Comedor escolar

O venres 27 de setembro , na cociña de Ardemiro decidimos viaxar ata Andalucía. Podedes ver a xenial presentación que elaboraron @s nos@s alumn@s de 6º curso. Oleeeeé!

  Para ver información sobre o servizo de comedor para o curso 2019-2020 premede nas seguintes ligazons:

CIRCULAR SOBRE O COMEDOR ESCOLAR                ANEXO II

O xoves 13 de xuño, na cociña de Ardemiro decidimos viaxar ata Rusia. Podedes ver a xenial presentación que elaboraron @s nos@s alumn@s de 6º, que xa están a piques de comezar unha nova etapa no instituto. Botarémolos moito de menos e desexámoslles dende a cociña de Ardemiro moita sorte e que continúen comendo saudablemente.

Co gallo de mellorar día a día, gustaríanos que se invertiran 3 minutiños en realizar esta enquisa anónima para nais/pais e alumn@s.

Preme na ligazón para nais/pais e alumn@s: https://drive.google.com/open?id=1PYu3pGIPX9F-KH2EQt5b9NYQeCMOTnYmFTsxA1MiGpk

O xoves 9 de maio, na cociña de Ardemiro decidimos viaxar ata México. Podedes ver a xenial presentación que elaboraron @s nos@s alumn@s de 3º curso. Logo a viaxe, o venres 31 de maio, continuou ata Turquía e aquí foi o turno d@s alumn@s de 2º curso.

  O 17 de Marzo celébrase o Saint Patrick's Day. Dende o noso colexio decidimos facer unha homenaxe o venres 22 de Marzo, onde todo o alumnado acudiu ao centro con algunha prenda verde. Ademais, dende o comedor de Ardemiro, como xa ven sendo habitual, realizouse un discurso en galego e inglés a cargo de 4º. Eles mesmos foron capaces de elaborar o guión nas dúas linguas e logo, poñelo en escena. Seguro que, grazas a eles, coñecemos un pouquiño máis esta festividade, que se celebra de xeito internacional.

Por último, decidimos ver todos xuntos un videoconto sobre a historia dun trasno tradicional irlandés chamado "Leprechaun":

  Grazas ao noso auxiliar de conversa, Caleb Hightower natural de Misuri, logramos facer dúas xornadas gastronómicas sobre Estados Unidos de América. Nestes vídeos observaredes as curiosidades e ingredientes de cada prato, tanto en galego coma en inglés.

Se non entendedes algo, podedes traducir automáticamente os textos que cargamos na marxe de abaixo. Cada un dos dous días dedicámolo a unha rexión concreta:

• Primeiramente, Southern America (a parte sur de Estados Unidos):

• Logo, centrámonos na rexión de New England (noreste do país):

  Como ben sabedes, unha vez ao mes, dende o comedor elaboramos menús de diferentes países para que o noso alumnado poida gozar de distintas texturas, sabores...a última viaxe de Ardemiro ata a data foi a Francia onde degustamos uns pratos deliciosos.

  Deixámosvos un vídeo o cal é un extracto da exposición que fixo o alumnado de 6º sobre diversos aspectos sobre Francia coa axuda da súa mestra Bea. Agardamos que vos guste!

Nas vindeiras dúas semanas (do 18 ata o 29 de marzo), voltaremos a ter “as merendas de froita no cole”.

Como compensación ao martes 19 que foi festivo e para completar as dúas semanas de froita, teremos amorodos no recreo do vindeiro luns 1 de abril.

Benqueridas familias!

Co gallo de incorporar novos estilos de vida saudables no noso colexio, queremos informar de que o luns 11 de xaneiro comezamos co programa  de “merendas de froita no cole” nos  recreos de pola mañá.  Dito programa está especificado  na  Resolución do 9 de xullo de 2018, na que se determina que se repartirá froita 10 días consecutivos en cada un dos dous períodos establecidos por dita resolución (1º dende novembro a febreiro e 2º dende marzo a xuño). A distribución de froita por día no 1º período, podédela ver no cadro de abaixo: