Skip to Content

APERTURA DO PRAZO PARA SOLICITUDE DE LIBROS, FONDO LIBROS E MATERIAL ESCOLAR PARA O CURSO 22 - 23

Infórmase da apertura do prazo para as seguintes solicitudes:

  • Solicitude de Axudas para adquirir Libros de Texto para os cursos de 1º e 2º de E. Primaria.
  •  Participación no Fondo Solidario de Libros de Texto para o alumnado de 3º e 4º de E. Primaria
  •  Adquisición de Material Escolar para toda a etapa de E. Primaria.

Presentarase unha única solicitude para todos os fillos que estean admitidos no mesmo centro docente para o curso 2022/23.                                                    

 

PRAZO DE PRESENTACIÓN de solicitudes:

  •  Do 19 de maio ao 22 de xuño.

 

 FORMA DE PRESENTACIÓN:

  •  PREFERIBLEMENTE por vía electrónica a través de:

               - A aplicación informática

                        https://www.edu.xunta.gal/fondolibros/

              - A sede electrónica da Xunta de Galicia

                        https://sede.xunta.gal/portada

  •  OPCIONALMENTE, poderanse presentar presencialmente nos centros adxuntando o impreso ED330B (Anexos I e II), que poden descargar nos arquivos anexos.

Para calquera aclaración poden consultar a convocatoria na Orde do 29 de abril de 2022 pola que se regula a participación no fondo solidario de libros de texto (DOG nº 95 do mércores 18 de maio de 2022) engadida nos anexos ou ben dirixirse ao centro escolar.

IMPORTANTE:

Ler detidamente e con atención as instruccións para cumprimentar correctamente a solicitude especialmente os apartados sobre Membros computables da unidade familiar e Documentación obrigatoria.

Nos arquivos adxuntos poderán atopar os seguintes documentos:

  • Orde da participación
  • Extracto da Orde
  • Anexos I e II
  •  Manual de Usuario para a aplicación Fondo Libros
  • Instruccións para a cumprimentación dos Anexos I e II.

 

Letras Galegas 22

Para conmemorar o día das Letras, este ano tivemos un concerto moi divertido.

Dani Barreiro & Friends amenizou a mañá cun repertorio moi variado, dende poemas de Florencio Delgado Gurriagán pasando por cancións populares galegas ata éxitos infantís da música na nosa lingua.

Pásamolo súper ben!

Esta semana, ademais dos traballos de aula tamén faremos unha busca do tesouro cunha morea de pistas que nos axudarán a coñecer a vida e a obra do poeta homenaxeado este ano.

 

Visita do Arousa SC

Hoxe o alumnado de 3º a 6º recibimos unha visita moi especial.

Julio Rey, Martín Ross e Javi Fontán xogadores do Arosa SC viñeron a repartir entradas para o partido do domingo. Ademais contestaron ás nosas preguntas e ata firmaron autógrafos.

Grazas Arousa e sorte!!

A Ruta das Esculturas: 1º e 2º

Chegou o día para o alumnado de 1º e 2º para percorrer a nosa particular "Ruta das Esculturas"

Subimos ao tren cargadiños de ilusión e percorrimos as rúas moi atentos ás explicacións dos guías turísticos profesionais Carmen e Aitor, canto aprendemos!!

Unha xornada máis de éxito desta actividade.

 

Visita ao Pazo de Rubianes ( 3º-4º-5º-6º)

Último día de visitas ao Pazo de Rubianes.

Primeiro o alumnado de 3º e 4º e logo os maiores de 5º e 6º

O denomidador común a todas as visitas foi o encantado que volveu o alumnado de poder visitar un lugar tan destacado da nosa Parroquia.

Tiñamos moitas ganas e a visita non defraudou. Moitas grazas por acollernos! Esperamos repetila moi pronto! ;-)

 

 
 

Visita ao Pazo de Rubianes (1º)

Era a quenda dos máis numerosos do cole! Como eramos tantos tivemos que ir soíños, pero non nos importou moito porque así gozamos dos marabillosos xardíns do Pazo para nós sós!

Visita ao Pazo de Rubianes (4º e 5º de Infantil)

Hoxe era a quenda dos máis pequenos/as do cole para a visita do Pazo de Rubianes.

Marchamos cargadiños de ilusión e volvimos abraiados/as coa beleza dos xardíns, que cousa tan bonitiña!

Visita ao Pazo de Rubianes (6º inf e 2º Prim)

Esta semana visitaremos por grupos o Pazo de Rubianes

Tiñamos moitas ganas de realizar esta visita para coñecer o histórico Pazo e os seus marabillosos xardíns que se atopa na nosa parroquía. 

O primeiro grupo en poder gozar desta excursión foron o alumnado de 5 anos e o de 2º de primaria.

Os xardíns estaban preciosos, gustóunos moito a visita. Graciñas Pazo de Rubianes!!

A Ruta das Esculturas: Infantil

Os venres do mes de maio van a estar cargadiños de aventuras.

Por grupos imos realizar "A ruta das Esculturas".

Dentro do proxecto Sabela Artista, estivemos investigando as esculturas que había en Vilagarcía. Descubrimos que había moitas máis das que pensabamos!.

Agora tocaba ir visitalas, é que mellor que viaxar en tren? Así que Sabela e os pequenos do cole, cargadiños de ilusión emprendemos a viaxe.

Contamos ademais cuns guías de luxo. Aitor e Antón de 6º foron falando das diferentes esculturas, dos seus autores e dos seus significados. Canto aprendemos!

Vimos Man con man, a Porta da luz salgada, os leóns do Concello", o busto de Rosalía, as ameixas de Carril, fixemos unha paradiña no parque de Miguel Hernández, pois alí hai varias esculturas que destacar, achegámonos ao porto de pasaxeiros e dende alí avistamos a cruz de Lobeira. Logo tivemos a sorte de poder entrar no porto comercial, grazas a Autoridade Portuaria para ver de preto a Rosa do mar unha escultura impresionante que estamos afeitos a vela sempre dende moi lonxe. Depois seguimos a Vilaxoan e voltamos ao cole pasando antes polo centro da Vila.

Que ben o pasamos! Non tiñamos ganas de volver, se non fora porque xa tiñamos fame quedariamos todo o día no tren!!

Distribuir contido


by Dr. Radut