Skip to Content

Muller tiñas que ser

Actividades de Igualdade realizadas no cole

8 marzo: Día Internacional da Muller

Cada ano conmemoramos o 8 de marzo, Día Internacional da Muller, cunha charla con algunha muller relacionada co noso proxecto anual.

Este ano dedicado ao cine, non era doado atopar unha muller relevante que viñese ao cole. Por sorte, Isabel Blanco, actriz e produtora aceptou a nosa invitación aínda sendo a véspera da gala dos Mestre Mateo, os Óscars galegos, dos que foi gañadora por partida dobre en pasadas edicións.

Isabel non só falou da sua traxectoria no mundo do cine e da televisión se non que tamén contou anécdotas da súa vida coas que arrincou gargalladas a todos os presentes.

Tamén nos fixo reflexionar sobre a igualdade a cultura e a importancia da educación.

Respondeu a todas as nosas preguntas, que non foron poucas, con cariño e sentido do humor e ata tivo tempo de asinarnos autógrafos e facer unhas fotiños de recordo para as profes que son fans dende os seus comezos como María Ares en Mareas Vivas.

Foi unha ledicia ter a Isabel no cole!! Mil grazas!!

Repercusión nos medios:

Faro de Vigo| A actriz Isabel Blanco visita el colegio de Rubiáns

A igualdade non ten truco!

A igualdade é un dos piares nos que se basa o traballo diario no noso cole. Sempre nos esforzamos por demostrar que todos, independentemente do xénero, podemos facer o que desexemos. Ben sexa no deporte que practicamos, nos xogos aos que xogamos ou nas profesións que elixiremos nun futuro...

No mes de marzo facemos especial fincapé e dedicamoslle varias actividades á visibilización das mulleres.

Nesta ocasión, foi un espectáculo de maxia. Tradicionalmente as mulleres neste tipo de espectáculos desenvolvían o rol de axudantes, pero hoxe comprobamos que tamén as mulleres poden facer máxia!

Ademais de falarnos de igualdade fixeron uns trucos incribles!

REPERCUSIÓN NOS MEDIOS:

Canal Rías Baixas | Un espectáculo de maxia conciencia sobre a igualdade de Xénero no CEIP P de Rubiáns

Faro de Vigo | Los niños de Rubiáns trabajan la igualdad a través de la magia

La Voz de Galicia | Maxia pola igualdade

Muller e nena na ciencia

Un ano máis para conmemoramos o 11 de febreiro, día Internacional da muller e a nena na ciencia.

Nesta ocasión, relacionado co noso PDI, "Sabela cámara e acción" realizamos unha actividade que mestura ciencia e cine.

Buscamos películas que tiveran como protagonistas a científicas, tanto reais como de ficción. Imprimimos os carteis das películas e escribimos un pouco de información de cada unha. Ademais todos os carteis teñen un código QR co que podemos ver o trailer da película (ou un anaquiño onde sae a nosa protagonista)

No están todas as que son pero son todas as que están ;-)

Muller tiñas que ser!

Un dos alicerces da nosa escola é Educar en Igualdade.

Traballamos en prol da igualdade de oportunidades e facemos moitas actividades para visualizar o papel da muller, que en moitas ocasións quedou solapado por figuras masculinas.

Por iso, ademais de que as aulas do cole teñen nome de muller (dende que traballamos o PDI "Mulleres importantes na Historia")  tamen os grupo-clase serán denominados na web por un nome de muller durante toda a súa etapa educativa no centro.

Escollemos os nomes de, entre outros, o libro "Cuentos de Buenas Noches para Niñas Rebeldes" Ed. Destino.

"Porque todas as nenas merecen crecer pensando que poden ser o que elas queren"

 


Videoclip "Concepción Arenal"

Os que nos seguides xa sabedes canto nos gusta facer versións de cancións e gravar "videoclips". Tamén sabedes que un dos alicerces do noso cole é a IGUALDADE (3 dos nosos proxectos foron premiados no concurso de Boas Prácticas na Escola "Igualdá" do Concello de Vilagarcía e 1 mereceu o Premio Nacional do Ministerio de Educación).

Nesta ocasión, o alumnado de infantil (5 anos) mesturou a igualdade co proxecto deste curso "Sabela coñece Galicia" e traduciu e versionou a canción sobre Concepción Arenal de "Los Lunis de Leyenda".

Tres alumnas de 6º puxeron as súas voces e o alumnado de 5 anos interprétaa con moita credibilidade, non vos parece?

Memoria igualdade 2018-2019

Memoria das actividades de Igualdade realizadas este curso

 

Día Internacional da Muller

Como cada 8 de marzo celebramos o Día Internacional da Muller (esta vez cun día de adianto) cunha interesante charla.

Nesta ocasión tivemos o pracer de contar con 3 fantásticas mulleres.

Covadonga Salgado, directora do INTECMAR de Vilaxoán (que conta cun equipo de traballo formado maioritariamente formado por mulleres) explicóunos un montón de cousas interesantes sobre o mar, os residuos, os mexilóns... fíxonos recordar unha chea de cousas que aprenderamos cando coñecimos o mar da man de Sabela. 

Sara Gómez, xogadora internacional de baloncesto do CLB Vilagarcía. Que nos amosou as grandes diferenzas que hai entre o deporte feminino e o masculino.

María De La Barrera, bombeira de protección civil que nos explicou que a pesares de ser a única traballadora muller do parque, non hai diferenzas cos seus compañeiros á hora de levar a cabo o seu traballo (salvo por cuestións meramente físicas).

Foi unha charla moi agradable na que aprendemos un montón e fixemos unha morea de preguntas.

Este acto serviu para "estrear" a nosa "Wall of Fame" unha parede chea de mulleres loitadoras, valentes, famosas, anónimas, aventureiras, intelixentes, deportistas, traballadoras, nais, pioneiras.... e que nos servirá para aprender moito máis sobre todas esas mulleres esquecidas pola historia.

Mil grazas ás nosas invitadas pola súa visita, esperamos que pasarades un rato tan agradable coma nós.

8 de marzo: Día Internacional da Muller

Co gallo do Día Internacional da Muller visitounos Dona Maria del Carmen Roca, primeira muller en España en ser Xefa da Policía Local. 

Contounos un montón de cousas moi interesantes sobre o seu traballo e tamén dos inicios da muller na Policía e da loita que levaron a cabo para defender os seus dereitos.

Moitas grazas pola visita!

 

Día Internacional Muller e Nena na Ciencia

O 11 de febreiro, co gallo da conmemoración do Día Internacional da Muller e a Nena na Ciencia, no cole fixemos un pequeno vídeo para concienciar de que as nenas podemos dedicarnos a calquera cousa que nos propoñamos.

Podes coñecer mulleres científicas e máis datos desta iniciativa nos seguintes enlaces:

Distribuir contido


by Dr. Radut