Skip to Content

Medio ambiente

Escoitamos a berrea?

O alumnado de 5º e 6º participou nun programa de educación ambiental organizado dende o Minsisterio de Educación. Ademais de coñecer Villardeciervos, Puebla de Sanabria, os Arribes do Douro, os lagos de Sanabria e Valparaíso, escoitamos a berrea (sons que fan os cervos para ligar coas femias), observamos os lobos de preto e fixemos ogradoiros de candeas, xeocaching, radio ou xogos sensoriais.

Compartimos a experiencia co alumnado do CEIP San Juan de Dios, de Granada, onde xa temos uns amigos para sempre. Eles presentáronnos a súa cidade e nós amosámoslle a nosa.

Grazas a todas as persoas que fixeron posible esta experiencia.

RECICLA, REUTILIZA E REDUCE!

Saúdos ecoamig@s!

Como sabedes, dende o Proxecto de Voz Natura do noso colexio, estamos traballando ano tras ano nas 3R (RECICLA, REUTILIZA E REDUCE). 

Como a estas alturas de curso tiñamos que estar con "Sachiño" no horto escolar, e debido á alerta sanitaria estamos nas nosas casiñas, pois vamos seguir aproveitando o tempo e reciclando dende a nosa casa.

Esta vez propoño tres actividades de reciclaxe:

1- Unha regadeira.

2- Unha paliña para o horto.

3- Un sementeiro ou maceta.

Para elo necesitamos dúas garrafas de deterxente ou lexíbia e bricks de leite ou zume.

Estas son as ideas:

CREA O TEU MINI HORTO CASEIRO

Ola pequenos/as agricultores/as!

Como fai unhas semanas vos enviei un traballiño sobre as prantas aromáticas e as froitas, esta semana envíovos unhas ideas para poder ter un mini horto nas vosas vivendas, tanto para pisos como para casas.

Espero que vos guste a idea, e sobre todo quero vervos coas máns na terra!! Veña! A traballar!!

 

ETIQUETAS PARA O HORTO

Saúdos amigos e amigas!

Esta semaniña deixamos por aquí unha idea para as nosas macetas ou o noso horto.

Coa situación actual estamos coidando máis e mellor os nosos hortos, xardíns e prantas, e a nós mesmos coa nosa alimentación, claro está.

Pois iso, todas aquelas familias que teñan parcelas ou prantas, poden sacar algunha idea de aquí para poñer máis fermosa a súa casa.

esperamos que vos gusten!

Proposta medio ambiente

Para esta semana temos unha proposta moi chula do equipo de medio ambiente!

Se vos animades enviade as vosas fotos á profe Silvia.

decora o teu balcón

Documental "A illa de plástico"

Ola amigas e amigos!

Agora que temos tempo na casiña, e que vimos claramente a influencia que teñen os nosos actos no medio ambiente durante este confinamento, deixo aquí un enlace para ver o famoso documental "A illa de plástico", gañador do "Mellor Documental"(2019) de La Silla, República Dominicana. Producida por Gilberto Morillo, Nashla Bogaert e David Maler. Dirixida por José María Cabral.

Vale a pena reflexionar!!

Cámara, luces e acción!!

CONCURSO ARTE CON SOGAMA

Bo día familias!

Este curso participamos no Concurso de Arte de SOGAMA. 

O noso centro presenta o panel que fixemos nos obradoiros das TRES ERRES onde empregamos diversos materiais de refugallo e material reutilizable: tea, cartón, papel, botes de deterxente, latas, chapas, esponxa, madeira, etc.

O eslogan do noso cartel é o seguinte:

"RECÍCLATE: POR TI, POR ELES!"

Desexádenos sorte! 

PATRULLAS VERDES

Bo día amig@s!

Como podedes observar este ano seguimos coas PATRULLAS VERDES recollendo o lixo dos patios e recordándolles aos compañeiros e compañeiras que o temos que manter limpo e reciclar os plásticos, orgánicos e cartóns e papeis nos contenedores habilitados para elo dentro do recuncho "Recíclate".

PLANTACIÓNS DE PRIMAVERA II PARTE

Boas amig@s!

Como podedes ver nas anteriores imaxes, co comezo da primavera seguimos facendo limpeza no horto.

O alumnado de 5 anos aprobeitou o bo tempo para plantar amorodos nos ocos vacíos e peparar o terreo para a próxima plantación.

PLANTACIÓNS DE PRIMAVERA

Bo comezo da primavera amig@s!

Xa chegou o tempo de transplantar, sementar e plantar plantas, frutais e hortalizas, pero tamén o tempo do sol, das abellas e do pole!

En educación infantil xa comezamos hai unhas semaniñas cambiando de macetas as plantas máis antigas e plantando os cactus, as plantas de tempada e os abetos da entrada.

Deixámosvos unhas fotiños e esperemos que vos guste como quedou a entrado do noso colexio!

Agora tócalles aos de Educación Primaria plantar nas novas macetas para situalas na entrada traseira. 

Distribuir contido


by Dr. Radut