Convivencia e Igualdade

DÍA DA PAZ E DA NON VIOLENCIA 2022

Festexamos o venres 28 este día tan especial elaborando un colgante que decoramos e no que escribimos frases a prol da Paz e dos Hábitos Saudables que será o tema central das actividades deste curso. Tamén bailamos e cantamos coa voz e co LSE a canción "De festa" todos á vez, nenos e nenas, mestres e mestras, antes de ir ao recreo. No recreo puxemos música variada sobre a Paz. Aínda que as actividades comúns tiveron que ser anuladas por precaución debido á situación Covid, traballamos durante a semana cos titores na aula este tema de varias maneiras!!!

Porque non queremos guerras nin violencia!
E como di a canción: "berramos coma toliños" que QUEREMOS A PAZ!
Esta actividade estivo organizada polo equipo de Convivencia e Imaxe.

DÍA DA PAZ

O pasado día 30 de xaneiro foi o Día da Paz. No cole celebramos durante toda a semana xogos cooperativos cos diferentes cursos dende o luns ata o xoves; e o venres, como acto final, celebramos o Día da Paz como se merece. Así foi como o festexamos!

 

O DÍA DA PAZ E A NON VIOLENCIA NO COLEXIO

O venres 28 de xaneiro celebramos o Día da Paz e a Non Violencia no noso colexio. Deuse lectura a un manifesto e alumnos/as representantes de todos os grupos do colexio leron as súas mensaxes co gallo deste día.

Ao remate do acto todo o alumnado cantou a canción elixida para este día. Daremos máis información sobre este acto nesta web en próximos artigos.

Distribuir contido