Skip to Content

Resumo actividades O Bosque de Sabela

No seguinte enlace poderedes ver un resumo de todas as actividades que fixemos dentro do proxecto documental integrado deste ano: O Bosque de Sabela, acompañado da música de Roi Casal.

 

O Bosque de Sabela: canción

No cole estamos colléndolle o gusto a isto de facer cancións!

Se o ano pasado compoñiamos "Que bonito é ser muller" para amosar cantas mulleres coñecimos grazas ao PDI "Mulleres Importantes na Historia". Este ano non podía ser menos e así compuxemos "O Bosque de Sabela" na que ademáis de falar dos animaliños do bosque dos que tanto aprendemos, destacamos a importancia de coidar entre todos o bosque, as árbores, os ríos e as flores....

Telexornal 2016

Xa podedes gozar con calma dunha das "actuacións" máis esperadas do Festival de Fin de Curso: O Telexornal"

Como cada ano, o alumnado de 6º da conta de todo o acontecido no cole. Este ano, non podía ser doutro xeito, o telexornal transcurre no Bosque de Sabela, e nel aparecen algúns dos personaxes cos que estivemos "convivindo" durante todo o curso.

Esperamos que vos guste! Bo verán!

 

Cabeceira audiovisuais!!

Temos cabeceira nova para os nosos audiovisuais!!!

A que é chulisima??

Pois se trata dun traballo colaborativo realizado con SCRATCH entre alumnos de 3º e 5º

Parabéns!

Premios!

Hoxe foi un día de alegría no noso cole. Chegou o momento de recoller premios ao esforzo e traballo que realizamos durante todo o curso.

Mentres o Dire, Santi e a profe Conchi recibían en Madrid o premio Nacional polo PDI do ano pasado "Mulleres Importantes na Historia" no Concello o profe Borja e a teacher recibían xunto con Manuel (alumno de 6º) o premio de Igualdade deste curso polo proxecto "Xoguetes"

Os representantes do Ministerio, da Consellería de Educación e o Alcalde de Vilagarcía  felicitáronos polo traballo realizado e animáronnos a seguir traballando nesta liña.

 

Tamén cabe destacar que a Consellería de Educación concedéunos un accésit nos Premio Proxecta de Innovación Educativa 2016 polo traballo do fomento de habitos saudables que estamos a realizar no cole.

No cole de Rubiáns non traballamos para os premios pero é moi gratificante recibir estes recoñecementos, que serven como acicates para seguir traballando en prol dunha educación de calidade para o noso alumnado.

Festa do Deporte

Como cada fin de curso o cole de Rubiáns é un "non parar", que si música, que si deporte.... en definitiva, un montón de actividades para a formación integral do noso alumnado.

Hoxe, o protagonista indiscutible foi o Deporte, que xunto cunha alimentación saudable forman parte fundamental da nosa formación e preparación para a vida.

Comezamos cunha disciplina procedente do Brasil pero que hoxe en día está extendida por todo o mundo: a Capoeira!

Da man de Ginga Gicap aprendemos un montón dos seus orixes, da música que a acompaña e nos iniciamos nos pasos máis básicos.

Pasamos un rato moi divertido, moitas grazas pola vosa visita!

Despois foi o turno para o Datchball, ese novo deporte (similar ao brilé) que tanto nos gusta e que estivemos practicando nos últimos recreos.

Disputáronse as semifinais e final, na que o equipo "6º forever" se proclamou campión despois dun partido reñidísimo co equipo de 5º. Cabe destacar o gran partido que realizaron os de 3º que case deixan fora da final ao equipo vencedor do campionato.

Imaxe dos nenos practicando datchball

Musicontos

Un ano máis os "Musicontos" visitaron o noso cole. Esta vez coa peza "Os musicontos fan o camiño"

Pasamos un rato moi divertido con eles, aprendemos un montón sobre o Camiño de Santiago e sobre normas de circulación (aínda que de isto xa sabiamos un montón grazas aos obradoiros de Educación Vial que temos cada ano no noso cole)

Coñecemos os diferentes camiños que levan a Santiago e máis concretamente "fixemos" o percorrido do Camiño Portugués, dende Tui a Santiago. Pasamos por unha chea de concellos e neles iamos aprendendo sinais e normas de circulación. Algún levaron unhas boas multas por non facer ben as cousas!!!

Xa estamos desexando saber con que nos van sorprender o curso que ven!!

Charla de nutrición

Este venres 10 organizouse conxuntamente coa A.N.P.A. Casanova, unha charla dirixida ás familias sobre alimentación saudable. 
A charla correu a cargo de Alejandra Soto, dietista-nutricionista de Vilagarcía, que conta con gran experiencia neste campo.
Creouse un grupo moi participativo, donde se preguntaron dúbidas, saíu á luz algunha que outra dificultade para poder consumir produtos de calidade...
Resultou unha charla moi enriquecedora e productiva!
 

Canicross

Este xoves foi un día moi especial no noso cole, pois tamén viñeron cans. Si, cans!

Grazas ao club Kennel DEN de Catoira coñecemos unhas novas modalidades deportivas totalmente descoñecidas para todos nós e que teñen que ver moito co noso proxecto deste curso. Descubrimos o canicross e as diferentes modalidades que existen de "correr con cans": Bikejoring (con bicicleta) Mushing (con carros ou trineos) Patín ou Scooter, que se fan sempre en plena natureza.

Nunha charla explicáronnos todo isto, xunto con outras cousas moi interesantes: como darlle ordes, os materiais que empregan, os coidados que debemos ter cos cans antes, durante e despois da carreira... Pero o que máis nos gustou, sen dúbida, foi a parte práctica.

Algúns tiveron a sorte de poder correr cos cans e todos puidemos acariñalos e pasar un momento moi entrañable con eles.

Dende o cole queremos agradecer ao Clube Kennel DEN a súa visita. A patires de agora estaremos pendentes de todos os éxitos que seguirán sumando aos moitos que xa teñen, e de seguro van ser moitos, pois entre os seus membros contan con campións de España e boas posicións nos campionatos europeos. GRACIÑAS!

 

 

Exposicións "O Bosque de Sabela"

Comezamos coas exposicións do aprendido no Proxecto Documental Integrado de este curso.

Primeiro foi a quenda dos máis pequenos. O alumnado de catro anos contounos un montón de cousas que aprenderon sobre os bechos, como é o seu corpo, de que se alimentan... e incluso de como eran as ás das bolboretas que viron co microscopio. Os de cinco, explicáronnos moitas cousas sobre as árbores, o moucho e o coidado do bosque. E por último, os de 1º nos contaron un montón de cousas que aprenderon sobre o castiñeiro.

E logo foron os maiores, dende 2º a 6º contáronnos unha morea de cousas moi interesantes sobre o carballo, , o acivro, o loureiro, a sobreira, o piñeiro e os bosques máis importantes de Galicia. Aprendemos un montón!!

 

Distribuir contido


by Dr. Radut