Este venres 11 de decembro entregáronse os agasallos do Concurso de Relatos de Medo, organizado polo Equipo de Biblioteca do Colexio. Nel participaron alumnos/as do noso Centro.

Os gañadores foron:

SARA 3ºA
NURIA 4ºB
LUANA 4ºC
IVAN 5ºA
GABRIEL 5ºB
DIEGO 6ºA
NOELIA 6ºC
Tamén se entregaron agasallos a todos os participantes.

Visitade o blog orientaremedios e alí podedes ver novos artigos dentro da nosa Escola de Familia Virtual, sobre temas de moita actualidade.

Como acto central da celebración do 40º aniversario do noso Colexio para o alumnado, este 10 de decembro de 2009 Migallas teatro representou o seu espectáculo pedagóxico musical Canta connosco, tendo un importantísimo éxito entre o alumnado asistente.

Asistiu todo o alumnado do colexio, distribuído en dous pases. De seguido podedes ver algunhas imaxes do acto.

O C.E.I.P. Nosa señora dos Remedios participou activamente nos III Encontros de Centros con Plans de Autoavaliación e Mellora da Calidade, celebrados en Sanxenxo o 3 e 4 de decembro de 2009, organizados polos Servizos Centrais da Consellería de Educación e O.U.

Alí presentamos a nosa experiencia do curso 2008-09, que tivo unha moi boa acollida entre os asistentes.

De seguido podedes observar fotos destes encontros.

O xoves 10 de decembro, para conmemorar o 40º aniversario do noso colexio, o grupo MIgallas actuará no colexio para o alumnado actual do mesmo, cun espectáculo didáctico musical.

Esperamos que o alumnado disfrute desta actuación.

O Obradoiro Vocal "A Vila" de Ponteareas, que ensaia no noso colexio, vén de acadar o 3º premio no moi importante Certame Coral "Villa de Avilés", no que participaron grupos corais de gran calidade.

Dende esta web queremos felicitalos por deixar o nome de Ponteareas moi alto e polo traballo que están a facer pola música.

Acabamos de crear unha bitácora na que van aparecer diversas informacións e imaxes sobre os actos do 40º aniversario do noso Colexio.

Nela podes deixar o teu comentario sobre os 40 anos de historia do colexio.

Podes ir a el dende esta web ou entrando directamente na bitácora http://40remedios.blogia.com

Meigas, cabazas, esqueletes, pantasmas, morcegos... o Samaín e o Halloween  fixeron  a  súa aparición un ano máis no noso colexio, facendo as delicias dos máis pequenos.

Durante toda a semana, realizamos actividades relacionadas con estas dúas festas que están íntimamente ligadas, posto que o Halloween, ten a súa orixe na festividade celta do Samaín. ( xogos, cancións, festas de disfraces...)

Os nen@s trouxeron as súas cabazas decoradas e invadiron o colexio, que se converteu nunha auténtica casa do terror. Os corredores, a biblioteca, as clases... tódolos recantos da nosa escola eran escalofriantes...

O último día da semana, houbo un minifestival na hora do recreo no que os rapaces e as rapazas do terceiro ciclo interpretaron a canción de "Thriller" de Michael Jackson e representaron unha pequena obra de teatro. Asimesmo, @s do primeiro ciclo cantaron una canción titulada " Knock, knock, trick or treat".

Por outra banda, os alumn@s do 2º ciclo, elaboraron unas cestas de Halloween nas horas de Plástica das Seccións bilingües.

Esperamos que disfrutedes tanto coma nós vendo as fotos desta terrorífica semana!!

Nestes días estamos anovando o Blog do Departamento de Orientación (Orientaremedios) ao que podes acceder dende esta web. Durante este mes temos como tema na Escola de Familia Virtual os límites ou normas a aplicar cos nenos e nenas. Xa hai artigos interesantes, que podedes comentar.