Skip to Content

25N: Videoclip colaborativo cos centros do Concello

Non cabe dúbida que para conseguir algo importante necesítase a unión na loita por unha causa común. Convencidos diso, os centros educativos da cidade unímonos para cantar á esperanza bailando Justito a tiempo, de Rozalem e Kany García.

Renovación parcial Consello escolar

Hoxe, 21 de novembro, publicouse no taboleiro da entrada a candidatura presentada no sector pais/nais, así como, o censo definitivo.

Ábrese un prazo de reclamación de dous días: 22 e 23 de novembro nos horarios facilitados no calendario de actuacións.

Tamén se levou a cabo o sorteo para a mesa electoral no sector pais/nais do vindeiro martes 29 de novembro. As citacións serán enviadas polo alumnado.

Campo a través 22

O alumnado de 2º a 6º de primaria participou na carreira de campo a través. 

Por fin puidemos reencontrarnos con outros coles. Pasamos unha xornada estupenda e aínda que o importante sempre é participar tamén trouxemos algunha medalliña para o cole. 

;

Día da Ciencia en Galego: Ángeles Alvariño

Coñece a Ángeles Alvariño

Demostra o que aprendiches

Magosto 22

Aínda que o clima parece de primavera, estamos no outono, o tempo do magosto. Hoxe tivemos un día fantástico, comendo unhas ricas castañas asadas e xogando no patio a xogos tradicionais. Aquí tedes unha mostra.

 

 

Convocatoria de eleccións ao Consello escolar

Familias:

 Comunico que durante este mes de novembro terá lugar a renovación parcial do Consello escolar nos diversos sectores educativos (profesorado, familias, PAS).

 Adxunto as instruccións e o calendario de actuacións que lle foi entregado ao alumnado en formato papel.

 

Campo a través 2022

Preme en Sabela para coñecer toda a información da Carreira de Campo a través que realizaremos o vindeiro martes 15.

Samaín 2022

Chega o Samaín. Tempo de medos con bruxas, pantasmas, morcegos e miles de seres arrepiantes. Pero o que máis asusta, son as terroríficas cabazas científicas que chegaron este ano ao noso cole. Quen as faría?

 
E se arrepiantes foron as cabazas, non quedaron atrás as historias creadas pola rapazada. Os gañadores e gañadoras de cada clase viron recompensado o seu talento coa lectura das súas historias aos seus compañeiros e compañeiras. E para non quedar co medo no corpo aproveitamos o día para queimar os nosos medos.
 
Para rematar o día non podían faltar os doces, aínda que non deixamos de apostar por unha opción saborosa e saudable. Cada quen decorou unha mandarina a modo de cabaza que logo agasallou a un compañeiro ou compañeira.
 

Coñece a nosa biblioteca

 

Día Europeo do Deporte Escolar

Hoxe celebramos o Día Europeo do Deporte Escolar camiñando pola Vía Verde. Podedes crer que estando tan pretiño aínda non a empregaramos?

A experiencia foi fantástica. O camiño fíxose moi ameno, o tempo acompañounos, non faltaron as risas... que máis precisamos para repetir? Nada! Así que voltaremos, e poida que cheguemos un pouquiño máis lonxe...

Moitas grazas a Protección Civil por coidar de nós no camiño.

Distribuir contido


by Dr. Radut