Levamos unhas semanas descubrindo ao autor ao que se lle dedican as Letras Galegas neste ano. E desde o EDLG animamos ao alumnado a que descubrise os carteis-xogo onde podían coñecer máis sobre a vida de Florencio Delgado. Só tiñan que resolver os xogos e cubrir os seus datos para poder participar no sorteo dunha chea de premios. E así o fixeron masivamente. Pero, claro, só podía haber un fato de premiados e premiadas.
A xentiña de Infantil tiña que resolver o labirinto que supón traducir obras, tal e como fixo Florencio. E gañaron a exclusiva cunca do cole.
O alumnado do 1º ciclo de Primaria, debía buscar nunha sopa de letras palabras relacionadas con Florencio Delgado.
No terceiro ciclo, tiñan que relacionar con frechas os seus lugares do mundo máis importantes.
En 5º de EP, había que ler a vida do autor na guía e contestar unhas preguntas do pasapalabra das LLGG e gañaron unha memoria USB.
E o alumnado de 6º, tocoulle responder ás preguntas do trivial das LLGG.
Parabéns ás afortunadas e afortunados e, xa sabes, aprender en galego sempre ten premio!
