Skip to Content

A Ciencia hai que Sabela!

PDI do curso 22-23

Telexornal 22-23

Un ano máis, o alumnado de sexto presenta o Telexornal de Rubiáns. Que sorpresas nos terán preparadas estes intrépidos reporteiros? Dentro vídeo!!!

 

 

 

Manolo Científico Tolo

Manolo é un científico moi especial. Gústalle facer ciencia pero sen paciencia para investigar. Aquí vai a nosa dedicatoria en forma de canción. Dentro vídeo!!!

 

EXPOSICIÓNS CIENTÍFICAS

E rematamos o 2º trimestre cunha actividade moi especial, as nosas exposicións científicas. Todos os nenos e nenas do cole deron pequenas charlas coma grandes expertos en temas científicos. Aquí tedes unha mostra.

 

 

Visita da bióloga Silvia Allen-Perkins

Continuamos achegándonos á ciencia da mans das familias. Hoxe foi a quenda de achegarnos ao mar da man de Silvia, que traballa no Intecmar.
Explicounos como dende o seu instituto monitorizan todo o mar galego a través de diferentes boias, para saber se hai algún contaminante ou toxina, a súa temperatura e a salinidade.
Tamén entendemos cos seus experimentos o difícil que é que se mesture a auga e como os residuos están a diferente profundidade. 
 
Grazas a Silvia e ao Intecmar por colaborar connosco!

 

 

Visita do meteorólogo Carlos Fernández

Hoxe visitounos unha persoa moi especial. Un meteorólogo que ademais é o papá de Dani e Andrea. Explicounos o que fai a meteoroloxía, como se poducen diferentes fenómenos meteorolóxicos, que son as enerxías sostibles ou como funciona un aeroxerador. E todo isto con experimentos moi didácticos. Moitas grazas polo teu traballo!!!

 

O Chef de Rubiáns

Hoxe descubrimos, da man de Richard e Dolores, de @malqueridavilla, que a cociña é ciencia porque todo se produce por unha reacción física ou química.
Despois de deixar unha masa a fermentar e unha mazá e un aguacate a oxidar, fomos visitar ao seu proveedor Daniel, que ten a súa horta moi pretiño do colexio, e que nos explicou a importancia de non botarlle produtos químicos. Despois deunos a probar flor de rúcula e follas de mostaza e cadansúa laranxa. Con él estaban outros agricultores ecolóxicos de Asoprovida, que teñen moita experienciaen hortos escolares.

Cando regresamos ao cole puxémonos "mans á masa" e curamos xema de ovo, montamos claras, probamos petacetas, e fixemos esferificacións. Como nos gustou! 

Pero a cousa non quedou aí, todos e todas probamos unha morea de pratos cheíños de ciencia feitos polas familias: galletas e biscoitos con formas moi interesantes (estrelas, bombillas, números, vehículos...), ovos de cores, ADN, flocos de millo, trufas, empanada, magdalenas.... E para que aprendamos todos a facelas xa temos un receitario ben interesante coa recompilación de receitas. 

Moitas grazas, Richard por compartir connosco o teu saber. 

 

Visita de Marcos Vázquez

Hoxe comezamos as visitas das familias para falarnos de ciencias e todo o alumnado do cole, puido gozar dun obradoiro de Astronomía grazas á colaboración de Marcos Vázquez. 
Puidemos facer un "telescopio" e ver as constelacións, coñecer as fases lunares, facer un visor solar para non quedar cegos e un reloxo de sol.
Que cousas máis interesantes!
Grazas Marcos por compartir o teu saber connosco.
 

 

8M. Día da Muller

Hoxe descubrimos que son moitas as científicas nos equipos de investigación, pero van perdéndose como goteiras nunha tubaxe se miramos máis arriba nos postos de dirección debido ao teito de cristal e ao chan pegañento. 
 
Tamén soubemos da man de María de la Fuente Freire, directora do grupo de nano-oncoloxía do IDIS, que en Galicia aprobouse unha lei para que as científicas non sexan penalizadas por ser nais. A Lei Ángeles Alvariño foi promovida por ela mesma despois de ser penalizada por ser nai.
 
María explicounos que están investigando para que teñamos medicinas personalizadas e tamén que os nanomedicamentos teñen o diámetro dun cabelo e levan a menciña xusto a onde fai falta.
 
Despois visitounos Teresa Brianes, empresaria e directora da área de Comunicación e Marketing de Dos Espacios, para falarnos de tecnoloxía, e explicounos que hai moitas menos mulleres en tecnoloxía, sendo maioría na Universidade.
 
Teresa explicounos que na súa empresa máis da metade do equipo está formado por mulleres, aínda que non é o habitual. Contounos que ademais de páxinas web, traballan coa Realidade Aumentada, entre outras cousas, para que poidamos ver un museo ou un lugar, se non podemos facelo físicamente. Para conseguilo, na empresa, aínda que é de tecnoloxía, tamén traballan persoas que estudaron historia, publicidade, deseño gráfico, sistemas, programación...
 
As dúas animaron, tanto a nenas coma nenos, a fixarse moi ben en todos os traballos que hai para que poidan escoller o que máis lles gusta, independentemente do seu xénero.
 
Moitas grazas ás dúas por colaborar connosco!
 

 

Día da Internet segura

Hoxe conmemoramos o Día da Internet segura cun obradoiro no que aprendemos a detectar o fraude en videoxogos da man do Incibe, fixándonos moi ben en todo o que vemos.

O obradoiro foi moi interesante e aprendemos moitas cousas: que non debemos falar con descoñecidos, que non nos van dar nada gratis e seguro que quedan cos nosos datos, que debemos estar atento ás pistas que nos din que é moi probable que sexa un fraude, coma o nome ou o uso de palabras do tipo "gratis", como comprobar se é unha web segura...

Dentro da web do Incibe (Instituto Nacional de Ciberseguridade) atopamos un apartado para menores, nais e educadores con información, consellos, materiais e recursos, Internet Segura for Kids (IS4K).

Lembrade que consultar as vosas dúbidas no teléfono de axuda 017.

 

Charla 11F. Oceanógrafas do pasado e do futuro

Hoxe tivemos a sorte de comezar as conmemoracións polo Día da Muller e da Nena na Ciencia da man da oceanógrafa e mestra da Universidade de Vigo, que chegou ao cole cargada de imaxes, lupas binoculares, mostras para a observación, reproducións de fósiles en tamaño grande... A cousa pintaba ben!

Aprendemos unha morea de cousas sobre o labor das mulleres no estudo dos océanos, a obtención de mostras, os fósiles, a importancia das cadeas tróficas e como inflúe o que pasa na superficie no fondo do mar..., pero o que máis lle gustou a tooooda a rapazada foi mirar polas lupas binoculares as mostras de area que trouxo, onde puideron buscar fósiles.

Celebramos o 11F coñecendo a mulleres que estudaron os océanos no pasado e tendo claro que hai que adicarse ao que nos guste, independentemente de se es neno ou nena. Quen sabe se das nosas aulas sairá unha oceanógrafa do futuro!

Átomos que xogan ao pilla pilla, La Voz de Galicia, 7 de febrerio de 2023

Los alumnos de Rubiáns se sumergen en el océano, Faro de Vigo, 7 de febreiro de 2023

 

 

Distribuir contido


by Dr. Radut