Articles

DÍA INTERNACIONAL DA EDUCACIÓN

Hoxe, 24 de xaneiro, conmemórase o día Internacional da Educación e para elo quixemos recompilar o que significa para vós este concepto, que tan importante é no noso día a día.

Grazas a todas e todos!

O Equipo de Biblioteca

#díainternacionaldelaeducación

#bibliotecaspublicas

#bibliotecasescolaresdegalicia

#abibliodexela

INAUGURACIÓN DA NOSA BIBLIOTECA "XELA ARIAS" no Día das Bibliotecas

Comezamos o día 24, Día das Bibliotecas, presentando as novas instalacións aos nos@s alumn@s onde puideron lembrar como era a biblioteca antes e ver como é agora despois da ampliación do espazo e a reforma. Tamén se lles informou das normas e de como temos que coidala para que tod@s poidamos gozar dela.

Ao acto de presentación acudiron o Xefe Territorial de Educación e a Directora Xeral de Ordenación e Innovación Educativa que trouxo uns agasallos para a nosa biblioteca. Tamén estiveron presentes a alcaldesa de Ponteareas e o concelleiro de Educación. Por outra banda, asistiron representantes do CRA "A Picaraña", representantes de FANPO e da Anpa O Loureiro Ponteareas quen donou un conto á Biblioteca e aos que lles damos as grazas!

Pola tarde invitamos a tod@s os pais e nais a vir visitala e que puidesen comprobar o bo traballo feito polo noso equipo de Biblioteca, coa coordinadora, a mestra Diana, á cabeza e en colaboración co equipo directivo, aos que queremos felicitar polo bo traballo!

GRAZAS A TOD@S

BIBLIOTECA CREATIVA

Como remate a este curso mostramos o traballo realizado dentro do programa de Bibliotecas Creativas. Un vídeo elaborado polo alumnado de sexto de primaria que recolle as normas de uso e o funcionamento da mesma. E vós, coñecedes a biblio do cole?

FEIRA DO LIBRO 2023

Esta semana estivemos a celebrar a FEIRA DO LIBRO que organizamos con motivo do Día do Libro do pasado domingo 23 de abril. Os alumnos estiveron a intercambiar os libros que trouxeron das súas casas durante toda a semana e marcharon moi contentos coas novas adquisicións.

Para clausurar este evento, algúns profes do Conservatorio e Escola de Música de Ponteareas viñeron ofrecernos un recital de música clásica e faláronnos un pouquiño sobre os instrumentos e as pezas que tocaron. Unha alumna de 2º, Sabela, que tamén é alumna de frauta no conservatorio, xuntouse a eles para tocar unha peza.

Noraboa Sabela!

E moitas grazas aos profes do conservatorio!

Música e lectura sempre é unha boa combinación!

#cmusponteareas #feiradolibro #díadolibro

8M - DÍA INTERNACIONAL DA MULLER

Onte celebramos no cole o 8M e tinguimos o cole de lila!

Levamos traballando a figura da muller dende o 11 de febreiro, día da muller e a nena na ciencia.

Aquí podedes ver como se traballou nos distintos niveis.

Hoxe culminamos coa visita da avogada e escritora Isabel Blanco, invitada polo club de lectura dos cursos 5º e 6º de Ed. Primaria.

Todo un luxo!

https://www.facebook.com/isabelblancorivasescritora

DÍA DAS BIBLIOTECAS 2022

Hoxe, 24 de outubro, é o día das bibliotecas, e dende o equipo de biblioteca queremos convidarvos a que animedes aos nenos e nenas a visitar a do noso cole. No seguinte tríptico amósase un resumo do traballo que realizamos a través da biblioteca escolar.

O lema deste ano é "BiblioTEcuida", centrandose en destacar o papel das bibliotecas de diferente tipoloxía como espazos libres e abertos que, a través dos seus diversos servizos e recursos, preocúpanse por atender as necesidades dos seus usuarios.

A biblioteca está aberta a todo o alumnado e familias; é un piar fundamental ao servizo da comunidade educativa.

Anímate e visita a nosa!!

FELIZ DÍA DAS BIBLIOTECAS!!

»

1 adxunto

AUDIOCONTOS - BIBLIOTECA CREATIVA

O Equipo de Biblioteca ten o pracer de presentarnos a fermosa creación literaria do noso alumnado, froito da participación no programa de Innovación educativa "Bilioteca Creativa". Trátase de audiocontos, algúns de creación propia do alumnado e outros aos que lle puxeron imaxes e voz.

Desfrutade deles!!

A toupiña: https://youtu.be/l61QKn_cJhc

A cebra camila: https://youtu.be/94G-dAUeg8c

Unha maldición mariña: https://youtu.be/q2QT3-4bDQg

Unha árbore: https://youtu.be/jX79o2qUDG4

Rá de tres ollos: https://youtu.be/wr06LMfEqlw

Paxaro amarelo: https://youtu.be/6pa3xDms6io

O monstro de cores: https://youtu.be/E5fjGgRz00Q

Monstro rosa: https://youtu.be/tXr62HsG74E

Capitana June: https://youtu.be/DZxnbDwT11k