Skip to Content

Actividades

Falamos de ciencia?

Sabes que o galego serve para todo? Demostrámolo falando de ciencia.

Chef de Rubiáns 2018-19

Un ano máis os chefs de Rubiáns gozamos cociñando con Richard Santamaria,  presidente da Asociación de Hostaleiros e Iniciativas Turísticas de Vilagarcía (AHITUVI).

Nesta ocasión cociñamos fabas de Lourenzá e outros productos típicos da horta galega, xa que este curso o noso proxecto "Sabela coñece Galicia" está dedicado á nosa terra.

Os de 6º, baixo a dirección do hosteleiro cociñou para o resto do cole, pero ademais degustamos os deliciosos manxares que aportaron as familias.

Todo o alumnado escribiu unha receita tipica coa que se elabora un recetario moi completo.

Grazas a Richard e as familias por facer que esta actividade, da que xa levamos catro edicións, poda realizarse con tanto éxito, sen a vosa colaboración non sería posible.

DIFUSIÓN NOS MEDIOS

27/11/18 - Canal Rías Baixas - O galego o mellor ingrediente da cociña do cole de Rubiáns

28/11/18 - Faro de Vigo - Los pequeños chefs de Rubiáns elaboran platos con fabas de Lourenzá

 

Curso 2018 - 2019

O inicio de curso é un momento cheo de emoción, nervios, algunhas bágoas... pero este ano o recibimiento que fixeron os mestres foi sobre todo inesperado!

Este ano, Sabela vai coñecer a nosa terra e vainos ensinar un montón de cousas: xeografía, gastronomía, cultura.... por iso os mestres estaban vestidos con roupas tradicionais e as gaitas, pandeiretas e tambor soaron por todo o alto.

Quedamos abraiados! Isto si que non o esperabamos! Subimos ás clases todos contentos porque ademais recibimos unha chapa da nosa querida Sabela.

A ledicia foi a nota predominante de toda a xornada que completamos xogando con xogos tradicionais cedidos polo Concello de O Grove.

FELIZ CURSO A TODOS/AS!!!

Telexornal 2018

Un ano máis o "Telexornal de Rubiáns" é unha das actividades que causa moita expectación no festival de curso.

O alumnado de 6º é o encargado de facer un resumo a modo de noticieiro de todo o acontecido no cole durante o curso.

Este ano, non podía ser doutro modo, viaxamos no tempo e cada bloque estivo recreado nunha etapa da historia. O alumnado traballou moito pero cremos que valeu a pena non si? Que vos parece?

(se queres ver o vídeo en pantalla completa preme na palabra Vimeo)

Letras Galegas 2018

Este ano para conmemorar as Letras Galegas tivemos un espectáculo de títeres moi divertido.

Sabela e o páxaro máxico da compañia Tarabelos fixo as delicias do alumnado, pero antes coa técnica do Kamishibai falamos sobre a homenaxeada este ano, María Victoria Moreno.

Chef de Rubiáns 2018

Por terceiro ano consecutivo celebramos unha actividade que nos encanta, "O Chef de Rubiáns".

Este ano, enmarcado no proxecto de Historia centramos as nosas receitas nos cereais, empregados dende a prehistoria como base fundamental na alimentación ao longo dos séculos.

Contamos, como o ano anterior, coa inestimable axuda de Ricardo Santamaria, presidente da Asociación de Hostaleiros e Iniciativas Turísticas de Vilagarcía (AHITUVI).

O alumnado de 6º curso é o principal protagonista nesta actividade e convértense en "chefs" para o resto do cole.

Richard trouxo un montón de fariñas diferentes e explicounos as diferenzas que hai entre os distintos tipos: trigo, millo, espelta, trigo sarraceno, centeo..., fariñas ecolóxicas... que era o pan ácimo (o que non leva lévado) e moitas cousas máis.

Aprendemos, que a pesares da mala fama que teñen os productos con fariña, estes non son malos nutricionalmente falando, se empregamos as fariñas e os ingredientes axeitados.

Coñecemos os "bolos de pote" que non sabiamos o que era, e fixemos uns cantos para poder probalos.

No curso pasado aprendemos a importancia de consumir productos do mar polo que tamén elaboramos un pate de mexillóns que estaba moi bo.

Cando tiñamos todo preparado, xunto coas empanadas de millo e trigo que tiñamos preparadas recibimos ao resto do alumnado para explicarlles tamén a eles

REPERCUSIÓN NOS MEDIOS:

080518-Canal Rías Baixas - Rubiáns presume de chefs coas mans na masa

090518 - Faro de Vigo - Rubiáns presume de pequenos panadeiros

Letras Galegas 2018

Para facer as actividades en pantalla completa, pica nos tres puntiños e logo nas flechas.
Demostra canto sabes!!!

Día do libro 2018

Hoxe, como cada 23 de abril, conmemoramos o Día do Libro.

Fixemos unha actividade que nos encanta. De 3º a 5º apadriñamos a un neno/a ao que lle lemos un conto escollido por nós.

Este ano tivemos moita sorte,  fixo un día marabilloso así que puidemos gozar da lectura ao aire libre.

Ao rematar os nosos "afillados" agasalláronnos cun marcapáxinas de "Sabela viaxa no tempo" moi chulo.

Tamén fixemos un minilibro sobre os castros.

Lembra: “Un libro aberto é un cerebro que fala; pechado, un amigo que espera; esquecido, unha alma que perdoa; destruído, un corazón que chora”.
Proverbio Indú.

 

 

 

Día Internacional Muller e Nena na Ciencia

O 11 de febreiro, co gallo da conmemoración do Día Internacional da Muller e a Nena na Ciencia, no cole fixemos un pequeno vídeo para concienciar de que as nenas podemos dedicarnos a calquera cousa que nos propoñamos.

Podes coñecer mulleres científicas e máis datos desta iniciativa nos seguintes enlaces:

Distribuir contido


by Dr. Radut