Skip to Content

Extraescolares

Festival Nadal

Un ano máis despedimos o primeiro trimestre de curso co noso popular "Festival de Nadal"

Como sigamos así imos ter que empezar a facer os festivais no Auditorio pois non cabía un alfinete.

Esperamos que as actuacións que con tanto agarimo preparamos fosen do voso agrado.

BOAS FESTAS E FELIZ 2018

Un día moi completiño

Comezamos cunha viaxe un tanto especial, e é que desta vez no canto de ir en autobús iamos viaxar en tren para chegar á capital de Galicia.

A primeira parada foi no Parlamento, onde coñecemos o edificio, as diferentes salas, as bibliotecas e despachos... Pero o máis importante de todo foi que entendemos o funcionamento desta Institución e dende o hemiciclo puidemos ver as cousas dun xeito un pouquiño diferente. Ademais da guía, tivemos a sorte de que parte da visita fixémola acompañados por Dª. Marta Rodríguez Arias, que nos puido aclarar cantas dúbidas ían xurdindo.

E bulindo, bulindo marchamos cara o Museo do Pobo Galego, onde iamos observar embarcacións e diferentes elementos da pesca que nos fixeron lembrar o proxecto do curso pasado, así coma roupas, elementos de vivendas, escolas e oficios de antano...

E sen descanso na nosa peregrinaxe pola cidade chegamos á Catedral de Santiago, onde puidemos observar diferentes elementos arquitectónicos e artísticos, así como descubrir algunhas curiosidades coma a función do botafumeiro.

Despois de comer e xogar un pouco no parque, entramos no Museo de Historia Natural e, aínda que pareza incrible case nos chamou máis a atención a colección de minerais que todos os animais que alí había.

 

Entroido 2017

O Mar de Sabela encheuse de color e criaturas mariñas para festexar o Entroido.

Non faltaron especies da nosa ría e personaxes alén dos mares. Dende peixiños pequerrechiños ata as temidas quenllas, sen esquecernos das sereas e os piratas.... se ata tivemos unha flota de submarinos, amarelos, claro está! 

Desfilamos ata a praza da igrexa,  onde ante un nutrido grupo de familiares cantamos as coplas relacionadas co mar e o noso disfraz que compuxemos entre todos. 

Tamén degustamos os deliciosos postres típicos destas datas que aportaron as familias. 

En definitiva, gozamos dunha xornada moi divertida

COPLAS ENTROIDO 2017

Guardar

Guardar

Día da Paz

Como cada 30 de xaneiro, conmemoramos o Día Escolar da Non Violencia e a Paz.

Este ano, enchemos o mar de Sabela de botellas con desexos de Paz.

Colgamos todas as botellas decoradas e  cheas de bos desexos nas entradas do cole, representando con elas un mar de solidaridade.

Despois cantamos unha canción en inglés, xa que  o desexo de Paz é común a todo o mundo e a todas as linguas.

Guardar

Charla sobe cartografía

Hoxe, dentro das actividades do día Internacional da muller,  visitounos Julia Armesto, Doutora en Enxeñaría de Montes, Investigadora e Profesora da Escola Universitaria de Enxeñaría Técnica Forestal da Universidade de Vigo. 

Julia contounos un montón de cousas interesantes sobre  drons, mapas, a cartografía e as súas aplicacións na vida diaria... pero non só sobre eso, senón tamén, sobre as dificultades que teñen as mulleres para desenvolverse nalgúns entornos laborais e a importancia de dedicarnos a un traballo que nos apasione independentemente do xénero. 

Pero o que nos deixou abraiados/as foi a medición Laser escáner 3D "in situ" que fixo da aula e de nós! 

Encantounos a charla de Julia, case non a deixamos marchar de tantas preguntas que lle fixemos! 

Moitas grazas pola túa visita, esperamos que o pasaras tan ben coma nós! 

Saída ao teatro dos nenos e nenas de infantil e primeiro ciclo

Visita ao Bosque do Castriño

O alumnado de primeiro, segundo e terceiro visitamos o parque do Castriño para familiarizarnos con moitas peculiaridades das especies vexetais que alí habitan. Mario, o técnico de xardíns do Concello explicounos un montón de cousas interesantes.... Sabiades que existe un "eucalipto esponxa"?. Para rematar fixemos "fotocopias" das cortizas das diferentes árbores... Que ben o pasamos!!!!!!

 

Visita ´¨o Bosque do Castriño

O alumnado de primeiro, segundo e terceiro visitámos o parque do Castriño para familiarizarnos con moitas peculiaridades das especies vexetáis que alí habitan. Mario, o técnico de xardíns do Concello explicóunos un montón de cousas interesantes.... Sabíades que existe un "eucalipto esponxa"?. Para rematar fixémos "fotocopias" das cortizas das diferentes árbores..... Que ben o pasamos!!!!!!

 

Distribuir contido


by Dr. Radut