Skip to Content

Curso 2018 - 2019

O inicio de curso é un momento cheo de emoción, nervios, algunhas bágoas... pero este ano o recibimiento que fixeron os mestres foi sobre todo inesperado!

Este ano, Sabela vai coñecer a nosa terra e vainos ensinar un montón de cousas: xeografía, gastronomía, cultura.... por iso os mestres estaban vestidos con roupas tradicionais e as gaitas, pandeiretas e tambor soaron por todo o alto.

Quedamos abraiados! Isto si que non o esperabamos! Subimos ás clases todos contentos porque ademais recibimos unha chapa da nosa querida Sabela.

A ledicia foi a nota predominante de toda a xornada que completamos xogando con xogos tradicionais cedidos polo Concello de O Grove.

FELIZ CURSO A TODOS/AS!!!

Sello de Vida Saudable

O Ministerio de Educación e Formación Profesional, a través da Secretaría de Estado de Educación e Formación Profesional, ven de recoñecer o traballo realizado no noso centro para o fomento de hábitos de vida saudables, tanto por medio da actividade física como da alimentación, coa concesión do "Sello de Vida Saludable", en resolución do 25 de xuño. 

O programa "Ponte as pilas e móvete" leva en marcha no noso centro dende hai varios anos, crecendo cada curso un pouquiño máis e sempre buscando motivar e incentivar a actividade física e o establecemento de hábitos alimenticios saudables a través de diversas actividades coma o consumo de froitas, hortalizas e produtos do mar e o coidado do horto escolar, que nos permite achegarnos á produción ecolóxica e ao coidado do medio.

Neste punto, compre agradecer a todas as persoas e entidades que ano tras ano colaboran connosco, ben a través de achegarnos os seus produtos, ben con vales para realizar diferentes actividades deportivas; así coma os hosteleiros locais que colaboran con Chef de Rubiáns.

Cómpre lembrar, que este curso a aula de 4 anos obtivo o 2º premio no concurso "Chefs Saudables" (convocado pola Consellería de Sanidade) e o premio "Fai Eco do Lóxico" (promovido polo Consello Regulador de Agricultura Ecolóxica de Galicia (CRAEGA). Así mesmo, o alumnado de 4º e 5º de educación primaria mostraron o traballo realizado no centro no I Congreso Aliméntate ben, organizado pola Consellería de Cultura, Educación e Ordenación Universitaria, en cooperación coa Consellería de Sanidade, coa Consellería do Mar, coa Consellería de Medio Rural e a Escola Galega de Consumo, e en colaboración con Sogama e a USC.

 

REPERCUSIÓN NOS MEDIOS

03/07/18 -FARO DE VIGO -  Premian el fomento de hábitos saludables del colegio de Rubiáns.

 

A máquina do tempo!

Tiñamos o listón moi alto despois dos éxitos dos veráns pasados (Que bonito é ser muller!, O Bosque de Sabela ou Coida o mar! ) pero volvémolo facer!

Este ano compuxemos "A máquina do tempo" unha pegañosa canción sobre a historia que vai camiño de converterse no novo hit do verán.

A orquestra Panorama está interesada en incluíla no seu repertorio e a vós, gústavos??

(se queres ver o vídeo en pantalla completa preme na palabra Vimeo)

Telexornal 2018

Un ano máis o "Telexornal de Rubiáns" é unha das actividades que causa moita expectación no festival de curso.

O alumnado de 6º é o encargado de facer un resumo a modo de noticieiro de todo o acontecido no cole durante o curso.

Este ano, non podía ser doutro modo, viaxamos no tempo e cada bloque estivo recreado nunha etapa da historia. O alumnado traballou moito pero cremos que valeu a pena non si? Que vos parece?

(se queres ver o vídeo en pantalla completa preme na palabra Vimeo)

Festival fin de curso

Este ano decidimos facer o festival de fin de curso no centro cultural da parroquia, pois o noso "auditorio" queda sempre pequeno.

Pensamos que foi unha boa decisión e que as actuacións do alumnado luciron moito máis neste escenario.

Mil grazas á asociación cultural O Souto porque todo foron facilidades para poder utilizar este espazo. 

No seguinte vídeo podedes ver algunhas fotos das actuacións.

Bo verán a todos e vémonos en setembro!!

Festa do Deporte 2018

Este ano para celebrar a Festa do Deporte recibimos a visita de "Os Ingleses" Club de Rugby da nosa cidade.

Primeiro aprendemos un pouco de teoría e despois saímos á pista, porque facendo é como mellor se aprende.

Grazas aos Ingleses pola visita e polo agasallo de clases gratis para os premiados por consumir froita.

Un pracer recibirvos no cole!

Obradoiro "O sabor da aventura está no mar"

Un ano máis tivemos a sorte de poder realizar no cole o obradoiro moi divertido "O sabor da aventura está no mar"  dentro do Proxecta "Aliméntate ben"

Lembramos os superpoderes (o seu principal aporte nutricional...) dos nosos amigos da pandilla dos Arroases

Fixemos uns xogos moi entretidos e aprendemos moitas cousas tanto sobre alimentación saudable coma limpeza e coidado do medio ambiente.

Incidimos na importancia de coidar o noso mar que tanto beneficio nos aporta e tamén descubrimos moitas maneiras diferentes e moi atractivas de comer peixes e mariscos.

Parabéns!!!

Os nenos de 4 anos están dobremente de noraboa.

Hai uns días comunicávannos que o seu vídeo "Pizza Vegetal" foi seleccionado como 2º premio no concurso "Chefs Saudables", organizado pola Consellería de Sanidade dentro do Plan Xermola do Plan Proxecta.

Agora ademais, son os gañadores do concurso "Fai eco do lóxico" organizado polo Consello Regulador de Agricultura Ecolóxica de Galicia (CRAEGA), dentro do Plan Proxecta "Aliméntate ben" cun vídeo sobre "O horto de Sabela".

 Parabéns!!!! Xa vedes que alimentarse ben sempre ten premio.

Tapóns solidarios

Amigos de Galicia recollen os tapóns

Que a Comunidade Educativa do CEIP Rubiáns é solidaria queda demostrado cada vez que se fai unha campaña de axuda.

Nesta ocasión Amigos de Galicia recolleu os millerios de tapóns que fomos recompilando entre todos.

Grazas ás familias e ao persoal pola súa colaboración tamén nos proxectos solidarios que levamos a cabo.

 

Ponlle as pilas ao teu bocata!

Que ben merendamos hoxe!!!

Dentro do programa Aliméntate ben, do Plan Proxecta, recibimos a visita do PANS (Profesores da Alimentación e Nutrición Saudable) que nos falaron sobre as conservas, a súa orixe, proceso de elaboración...

O que máis nos gustou deste obradoiro foi a parte práctica porque nós xa sabemos o bos que son os produtos do mar para o noso organismo, para iso estudamos moito sobre o mar curso pasado.

Ás veces non queremos probar alimentos novos porque pensamos que non nos van gustar, pero só o saberemos se os probamos, así que cadaquén elixiu o que lle parecía máis axeitado para o seu bocata: sardiñas, mexillóns, atúns, choquiños, leituga, tomate, olivas, millo...  Que bos estaban todos!

O atún, un ano máis, resultou o máis popular pero tamén houbo quen fixo orixinais mesturas!

Distribuir contido


by Dr. Radut