Estimadas familias, 

Este ano hai eleccións para renovar os membros do consello escolar. 

Según indica o calendario publicado na Resolución do 10 de setembro, é preciso constituir a Xunta Electoral previamente. 

Esta Xunta Electoral estará constituida pola directora, 1 representante do profesorado, 1 representante das familias e 1 representante do Persoal de Administración e Servizos.

Para designar tanto ao representante do profesorado como ao das familias, levarase a cabo un sorteo público o vindeiro venres. día 18 ás 12 horas.

Celebramos a Semana Europea do Deporte Escolar coa visita de María Varela, adestradora e xogadora internacional de tenis e pádel. Puidemos probar o pádel e animóunos a utilizar as posibilidades que ofrece a Escola Municipal a través da Fundación de Deportes que nos permite practicar esta modalidade deportiva dous días por semana por un módico prezo anual. 

Por se fora pouco, tivemos a sorte de ver unha exhibición que nos ofreceron María e a teacher, compañeiras no equipo feminino do Arousa Pádel co que se proclamaron campionas de Galicia. Para rematar, sumáronse os profes Peque e Borja, que non o fixeron nada mal. 

Grazas, sobre todo a María por amosarnos un novo deporte. Esperámoste máis veces! 

Informamos que todos os usuarios do comedor escolar deben cubrir e entregar a ficha adxunta. Ademais, aquel alumnado que presente algún tipo de alerxia é preciso que cubra o documento correspondente acompañado do informe médico. 

Pódese entregar por correo electrónico ou presencialmente no centro en horario de 10 a 13:30.

O prazo de entrega da documentación é o vindeiro luns, 9 de setembro. É preciso que toda a documentación estea entregada para poder facer uso do servizo.

O Concello vén de convocar as axudas á escolarización que cada ano pretenden servir de axuda económica ás familias do alumnado de Educación Infantil.

Como figura nas bases, as familias que reúnan os requisitos recibirían unha axuda de 70€ por neno ou nena.

O prazo de solicitudes está aberto do 1 ao 30 de setembro.

Nos documentos adxuntos pódense consultar as bases e descargar o formulario de solicitude, que se tramitará no propio concello.

Adxúntase o formulario para solicitar o uso dunha praza de autobús polo alumnado que non cumpre os requisitos de usuario lexítimo, Considérase usuario NON lexítimo e, polo tanto, debe entregar esta autorización, aquel alumnado con domicilio de residencia ou laboral a menos de 2 km ou aquel que resida fóra da zona de influencia do centro, é dicir fóra dos límites das parroquias de Cea e Rubiáns.

A parroquia de Cea remata á altura do número 46 de Avda. das Carolinas. Ante calquera dúbida poden poñerse en contacto co centro.

O prazo para entregar a documentacion remata o xoves, 5 de setembro de 2024.

O horario de entrega da documentación será:

Do 2 ao 12 de xullo: de 10 a 13 horas.

Do 2 ao 5 de setembro: de 10 a 14 horas.