Skip to Content

Actividades

Día de Rosalía 2024

Hoxe celebramos o Día de Rosalía con motivo do seu aniversario. Nesta ocasión todo o cole traballou o poema "Adiós ríos, adiós fontes". Entre todos realizamos un mural no que representamos cada estrofa do poema e quedou precioso.

Despois, reunímonos para recitar cada grupo a súa estrofa e escoitar da boca da mesmísima Rosalía un fragmento do poema. Para finalizar cantamos xuntos a versión musicada do poema que fixo o grupo Astarot.

 

 

Visita do escritor Eduardo Santiago

Hoxe o escritor Eduardo Santiago veu falar connosco do seu libro "A miña amiga invisible", grazas ao programa Faro da Escola, de Faro de Vigo, e a colaboración da Editorial Xerais.

Ademais, falamos de como se inspira en persoas que coñece para escoller os nomes e outras características das súas personaxes, de como se inspira noutros libros, do proceso dende que escribe o libro ata que se publica e moitas cousas máis. Incluso nos dixo cal é o seu libro favorito da literatura infantil en galego.

Moitas grazas por vir, Eduardo Santiago. Quedamos con ganas de ler "O mundo máxico de Lía".

 

 

 

 

Visita de Berta Dávila

Hoxe visitounos Berta Dávila grazas á colaboración de Faro da Escola e Edicions Xerais de Galicia para charlar connosco sobre o seu libro Demetrio Demoscopio perdeu a chispa.
Cando Demetrio Demoscopio perdeu a súa chispa o pequeno André decidiu axudalo a recuperala para o que andivo maquinando como conseguilo: dende contarlle chistes ata meterse nun libro máxico.
 
Unha conversa ben interesante na que descubrimos a unha escritora consagrada que se achega por 1° vez á literatura infantil.
 

 

O Chef de Rubiáns

Hoxe descubrimos, da man de Richard e Dolores, de @malqueridavilla, que a cociña é ciencia porque todo se produce por unha reacción física ou química.
Despois de deixar unha masa a fermentar e unha mazá e un aguacate a oxidar, fomos visitar ao seu proveedor Daniel, que ten a súa horta moi pretiño do colexio, e que nos explicou a importancia de non botarlle produtos químicos. Despois deunos a probar flor de rúcula e follas de mostaza e cadansúa laranxa. Con él estaban outros agricultores ecolóxicos de Asoprovida, que teñen moita experienciaen hortos escolares.

Cando regresamos ao cole puxémonos "mans á masa" e curamos xema de ovo, montamos claras, probamos petacetas, e fixemos esferificacións. Como nos gustou! 

Pero a cousa non quedou aí, todos e todas probamos unha morea de pratos cheíños de ciencia feitos polas familias: galletas e biscoitos con formas moi interesantes (estrelas, bombillas, números, vehículos...), ovos de cores, ADN, flocos de millo, trufas, empanada, magdalenas.... E para que aprendamos todos a facelas xa temos un receitario ben interesante coa recompilación de receitas. 

Moitas grazas, Richard por compartir connosco o teu saber. 

 

Estrela Rosaliadecastro

Este ano achegámonos á figura da nosa poeta máis universal observando a relación da súa obra co espazo e coñecendo a estrela que leva o seu nome, xunto ao exoplaneta Riosar.

Nas difererentes imaxes atoparedes información sobre a estrela Rosaliadecastro e a astrónoma Antonia Ferrín.

Día da Ciencia en Galego: Ángeles Alvariño

Coñece a Ángeles Alvariño

Demostra o que aprendiches

Magosto 22

Aínda que o clima parece de primavera, estamos no outono, o tempo do magosto. Hoxe tivemos un día fantástico, comendo unhas ricas castañas asadas e xogando no patio a xogos tradicionais. Aquí tedes unha mostra.

 

 

Samaín 2022

Chega o Samaín. Tempo de medos con bruxas, pantasmas, morcegos e miles de seres arrepiantes. Pero o que máis asusta, son as terroríficas cabazas científicas que chegaron este ano ao noso cole. Quen as faría?

 
E se arrepiantes foron as cabazas, non quedaron atrás as historias creadas pola rapazada. Os gañadores e gañadoras de cada clase viron recompensado o seu talento coa lectura das súas historias aos seus compañeiros e compañeiras. E para non quedar co medo no corpo aproveitamos o día para queimar os nosos medos.
 
Para rematar o día non podían faltar os doces, aínda que non deixamos de apostar por unha opción saborosa e saudable. Cada quen decorou unha mandarina a modo de cabaza que logo agasallou a un compañeiro ou compañeira.
 

Contacontos ilustrado: Maruja Mallo

  

Dentro do Proxecta "Donas de si" recibimos no cole a visita dun contacontos diferente. 

Ao tempo que nos contaban a vida e obra da pintora galega Maruja Mallo, a ilustradora que acompañaba ao contacontos, ía realizando un debuxo da propia pintora no momento que tivo que marchar exiliada. 

Despois de coñecer a súa biografía, realizamos unha actividade na que seguindo as indicacións da ilustradora todos  os nenos e nenas fixemos un retrato da artista galega. 

Gústounos moito!  Aprendemos moitas cousas sobre Maruja Mallo e tamén como pintar retratos.

Quedáronnos chulísimos!!

Chef de Rubiáns 2022

Por fin voltamos a realizar unha das actividades que máis nos gusta: O chef de Rubiáns.

Aínda que non puidemos gozar do banquete final con todo o cole por moitivos sanitarios, o alumando de 6º pasamos unha mañá estupenda co noso benquerido Richar Santamaria de @lamalqueridavilla

Este ano o noso plato foi unha "obra de arte" nunca mellor dito pois estamos co proxecto Sabela artista.

O emplatado das diferentes verduras que empregamos: apio, berenxena, remolacha, cabaciña, cenoria, raviños, cúrcuma, pemento, cebolas.... era digno de exporse nun museo!

Cociñamos as verduras á plancha, probámolas en cru e acompañámolas de Hummus e Baba Ganush, deliciosas!!!

Mil grazas a Richar por acompañarnos un ano máis, esperamos que o vindeiro xa poidamos celebrar todos xuntos.

 

 

DIFUSIÓN NOS MEDIOS

24/03/22 - La Voz de Galicia: Un chef bien querido en el colegio de Rubiáns

24/03/22 - Faro de Vigo: Ricardo Santamaria enseña el arte de la cocina a los alumnos de Rubiáns.

Distribuir contido


by Dr. Radut