CEIP Plurilingüe de Rubiáns |

Comeza a Digitalweek!

Onte comezou unha aventura para un grupo de alumnos e alumnas do colexio a través da cal mergullaranse durante unha semana nun campamento de lingua inglesa, no que farán actividades tecnolóxicas, xogos e ata unha visita cultural. Que sorte aprender dunha maneira tan divertida!

Pasádeo moi ben e aprendede moito!

Engadir novo comentario.

Festa da bicicleta

O Día sen coches á unha data moi importante para concienciarnos da importancia de coidar o noso planeta. Este ano unímonos á Festa da bicicleta organizada por La Voz de Galicia e o Concello de Vilagarcía de Arousa dentro das actividades da Semana da Mobilidade.

Na mañá do venres o alumnado de 5º e 6º, acompañado de mestres e membros do clube BTT Trotacumes, desprazámonos en bicicleta ata o Auditorio Municipal, onde nos unimos a rapaces e rapazas de todos os centros educativos de Vilagarcía para gozar da música da Duendeneta e cruzar os dedos para que nos tocase algún agasallo no sorteo. Mirade, mirade..

Que ben o pasamos! Estamos desexando repetir!

Moitísimas grazas a Trotacumes por toda a axuda durante o traslado e a custodia de bicis.

Engadir novo comentario.

Inicio curso 22-23

Comezamos un novo curso!

Coas pilas a tope e cargadiños de ilusión recibimos ao alumnado.

Este ano imos aprender un montón sobre inventos e ciencia grazas ao noso proxecto "A Ciencia hai que Sabela", por iso nos xogos iniciais xa nos estivemos familiarizando con algún termos científicos como estática e dinámica, electróns, protóns.....

Tiñamos moitas ganas de ver aos nosos compañeiros e compañeiras, xa sen máscaras e sen restriccións de zonas no patio, que gusto!

Foi un día de reencontro e risas como podedes ver nas fotos.

Imos alo! A polo curso 22-23!

Engadir novo comentario.

Reunións familias inicio de curso

As reunións de inicio de curso cos titores serán nas seguintes datas e horario:

-5º e 6º DE INFANTIL: MARTES 13 ÁS 16:30 HORAS NO CENTRO.

-TODOS OS CURSOS DE PRIMARIA: MARTES 20 ÁS 16:00 HORAS NO CENTRO.

Engadir novo comentario.

Autoliquidación comedor 2023-24

As familias do alumnado usuario do servizo de comedor no curso 2023-24 deberán entregar o formulario de autoliquidación cuberto ata o 14 de xullo.

O horario de entrega da documentación será de 10:00 a 13:00h

Aqueles usuarios que non teñan formalizada a documentación no prazo indicado non poderán empregar o servizo ata que estea regularizada.

No documento adxunto pódese consultar a información relativa á unidade familiar e á renta per cápita. Pódese empregar a calculadora de simulación de prezos de comedores escolares para realizar o cálculo.

Aqueles usuarios que teñan o servizo de comedor gratuito, NON deberán entregar o modelo SEPA cos datos bancarios.

Berra Berra, non á guerra!

Este curso o éxito do verán ademais de soar en todas as verbenas e en todas as emisoras de radio do mundo mundial, tamén vai a formar parte dos audiovisuais de todos os museos.

Non quedaron artistas sen aparecer no noso vídeoclip e os marchantes de Arte xa se rifan as obras de Arte!

Verdade que é unha obra de Arte?

Engadir novo comentario.

Telexornal 2022

Un año máis esperabamos expectantes polo noso Telexornal! Que se lles ocorrería ao alumnado de 6º? Nesta ocasión cambiaron un pouco o formato e en vez de noticieiro marcharon de excursión a un museo moi especial... Queres velo? Mira, mira!

Engadir novo comentario.

Excursión de Fin de Curso

Hoxe o cole quedou baleiro!

Marchamos de excursión! Aínda que debido á previsión metereolóxica non puidemos facer a xornada de convivencia como nos gustaría, tivemos dúas actividades moi divertidas.

Mentres que o alumnado de infantil visitaba o Parque de Bombeiros do Salnés o alumnado de primaria realizaba a Ruta da Pedra e da Auga.

Os pequenos/as pasárono xenial probando o equipamento dos bombeiros, subindo aos coches e ata utilizando as mangueiras!!

Os maiores aprenderon sobre a orixe do Mosteiro de Armenteira e realizaron unha busca de pistas moi entretida. Despois conectaron coa Natureza camiñando pola Ruta da Pedra e Da Auga. Que marabilla!

Debido á choiva non puidemos comer todos xuntos na Aldea Labrega como tiñamos pensado pero aínda así foi un día moi divertido.

Engadir novo comentario.

Festa do Deporte: Balonmán

Un ano máis rematamos o curso coa nosa Festa do Deporte; nesta ocasión achegámonos ao balonmán da man do clube Balonmán Arousa.

A chuvia tentou amolarnos o día, pero non foi quen de conseguilo. En quendas todo o alumnado foi pasando polo ximnasio e realizando xogos, exercicios e partidiños que lles propoñían o adestrador e un dos xogadores do clube.

A experiencia soubo a pouco, así que en canto o tempo o permita haberá que xogar un partidiño no patio.

Agradecémoslle ao Clube Balonmán Arousa a súa colaboración.

Engadir novo comentario.

Premio de Igualdade 2022

A Concelleira de Igualdade, Tania García, xunto co Concelleiro de Educación, Miro Serén, representantes do CIM e do xurado entregaron o venres os XVI Premios para a Igualdade: Boas Prácticas na Escola.

A Igualdade é parte fundamental no noso Proxecto Educativo, non hai máis que ver a cantidade de actividades que facemos neste eido.

Neste curso visibilizamos o papel da muller no ámbito artístico. Cantas pintoras e artistas incribles foron silenciadas nos libros de Historia e cantas obras de arte realizadas por mulleres foron solapadas por artistas masculinos!

No cole traballamos para que o noso alumnado pense que cando medren poderán ser o que se propoñan independentemente do seu xénero. Que homes e mulleres deben respectarse e que ningunha persoa debe ser discriminada por razóns de sexo, raza ou relixión.

Moitas grazas ao Concello por esta iniciativa que axuda aos centros escolares a realizar actividades en prol da igualdade.