Erasmus +

O xoves, como parte da expedición de 5° curso do colexio portugués, fomos ao zoo.

Primeiramente asistimos ao espectáculo dos golfiños e logo ao das aves. Logo do xantar acudimos ao centro pedagóxico para que o noso instructor Tiago nos ensinara unha chea de cousas sobre os animais e o propio zoolóxico.

No día de hoxe, coñecemos ao grupo de 7° curso da mestra Cristina Weber a través de xogos cooperativos para posteriormente observar un vídeo na biblioteca para coñecer a "Revolución dos cravos" e facer por grupos un caravel a través dunha manualidade.
Logo do recreo, fomos ao pavillón para realizar xogos tradicionales e populares portugueses e galegos e antes do xantar fomos á EscolaTécnica  Secundaria Emídio Navarro da man do seu subdirector Tiago.

Xantamos no Teatro Joaquim Benite e fixemos o acto de clausura co reparto de diplomas para todos os participantes.
Pola tarde tivemos a oportunidade de visitar as zonas máis emblemáticas de Belén para logo refrescarnos na praia de Santo Amaro das Oeiras.

Á chegada ao colexio, dividimos ao grupo en 2. Uns foron a clases de castelán cun grupo de 8° onde presentamos o Camiño de Santiago e os outros foron a unha clase de Inglés de 5° sobre as descripcións físicas "The way we look".

Logo do recreo, fomos ao Museo da Auga onde entre outros contidos, aprendemos sobre a pegada hídrica, o ciclo da auga, o saneamento, a historia de como evolucionou o abastecemento da auga en Lisboa e na Almada e canta auga precisamos para obter distintos alimentos e obxectos.

Subimos ata o Cristo Rey, que ten un mirador espectacular onde obsevabamos parte da cidade de Lisboa e Belén e a ponte 25 de Abril.

Pola tarde, fomos ao centro de Lisboa, a ver a súa Catedral e a realizar un breve tramo do Camiño de Santiago rematando no museo do Fado. Logo das compras no barrio da Alfama subimos ao mirador de Santa Lucía e visitamos as prazas máis emblemáticas da cidade.

Comezamos a nosa mobilidade Erasmus+ en Lisboa no centro Básico Dom António da Costa cunha presentación en inglés do seu centro por un grupo de 6° e nós tamén fixemos o mesmo co noso.

Logo diso, fomos a facer un percorrido por este centro tan grande e posteriormente fixemos unha actividade de recoñecemento de fauna e flora no Parque da Paz. Pateamos por grupos mesturados todo o parque ao tempo que uns monitores nos explicaban as diversas especies que alí había. Falaron tamén das especies invasoras e de como inflúen no ecosistema.

Despois de xantar achegámonos ao mirador dos Capuchos e apreciamos os 14 km. de praia que se poden apreciar na Costa Caparica. Aproveitando a viaxe, desfrutamos dun anaquiño na praia.

De volta nas Oeiras, fomos ata a zona militar do Forte de São Julião da Barra e voltamos para o albergue.

E chegou un dos momentos máis ansiados deste curso escolar, a nosa primeira mobilidade Erasmus+ de alumnado a Lisboa, a capital de Portugal. Serán os 14 alumnos de 6ºEP os que formarán parte de esta expedición que será dende o domingo 14 de abril ata o venres 19 de abril do 2024 e irán acompañados por Alexia (mestra de 6ºEI) e Álex Varela (director do centro).

O noso centro anfitrión, o Agrupamento de Escolas de Emidio Navarro concretamente na súa Escola Básica D.António da Costa, xa se fan eco da nosa chegada nas súas web e blog oficial:

https://erasmus-ensino-escolar-21-27.blogspot.com/2024/04/ceip-meson-do-vento-vai-estar-na-escola.html

https://www.aeen.pt/2024/04/11/erasmus-rececao-de-alunos-galegos/

Queremos agradecer a disposición do equipo Erasmus+ portugués para que este proxecto se fixese realidade.

No apartado Erasmus+ desta nosa web, intentaremos colgar novas diarias co máis destacado de cada día.

Deixamos en ficheiros adxuntos o programa de actividades que imos a realizar nesta mobilidade para lograr, entre outros obxectivos, a divulgación do Camiño de Santiago, concretamente o Camiño Inglés e o desenvolvemento a competencia lingüística nunha lingua estranxeira.

Déixámosvos cun vídeo-resumo da mobilidade:

Premendo na imaxe de abaixo, veredes os mellores momentos de cada día. 

A mediados de novembro tivemos o primeiro achegamento cos nosos socios portugueses.

Tendes máis información na seguinte ligazón: https://erasmus-ensino-escolar-21-27.blogspot.com/2023/11/ceip-meson-do-vento.html

Temos o pracer de informarvos de que o noso centro foi seleccionado, entre moitos centros de toda España, para a Acreditación Erasmus+, o que implicará mobilidades de alumnado e profesorado dende o vindeiro curso escolar ata o 2027.

Agardamos que esta oportunidade nos abra novos camiños para a formación persoal e académica de toda a comunidade educativa do noso centro.

Iremos informando periodicamente na web do centro (á dereita no apartado Actividades - Erasmus+) e no Consello Escolar dos pasos a seguir de cara ao vindeiro curso.

Tendes o arquivo da resolución definitica dos centros seleccionados en ficheiros adxuntos.

Para ver fotos da gran festa que celebramos con este motivo, premede aquí: FOTOS.

Como parte da fase inicial da nosa Acreditación KA120 Erasmus+, as familias tendes que realizar unha enquisa para valorar aspectos fundamentales do programa, sobre todo, con respecto ás movilidades é como estas poden influír no noso alumnado. Cando a rematedes lembrádevos de premer no botón de ENVIAR.

Aquí tendes a enquisa: https://forms.gle/K2oAwePt5VTatqGS7

Esta semana temos a visita profesional de 3 mestras de Lituania (2 mestras de Primaria e 1 especialista en Pedagoxía Terapéutica) como parte dun proxecto Erasmus+ chamado “Promoting teacher leadership by moving to learning paradigm”. O seu principal obxectivo é observar de primeira man (job shadowing) como a educación galega/española funciona. Neste primeiro día estiveron observando as nosas instalacións, realizando unha presentación do seu país, cidade e da súa escola e finalmente comezaron coas observacións de boas prácticas do noso profesorado en diversos cursos.

Os proxectos Erasmus+ son proxectos europeos eminentemente transformadores, non só para o alumnado e profesorado, senón tamén para todas as familias e persoal do centro, que teñen que ser unha peza fundamental dos mesmos. Por elo, achegamos información a través dunha serie de documentos para poder entender mellor o que conleva.

 Primeiramente debemos contextualizar a situación e, ter en conta que, o centro leva xa varios anos apostando pola internacionalización con seccións bilingües en Música e Educación Física que foron aumentando ao longo do tempo.

 Como consecuencia do anterior, comezamos a dispoñer dun auxiliar de conversa nas nosas clases compartido con outro centro da contorna.

 Ademais, comezamos hai 5 anos con proxectos en eTwinning, onde logramos 2 selos de Calidade Nacional e 2 selos de Calidade Europea, e formamos unha longa rede de contactos mediante os cales realizamos actividades conxuntas, videoconferencias....

Grazas ao CAFI (Centro Autonómico de Formación e Innovación de Galicia), tamén puidemos realizar un Erasmus+, como consorcio, para mellorar a metodoloxía CLIL (materias bilingües) do profesorado e a introdución nos programas europeos a través de cursos e observación en centros escolares, que tiveron lugar en Escocia, Lisboa e Viena.

Máis información podedes obtela na seguinte presentación:

 Logo de observar o camiño andado, centrámonos en Erasmus+.

Aquí temos os documentos para a presentación inicial dun proxecto Erasmsus+:

 - Un folleto onde mostramos os aspectos básicos da acreditación que nos dá a chave para poder realizar as posteriores mobilidades. (Achegado abaixo)

 - Un documento onde se mostran os obxectivos prioritarios a lograr e as modalidades do programa. (PREMEDE AQUÍ)

 - Un documento con aspectos máis específicos da acreditación, coma o prazo, as súas vantaxes e os criterios de calidade. (PREMEDE AQUÍ)