Pinchando no seguinte enlace podedes ver imaxes da semana branca que pasaron alumnos e alumnas de 5º e 6º de E. Primaria do CEIP Nosa Señora dos Remedios na estación de San Isidro en León: 

https://drive.google.com/drive/folders/1CPuX2sQuy0r7uk6vHW2gVy-2wybz5w4V?usp=sharing

O martes 26 de febreiro de 2019 ás 17:00 horas e o mércores 27 de febreiro de 2019 ás 12:45 horas fixemos as XII Xornadas de portas abertas do CEIP Nosa Señora dos Remedios para as familias de posibles novos alumnos/as para o curso 2019/20. Nestas xornadas expuxemos o noso proxecto educativo e fixemos un recorrido polas instalacións do colexio.

A asistencia a estas xornadas foi notable.

Como xa se comunicou nunha recente circular, este curso os dous festivos locais coinciden en días nos que non hai clase (10 de setembro de 2018 e 24 de xuño de 2019).

No seu lugar, pasan a ser días non lectivos (non haberá clase) o 2 de novembro de 2018 e o 18 de marzo de 2019.

Os pasados días 13 e 14 de abril alumnado de 2º de E Primaria e varias mestras do colexio participaron na III Semana das Ciencias de Ponteareas co proxecto Pitiños: Un proxecto do ovo á galiña, premiado no IV Concurso de traballo por proxectos da Consellería de Cultura, Educación e O.U. Tamén se participou co proxecto de iniciación á robótica que estamos a aplicar no colexio.

A experiencia foi moi positiva e houbo moita expectación por parte do público asistente a esta Semana das Ciencias.

Neste mes de abril de 2018 tivemos no colexio dúas charlas importantes para o noso alumnado de 5º e 6º de E. Primaria, impartidas pola Garda Civil.

O 12 de abril tratouse o tema dos perigos de Internet para o alumnado asistente ás charlas e o 18 de abril tratouse o tema do acoso escolar e ciberacoso. Os asistentes mostraron moito interese pola exposición realizada pola Garda Civil e confiamos en que lles sirva de moita axuda.

Agradecémoslle á Garda Civil a colaboración inestimable nesta actividade.

A Consellería de Cultura, Educación e Ordenación Universitaria concedeulle un premio ao CEIP Nosa Señora dos Remedios de Ponteareas, por Pitiños: un proxecto do ovo á galiña.

Este proxecto foi premiado na categoría de ciencias no IV CONCURSO DE TRABALLOS POR PROXECTOS, convocado ao abeiro do PLAN LÍA de Bibliotecas Escolares (Lectura, información e aprendizaxe).

O concurso fomenta os traballos de aula que empregan a biblioteca do Centro como un espazo non só de búsqueda de información senón tamén, de realización de diversas actividades, como a de seguir pistas con robótica, empregando unha metodoloxía de aprendizaxe baseada en proxectos (ABP).