Maio 2016

IV CERTAME DE RELATO CURTO FANPAS DE PONTEVEDRA

Enviado por josean o Lun, 30/05/2016 - 21:42

Este ano as cousas pintaron ben no Certame e tivemos catro finalistas: Carmela Sanjorge García, Ana Belén Pazos Castro, Leyre Castro del Río e Guillermo Rodríguez González, este último foi o gañador da Categoría de Primaria. Veñen con cadanseu libro editado por Kalandraka onde aparecen as súas historias e Guille ademáis cun patinete. Deste ano tocoulle ser a anfitriona a unha autora da que o ano pasado traballamos, o seu libro Escarlatina, Ledicia Costas. Parabéns a todos

E o video do gañador recollendo o monopatín:

EMBARCACIÓN XIANA 2016

Enviado por josean o Dom, 29/05/2016 - 09:23

Tarde, pero por fin nos chegaron os videos da Eurovisión de Marín. Un deles, o da embarcación Xiana, imolo gardar coma ouro en pano, pois a melodía na que se sustenta, a da embarcación Santos do 54, non pensamos cantala en 3 anos de novo (mínimo). Xa temos outras tres melodías diferentes dos barcos de Marín, para poñerlle unha letra.

"MAIO MARIÑEIRO" 2016

Enviado por josean o Dom, 29/05/2016 - 09:18

O Maio Mariñeiro, con imaxes da mañá que amosan como se teñen que cantar os maios. Pola tarde nunca se pode facer en debida forma, non polo espazo reducido, se non pola cantidade de rapaces que cada maio leva (antes eran como moito sete ou oito). Como vedes intentamos conservar os aspectos simbólicos da festa sempre que é posibel, e o solista (como se vén facendo dende que o mundo é mundo) canta dende debaixo do maio, inda que iso conleve que a coroa quede torcida e o ter que adaptar a letra a esa circunstancia, ou xa foi antes, en previsión?