Secretaría

Impresos para AUTORIZACIÓNS

Nesta entrada podedes descargar os impresos para diferentes AUTORIZACIÓNS:

Autorización recollida por outras persoas      Autorización sós para casa

Períodos durante os que se poderán presentar as novas autorizacións ou modificación das existentes:

- mes de setembro

- 15 últimos días de xaneiro

- 15 últimos días de marzo

Outros impresos útiles para familias

Recollida alumnado horario lectivo

Impreso recollida alumnado durante horario lectivo  

INSTALACIÓN E REXISTRO DE ABALARMOBIL: VIDEOTITORIAL

No seguinte vídeo poderás ver unha explicación para a instalación e rexistro da aplicación AbalarMobil

LISTAXE PROVISIONAL FONDOLIBROS E VALES MATERIAL ESCOLAR 2022/23

Hoxe publícanse as listaxes PROVISIONAIS, que segundo marca a convocatoria, soamente se poden expoñer no taboleiro do centro OU consultar na aplicación fondolibros co certificado electrónico ou chave365. (Centro, horario 9 a 14h)

 

PRAZO RECLAMACIÓNS: luns 4 e martes 5 de xullo na secretaría do centro.
 
PUBLICACIÓN LISTAXES DEFINITIVAS: 6 de xullo de 2022.
 
Os vales entregaranse os días 6, 7 e 8 de xullo.
Os libros de texto deste fondo entregaranse ás familias os días 2, 5 e 6 de setembro de 2022.
NOTAS: 
* Poden autorizar POR ESCRITO a outras persoas para vir a recoller os vales.
* Os vales non recollidos en xullo, poden ser recollidos en setembro xunto cos libros de texto.
*Teñan en conta que en 1º, 2º, 5º e 6º de E.Primaria non hai libros, polo que non sae vale para os mesmos nin adxudicación de lote algún.
Ponteareas, a 1 de xullo de 2022

LISTAXE DE LIBROS DE TEXTO PARA O CURSO 2022/23

Publícase a listaxe de libros de texto para o curso 2022/23, ver arquivo adxunto.

ALUMNADO ANOTADO AOS SERVIZOS DE COMEDOR E TRANSPORTE ESCOLAR PARA O CURSO 2022/23

Publícanse no taboleiro de anuncios do centro as LISTAXES PROVISIONAIS DE ALUMNADO ANOTADO aos servizos de comedor e transporte escolar para o próximo curso 2022/23. SOAMENTE É UNHA RESERVA.

A primeiros de setembro, publicaremos as listaxes DEFINITIVAS.

O NOVO ALUMNADO, solicitará estes servizos no prazo de matrícula, xunto cos impresos do centro (20 ao 30 de xuño).

Os formularios de reserva xa están pechados, se alguén quedou sen solicitar praza dentro do prazo, deberá facelo por teléfono na secretaría do centro (886110532).

FONDO SOLIDARIO LIBROS DE TEXTO - AXUDAS PARA ADQUISICIÓN DE LIBROS DE TEXTO E MATERIAL ESCOLAR (Código do centro 36007497)

Orde de 29 de abril de 2022 pola que se regula a participación no fondo solidario de libros de texto e se convocan axudas para adquirir libros de texto e material escolar para o curso escolar 2022/23 (código de procedemento ED330B) 

Explicámosvos todo o proceso nos dous ficheiros adxuntos: a propia Orde, e un resumo que vos fixemos para unha interpretación máis doada da mesma. Adxúntanse os ANEXO I e II para traer cubertos.

Poderanse presentar as solicitudes no centro ou telemáticamente ata o martes 22 de xuño. A devolución dos libros que tendes deste curso levarase a cabo o xoves 16 de xuño.

As solicitudes enviaranse polo alumnado, que as entregará á súa titora ou titor, para que estes posteriormente as entreguen en secretaría.

As solicitudes terán que vir totalmente cubertas, e con fotocopias de toda a documentación a presentar. 

Podedes aclarar dúbidas no teléfono 886110532 e no mail ceip.nosasenora.remedios@edu.xunta.gal

 

PRAZO LÍMITE DE SOLICITUDES: MARTES 22 DE XUÑO DE 2022

LISTAXES DEFINITIVAS ADMISIÓN CURSO 2022/23

Hoxe, 11 de maio, publícanse as listaxes definitivas de admisión do alumnado que solicitou praza para o curso 2022/23. Todo o alumnado que solicitou praza está admitido posto que non houbo que baremar. Poden consultalas no taboleiro interior do centro ou chamando ao teléfono 886110532.

Así mesmo, os solicitantes que teñan chave365, certificado electrónico ou DNI electrónico, poden consultalas no seguinte enlace: https://www.edu.xunta.gal/admisionalumnado/ 

 

 O prazo para a formalización da matrícula vai dende o 20 ao 30 de xuño;

Todas as familias recibiron a información e documentación por correo electrónico.

SOLICITUDE DE COMEDOR ESCOLAR CURSO 2022/23

Ábrese o prazo para solicitar o comedor escolar para o curso escolar 2022/23 dende o seguinte formulario web. O prazo para cubrir este formulario será dende o 2 ao 15 de maio. Soamente é para o alumnado actualmente matriculado no centro. O novo alumnado deberá solicitalo durante o período de matriculación do 20 ao 30 de xuño.

O formulario web non envía correo de confirmación, soamente pon a mensaxe "Grazas, o seu envío foi recibido". O día 27 de maio publicarase unha resolución provisional de todo o alumnado que solicitou este servizo e, se fose necesario, abrirase un prazo (27 de maio a 5 de xuño) para volver a anotarse.

SOLICITUDE DE TRANSPORTE ESCOLAR CURSO 2022/23

Ábrese o prazo para solicitar o transporte escolar para o curso escolar 2022/23 dende o seguinte formulario web. O prazo para cubrir este formulario será dende o 2 ao 15 de maio. Soamente é para o alumnado actualmente matriculado no centro. O novo alumnado deberá solicitalo durante o período de matriculación do 20 ao 30 de xuño.

O formulario web non envía correo de confirmación, soamente pon a mensaxe "Grazas, o seu envío foi recibido". O día 27 de maio publicarase unha resolución provisional de todo o alumnado que solicitou este servizo e, se fose necesario, abrirase un prazo (27 de maio a 5 de xuño) para volver a anotarse.

Distribuir contido