Robótica

I MAKER FAIRE CEIP MESÓN DO VENTO

O venres 31 de maio levamos a cabo a I Maker Faire do noso centro, onde poidemos amosar a toda a comunidade educativa o traballo desenvolto ao longo de todo o curso.

Os diferentes grupos que participaban no Proxecto de Introdución á robótica contaban con diferesntes stands nos que expoñían e explocaban os diferentes proxectos.

Aquí vos deixamos as fotografías para que poidades ver o éxito que foi esta I Feira.

ROBÓTICA CON COLOUR MONSTER.

Ao longo da terceira avaliación, na clase de Lingua Estranxeira, traballamos o conto “ The colours monster” nos cursos 4. º de EI,
1. º, 2. º e 3. º de EP. Por suposto sempre adaptando a lectura ao nivel do alumnado.
Para acercar aos nenos e nenas á robótica e con elo á programación decidín que podíamos, entre os diferentes cursos, realizar unhas plantillas para os robots dos que dispoñemos (Jack, Bluebot, BB8 e Cyber).

Os primeiros pasos déronnos os alumnos e alumnas de 3. º de EP. primaria medindo e calculando o número de recadros que debería ir en cada folio tamaño A3. Despois, as nenas e nenos de 4. º de EI repasaron ditos recadros con ceras, para logo pintalos das cores das emocións e así ir aprendendo os seus nomes en inglés (Red, Yellow, Blue, Black, Green, e Pink). O alumnado de 1. º de EP escribiron o nome das cores en Inglés. Fixemos dúas plantillas iguais xa que o Jack e o Bluebot teñen unha programación moi similar.
Para incrementar a dificultade e que puidera ser máis motivadora para os cursos de 2. º e 3. º de EP, engadímoslle os nomes das emocións en inglés (Happiness, Sadness, Fear, Calm, Anger e Love) que eles mesmos escribiron.

Agora viña a parte máis innovadora e motivadora para eles, aprender a programar. Os cursos de 4. º de EI e 1. º de EP xa tiñan nocións porque as súas titoras estaban dentro do proxecto de robótica, pero os outros cursos apenas tiñan coñecementos previos, polo que partíamos case de 0.
Nos cursos inferiores pregúntanse polas cores (What colour is it? ) e polos sentimentos (How are you? Angry, Happy, Scared, Calm...) tratando de dar unha resposta que marque o lugar cara onde deben programar ao robot. Ao mesmo tempo tamén traballan a numeración (One, Two, Three, Four, Five , Six).
Os cursos máis altos ademais engaden a dificultade da lateralidade (left, right, straight, back) e os nomes das emocións (Happiness, Sadness, Fear, Calm, Anger e Love).
Como a actividade tivo moi boa acollida, tamén fixemos unha plantilla en cartolina de tódalas cores en inglés.
Para o robot Cyber de Clementoni utilizamos material reciclado e utilizamos a súa propia caixa de embalaxe para facer a súa plantilla a cal engadimos dous sentimentos máis. Estar canso (Tired) e famélico (Hungry).