O C.E.I.P. "Nosa Señora dos Remedios" é un Colexio Público de Educación Infantil e Primaria que se atopa situado na Comarca do Condado, no sur da provincia de Pontevedra no Concello de Ponteareas.

Ponteareas limita con Salvaterra de Miño, O Porriño, Salceda de Caselas e Mondariz, e está situado a 26 quilómetros de Vigo. Nos últimos anos o crecemento demográfico en Ponteareas ten sido moi elevado e, xunto co Concello de Oleiros, é o de maior crecemento en porcentaxe de poboación de Galicia.

O noso Colexio conta neste intre con sete unidades de E. Infantil e quince de E. Primaria e está situado no casco urbano da cidade.