosos rapaces.
A da placa é Aixa. Parabéns a todolos rapaces que presentaron traballos e se interesan ao mesmo tempo polas nosas letras
VIDEO DOS CENTROS DO MORRAZO
Enviado por josean o Mér, 11/05/2016 - 22:00Con ou sen nos este video que elaboramos as equipas do Morrazo é un motivo de celebración do galego. E digo con ou sen nos porque por un erro noso chegamos tarde, pero conseguimos metelo con calzador. As nosas colaboracións: Carliños de la Torre e unha moi moi especial ao final
OS RAPACES DE 5º VISITAN O IES MESTRE LANDÍN
Enviado por josean o Mér, 11/05/2016 - 00:00O IES Mestre Landín continua cos Xogos matemáticos nos recreos. Nesta ocasión invitaronnos ao alumnado de quinto de Primaria que o pasou en grande no centro veciño
ESOPHÍAS/FOTOGRAFIA XEOMÉTRICA IES MESTRE LANDÍN 2016
Enviado por josean o Lun, 09/05/2016 - 20:00Encantanos colaborar con todas aquelas ideas marabillosas que ten outra xente. Os tres últimos son nosos. Se pensades que en Manzaneda non estabamos traballando estabades equivocados. Había unha mais pero o que suscribe quedoulle atrás. Sintoo Carmen e o antes posible aparece aqui
Coas cinco últimas esophías tamén colaboramos nos. Quixeramos facer máis, e telas tido mellor preparadas, pero esta quincena última foi de tolos e faltannos horas; inda así encantados de participar cos compañeiros do Ies Mestre Landín
IV CERTAME DE RELATO CURTO FANPAS PONTEVEDRA
Enviado por josean o Lun, 09/05/2016 - 00:00Entre os finalistas do IV Certame de Relato Curto que promoven as FANPAS de Pontevedra, Kalandraka e o Concello de Pontevedra; entre os 50 de Primaria pois tamén metémonos 4. Furando, furando... Tamén os finalistas teñen dereito a saír no libro que Kalandraka edita e que logo aparecerá diariamente no Diario de Pontevedra. Conto en Marín... temos de raio
Ana Belén Castro Pazos
Leyre Castro del Río
Guillermo Rodríguez González
Carmela Sanjorge García
RELATOS CIENCIA QUE CONTA DA UNIVERSIDADE DE VIGO
Enviado por josean o Dom, 08/05/2016 - 00:00Andivemos rondando os 4 premiados. Tivemos dúas finalistas cuxos textos apareceran no libro e para ser o primeiro ano sen saber moi a fondo de que ía o conto, está moi pero que moi ben. Parabéns a elas e aos compañeiros do CEIP de Ponte Sampaio que tiveron a sorte de seren premiados
OS MAIOS 2016
Enviado por josean o Lun, 02/05/2016 - 00:00Por segui-lo xeito
de todolos anos
vimos outra volta
co este noso maio,
sen outro motivo
nin outro regalo
que segui-las cousas
dos antepasados
Hogano a xente de Marín coma sempre foi xenerosa cos aguinaldos e os premios foron abondosos. Primeiro premio en letra e terceiro de interpretación do Maio; e primeiro en Interpretación e feituría da Embarcación e segundos pola letra. Máis aló diso contribuimos a que a cadea de transmisión ao redor da lingua seguise rodando, e inda máis aló diso os rapaces disfrutaron antes, logo e despois, que é do que se trata.
Se premedes na última foto teredes acceso ás fotos do día
