CEIP Plurilingüe de Rubiáns

Continuamos coas actividades ao redor do Día da Paz. Nesta ocasión Saúl Ares falounos do xogo e das emocións no deporte. Que sentimos ao gañar ou perder? E cando é o meu rival ou o meu equipo favorito quen o fai? Que emocións se presentan mentres agardo o resultado da foto finish?

E como non, puxemos en práctica a teoría e analizamos como nos sentimos se non nos sacan a xogar e quedamos mirando.

Grazas, Saúl por unha mañá tan interesante!

Informamos ás familias do alumnado de 6º de Primaria que está aberto o prazo de reserva de praza no IES de adscrición IES ARMADO COTARELO VALLEDOR (Sobradelo) 

O alumnado deberá traer correctamente cuberto e o antes posible o formulario de reserva de praza co fin de poder realizar dende o centro a reserva telemática correspondente (esta remata o 5 de febreiro) 

No caso do alumnado que non teña previsto cursar a ESO no IES adscrito, terá que agardar a presentar de xeito presencial o formulario correspondente no IES escollido. 

O alumnado que ten reservada praza nun centro, se vai presentar solicitude de admisión noutro distinto, deberá comunicar a renucia á reserva antes do inicio do prazo de presentación de solicitudes de admisión. 

Hoxe tivemos unha nova visita dos usuarios do Centro de día Vilagarcía. Nesta ocasión o alumnado de 6° de Primaria representou a obra teatral "Pedro e o lobo" e o alumnado de 6° de Infantil cantou a canción dos meses do ano para eles. Gustoulles moito, así que xa estamos s argallar que facer o vindeiro mes.

O alumnado de 3ºA quixo facer unha homenaxe as súas nais e pais versionando un dos famosos vídeos publicitarios do Gadis. 

Quedoulles de marabilla non si? Non sei que pasa, pero ao velo métenseche cousiñas nos ollos .... non é que choremos eh!