Skip to Content

Multimedia

Telexornal 2019

Un ano máis presentámosvos o Telexonal de Rubiáns, un resumo a modo de noticiero de todo o que pasa no cole durante o curso.

O alumnado de 6º é o encargado da súa elaboración, quedoulles moi chulo, non si?

Esperamos que vos guste!!

Contigo

Como cada ano por estas datas chega a canción do verán!

Nesta ocasión fixemos un repaso do máis representativo da nosa terra (lugares, gastronomía, música e lingua)

Tiñamos o listón moi alto despois dos éxitos dos veráns pasados (Que bonito é ser muller!, O Bosque de Sabela ou Coida o mar!  A máquina do tempo) pero a canción deste ano vai soar en todas as festas!

a

Move like the dinosaurs!

Aos nenos e nenas de 5 anos gustoulles tanto esta canción que non puidemos deixar pasar a ocasión de gravar o videoclip.

A calidade non é a que nos gustaría pero queremos compartilo con vós igualmente.

Videoclip "Concepción Arenal"

Os que nos seguides xa sabedes canto nos gusta facer versións de cancións e gravar "videoclips". Tamén sabedes que un dos alicerces do noso cole é a IGUALDADE (3 dos nosos proxectos foron premiados no concurso de Boas Prácticas na Escola "Igualdá" do Concello de Vilagarcía e 1 mereceu o Premio Nacional do Ministerio de Educación).

Nesta ocasión, o alumnado de infantil (5 anos) mesturou a igualdade co proxecto deste curso "Sabela coñece Galicia" e traduciu e versionou a canción sobre Concepción Arenal de "Los Lunis de Leyenda".

Tres alumnas de 6º puxeron as súas voces e o alumnado de 5 anos interprétaa con moita credibilidade, non vos parece?

Historia de Galicia en 10 minutos

O proxecto deste curso é "Sabela coñece Galicia" por iso cando atopamos o excelente vídeo "Historia de Galicia en 10 minutos", non podiamos deixar pasar a ocasión de usalo nas aulas.

Pero en Rubiáns, sempre vamos un paso máis alá. Así que pensamos...... e se o gravamos en galego??

E como non podía ser doutro xeito lanzámonos á aventura. Despois de pedir os correspondentes permisos a Carki Productions, puxémonos mans á obra!!

Este é o resultado. A nós gústanos moito, e a ti.... que che parece??

Graciñas a Carki Productions por permitirnos facer este traballo!

A máquina do tempo!

Tiñamos o listón moi alto despois dos éxitos dos veráns pasados (Que bonito é ser muller!, O Bosque de Sabela ou Coida o mar! ) pero volvémolo facer!

Este ano compuxemos "A máquina do tempo" unha pegañosa canción sobre a historia que vai camiño de converterse no novo hit do verán.

A orquestra Panorama está interesada en incluíla no seu repertorio e a vós, gústavos??

(se queres ver o vídeo en pantalla completa preme na palabra Vimeo)

Telexornal 2018

Un ano máis o "Telexornal de Rubiáns" é unha das actividades que causa moita expectación no festival de curso.

O alumnado de 6º é o encargado de facer un resumo a modo de noticieiro de todo o acontecido no cole durante o curso.

Este ano, non podía ser doutro modo, viaxamos no tempo e cada bloque estivo recreado nunha etapa da historia. O alumnado traballou moito pero cremos que valeu a pena non si? Que vos parece?

(se queres ver o vídeo en pantalla completa preme na palabra Vimeo)

Coida o mar!!!

Un ano máis chega o verán e con el "a canción do verán"

Este ano pensaban que podería ser "Despacito" ou "Súbeme la radio" pero non contaban co CEIP de Rubiáns.

A que vai a ser, sen dúbida, o éxito do verán é a nova canción composta polo alumnado e mestre de música do cole: "Coida o mar"

A canción ademáis de ter un estribillo pegañoso, difunde unha mensaxe que esperamos afonde en todos os que a escoiten e fagan precisamente eso, coidar o mar!

(se queres ver o vídeo en pantalla completa preme na palabra Vimeo)

Telexornal 2017

Como cada fin de curso esperamos ansiosos o Telexornal Resumo do ano, no que os compañeiros de 6º presentan a modo de noticierio todo o acontecido durante o curso.

Esperamos que vós guste tanto como a nós facelo! 

                               (se queres ver o vídeo en pantalla completa clica na palabra Vimeo)

A guerra dos números

O alumnado de 4º curso participamos no Proxecta "Nós tamén creamos"

Tiñamos que escoller unha historia, entre todos os contos que nos presentaron e facer unha curta coa técnica de stop motion.

Escollemos "A guerra dos números" de Juan Darién pero como este curso estamos inmersos no Mar de Sabela os nosos números non podían ser só números, e convertémolos en peixes!!!

Traballamos moito na adaptación do guión, na elaboración das personaxes e sobre todo facendo fotos; fixemos miles!!!

Esperamos que vos guste o resultado.

Making of de como fixemos a curta:

Distribuir contido


by Dr. Radut