Actividades

  Os días 28, 29 e 30 de decembro a ANPA organizou uns talleres de NADAL que contaron con moita asistencia (36 nenos en total e 5 nais) que o pasaron de medo decorando as súas camisetas e facendo adornos e saborosos cupcakes.

  A experiencia foi tan boa que esperamos que se repita moi pronto!!! Para ver fotos, premede na imaxe.

 O xoves día 15 de decembro as nenas e nenos que van a actividade de patinaxe no pavillón do CEIP Mesón do Vento celebraron unha pequena festa de fin de trimestre na que contaron cunha aparición moi especial que lles fixo moita ilusión e lles trouxo algúns agasallos.

Se queredes ver as fotos, premede na imaxe.

   A ANPA recolleu material para doalo á FUNDACIÓN ANDREA  que presta un gran apoio aos nenos con enfermidades de longa duración, crónicas ou terminais.

(www.fundacionandrea.info)

 O venres 30 de decembro, fíxose a entrega de todo o material doado, tanto polos pais dos alumnos como polo propio centro, á Fundación Andrea de Santiago de Compostela. Amaya Castro, coordinadora de proxectos da Fundación, mostrouse enormemente agradecida por todo o material que lles foi entregado: xoguetes, roupa, enseres de bebé, produtos de hixiene, unha gran cantidade de libros....

  O luns 26 de decembro Alberto Conde Pereiro, veciño  de Xavestre (Trazo) e posuidor  do número 6513 que coincidía coas catro últimas cifras do primeiro premio da Lotería de Nadal, recibiu a gran cesta por gañar o sorteo da ANPA.

  Noraboa a el e grazas a todos os que participastes vendendo e mercando rifas. 

  Dende a directiva da ANPA, damos a benvida a todos ao novo curso escolar.

 Para non coincidir coas Eleccións Xerais, a ANPA adiantou a súa tradicional festa de fin de curso ao domingo 19 de xuño. O tempo acompañou cun día magnífico, así que a xornada foi un éxito total con ampla participación. Se queredes ver algunha foto, premede na imaxe.

 O domingo 7 de febreiro, a ANPA do CEIP Mesón do Vento organizou na sala de festas JOSFER unha "Festa Choqueira".

  Como podíades ver no cartel anunciador, a festa comezou ás 4 da tarde e rematou ás 8. Houbo un agasallo para todos os nenos e nenas que asistiron.

  A ANPA agradece a súa colaboración ao Concello de Ordes e, por suposto, á Sala Josfer.

  A ANPA do noso cole aproveitou as festas para sortear unha cesta de Nadal coincidindo co gordo da Lotería Nacional do 22 de decembro de 2015. O número premiado foi o 140.

  O día 29 de decembro a secretaria da ANPA, Ana Liñares, entregou a cesta á afortunada gañadora, Ana Couceiro Pisos, natural de Santiago pero de fortes vínculos co noso concello. Noraboa!!!

 O domingo 21 de xuño celebrouse a festa de fin de curso organizada pola ANPA coa xa habitual churrascada e inchables para os máis pequenos. Gran día de calor e diversión que se prolongou ata as últimas horas da tarde. Preme na imaxe para ver algunhas fotos.  

  O domingo 22 de xuño tivo lugar a festa de fin de curso do CEIP Mesón do Vento organizada pola ANPA do MESÓN.

  En principio estaba previsto celebrar a festa no colexio, pero as tormentas do sábado fixeron cambiar o emprazamento á nave do Campo da Feira. Alí tomouse a gran churrascada cun menú a prezos populares. Tamén houbo inchables gratis para os máis pequenos (e non tan pequenos) e un touro mecánico.

  A ANPA quere agradecer a súa colaboración ao Concello de Ordes, ao Restaurante "Avelino" e á Discoteca "Josfer". Se queredes ver algunha foto máis, premede na imaxe.