Coas nosas palabras e coa nosa lingua tamén facemos ciencia
Os nosos científicos comprobaron o principio de Arquímedes, descubriron porqué lle sae mofo ó pan, mesturaron canela, auga e lavalouza para ver que pasaba, fixeron o experimento da laranxa con flotador...E moitas cousas máis!
Se non entendedes nada non vos preocupedes, eles explícanse moi ben.
Levamos unhas semanas descubrindo ao autor ao que se lle dedican as Letras Galegas neste ano. E desde o EDLG animamos ao alumnado a que visionase os carteis-xogo onde podían coñecer máis sobre a vida de Francisco Fernández del Riego. Só tiñan que resolver os xogos e cubrir os seus datos para poder participar no sorteo dunha chea de premios. E así o fixeron masivamente. Pero, claro, só podía haber un fato de premiados e premiadas.
Pois con todos os papeis entregados que atoparon a palabra agochada no cocido de letras, xa tivo lugar o sorteo dos premios e a súa correspondente entrega.