Skip to Content

Complementarias

Quen é quen?

Este curso vai ser de cine!

Para empezar terás que recoñecer os personaxes das que veñen caracterizados os profes e a que peli pertencen!

É moi fácil! Fíxate ben!

Completa a ficha que te entregaron no cole e, cando finalices deposita o papel na caixa de correos da entrada da biblioteca antes do 17 de stembro.

Se tes todo correcto recibirás cromos para completar o álbum de Sabela.

Boa sorte e ..... Sabela, cámara e acción!!

Inicio de curso 2019-20

Comezamos un novo curso cargados de ilusión.

Este vai a ser un ano de película pois o proxecto será: Sabela cámara e acción!

Así que, da man de Sabela, aprenderemos un montón de cousas sobre o cine.

Todo estaba preparado para a gran estrea no Cine Rubiáns e aínda que os verdadeiros protagonistas son o noso alumnado, esta vez os mestres decidiron recibilos caracterizados de protagonistas de película! Foi moi divertido!

A nota predominante de toda a xornada foi a ledicia polo reencontro pero tamén tivemos algún que outro chouro (pouca cousa eh!)

Finalizamos a xornada cos xogos de benvida que nesta ocasión estiveron ambientados en diferentes películas infantís.

Pasámolo en grande!

Festival de fin de curso!

Como cada ano pechamos o curso cun festival moi alegre cheo de música e ledicia.

Non podía faltar na cita actual o Telexornal (publicado xa na web). Resumo, da man do alumnado de 6º,  de todo o acontecido no cole durante o curso e que fai rir a grandes e pequenos.

Outro clásico do noso festival é a presentación do noso video clip musical, nesta ocasión "Contigo" unha canción coa que damos conta de todo o marabilloso que ten a nosa terra.

E despois de moitas actuacións musicais e ata unha obra de teatro moi divertida, pasamos ás despedidas; Os de 5 anos din adeus á súa etapa de infantil e despois o máis triste do ano: a despedida do alumnado de 6º e dos profes que xa non estarán con nós no vindeiro curso.

Podedes ver unhas imaxes de todo o acontecido no seguinte vídeo. Esperamos que vos guste e Felices Vacacións!!

Festa do Deporte

Como cada ano, na última semana de curso celebramos a Festa do Deporte.

Descubrimos deportes menos coñecidos, nesta ocasión o Kenpo.

Da man de Mario Hermo, entrenador de Kenpo Vilagarcía, coñecimos esta arte marcial de orixe xaponés.

Primeiro tivemos unha charla moi interesante e logo pasamos á acción.

No seguinte vídeo podedes ver que ben o pasamos.

Gracias a Kenpo Vilagarcia por achegarse ao cole e ensinarnos este interesante deporte.

Dani&Friends visita Rubiáns

O tempo meteorolóxico xogounos hoxe unha mala pasada.Tiñamos previsto facer a excursión de fin de curso pero as previsións non eran nada boas, así que decidimos suspendela :-(

Pero claro, xa sabedes que en Rubiáns non podemos estar quietiños; e se non había excursión..... algo teriamos que facer, non si? Pensamos, pensamos pensamos e ocurréusenos facer "a festa dos calcetíns" pero como necesitabamos música para poder lucir e bailar cos nosos calcetíns chamamos a Dani&Friends para que amenizara a festa.

Pásamolo en grande cantando e bailando con Dani e o seu grupo.

Seica moitos pensan que foi unha sorte que non fixera bo tempo. Xa sabedes o que soemos dicir por Rubiáns:

Se chove....... que chova!!

Visita do Equipo de fútbol

Hoxe visitounos o equipo de Fútbol Feminino Atlético Arousana, popularmente coñecido como "Arousanas" e entre as xogadoras do primeiro equipo estaba Laura, antiga alumna do cole, á que nos fixo moita ilusión ver de novo e lembrar como regateaba aos compañeiros nos partidos dos recreos!

Despois dunha charla nas que nos contaron moitas cousas, dende cando xogan, que trofeos gañaron... e na que non podía faltar falar das desigualdades que existen entre o deporte feminino e másculino, sobre todo no fútbol! fixemos unha "práctica" con elas. Que divertido!

Pasámolo moi ben! Graciñas pola visita!

Creactivity

O venres tivemos a sorte de poder contar co autobús itinerante Creactivity de EduCaixa.

Puidemos facer varias actividades:  obradoiro de stopmotion, circuitos por onde tiñamos que pasar unha bola, construír un obxecto voador e logo pasalos polos túneles de vento para ver cal voaba máis alto e tamén tivemos que facer funcionar varios xoguetes electrónicos cunha dinamo.

Foron unhas actividades moi interesantes e divertimos moito. 

Día do libro 2019

O mal tempo nesta ocasión non nos permitiu gozar plentamente dunha das actividades que máis nos gustan, o apadriñamento lector.

Así que xa que non podiamos saír a ler polo patio, tivemos que facelo polos corredores do colexio. Aínda así, os maiores gozamos moito lendolles aos pequenos e os pequenos coma sempre ademais de divertirse coas historias que lles contaron fixeron uns marcapáxinas con moito cariño para agasallar aos seus "padriños".

Contacontos "Donas de si"

Dentro do Proxecta "Donas de si" o pasado venres 12 de abril recibimos no cole a visita dun contacontos diferente. 

Ao tempo que nos contaban a vida e obra da pintora galega Maruja Mallo, a ilustradora que acompañaba ao contacontos, ía realizando un debuxo da propia pintora no momento que tivo que marchar exiliada. 

Despois de coñecer a súa biografía, realizamos unha actividade na que seguindo as indicacións da ilustradora todos  os nenos e nenas fixemos un retrato da artista galega. 

Obradoiro: "A miña primeira xoia" Primaria

O alumnado de primaria non quería quedarse sen experimentar co fimo despois de ver as marabillas que o alumnado de infantil fixo coa artista vilargarciana Ana Miguéns .

O pasado xoves puidemos gozar deste obradoiro e realizamos as nosas primeiras xoias coa arxila polimérica.

Foi unha experiencia moi interesante e houbo deseños fantásticos!

Distribuir contido


by Dr. Radut