Secretaría

As persoas interesadas en solicitar novas paradas de transporte escolar deberán facelo de forma presencial no noso centro educativo en horario de 10.00h. a 13.00h., ata o 07 de xullo de 2023.

Únicamente poderán ser tramitadas fóra deste prazo solicitudes por necesidades extraordinarias debidamente xustificadas, cambios de domicilio, escolarizacións posteriores ao comezo do curso, escolarizacións forzosas, etc.

Achégase a listaxe dos libros de texto para o vindeiro curso 2023/2024.

O prazo para formalizar a matrícula d@s alumn@s de nova incorporación ao noso centro será dende o 20 ao 30 de xuño. 

Recordamos a ORDE do 21 de outubro de 2022 no seu artigo 41.2:

-Se unha vez finalizado o prazo de matrícula esta non se formalizase, terase por decaído o seu dereito á praza obtida .

A documentación será entregada na secretaría do centro no horario de atención ás familias (do 22 de xuño ata o 30 será de atención continuada de 10:00 a 13:00), que achegamos en ficheiros adxuntos. Deben achegar a seguinte documentación:

- Impreso de matrícula correctamente cuberto.

- Solicitude de transporte escolar.

- Solicitude do servizo de comedor coa documentación xustificativa.

- A maiores, a fotocopia da cartilla de vacinas.

CORRECIÓN IMPORTANTE: O prazo para o alumnado que promociona a Educación Secundaria será o seguinte:

- IES de Ordes: do 23 de xuño ao 26 de xuño.

- IES Maruxa Mallo: do 26 de xuño ao 30 de xuño.

 Recomendamos poñerse en contacto cos mesmos para achegar a documentación.

Xa está aberto o prazo para o fondo solidario de libros de texto, axudas para adquirir libros e material escolar para o curso 23/24.

As solicitudes presentaranse preferiblemente por vía electrónica a través da sede electrónica da Xunta de Galicia ou opcionalmente, de maneira presencial no colexio.

A convocatoria constiste en:

-Fondo solidario de libros de texto: alumnado de 3º a 6º de Educación Primaria no 23/24.

-Axudas para adquirir libros de texto: 1º e 2º de Educación Primaria no 23/24.

- Axudas para adquirir material escolar: toda Educación Primaria no 23/24.

- O alumnado actual de 6º de Educación Primaria ten que entregar a documentación no instituto onde solicitou praza.

Prazos:

    • Presentación de solicitudes do 22 de maio ao 21 de xuño.

    • Recollida de vales de libros e material  4  a 5  de xullo de 10 a 13:00 horas.

Fondo de libros:

    • Listas provisionais:  6 de xullo.

As persoas interesadas poderán reclamar nos dous (2) días hábiles seguintes á publicación da listaxe provisional.

    • Listas definitivas: 11 de xullo.

As listaxes poderanse ver no taboleiro de novas do propio centro educativo e na aplicación FondoLibros (https://www.edu.xunta.gal/fondolibros/)

O noso centro entregará os libros do fondo ao inicio do curso xunto co compromiso que as familias deben firmar e forrar (poderanse empregar os mesmos forros dun ano para outro se se conservan ben).

Achegamos o modelo de solicitude co anexo I e II, as instrucións creadas polo propio centro e o horario de atención ás familias para a entrega de documentación no caso de que se faga presencialmente.

Vimos de publicar a listaxe definitiva de admitidos e non admitidos para 4º de Educación Infantil.

Podedes consultala:

• Presencialmente, única e exclusivamente no taboleiro de anuncios situado no interior do edificio escolar.
• Telemáticamente, única e exclusivamente a través da aplicación admisionalumnado empregando a Chave 365 ou o certificado dixital.

Tras a publicación desta listaxe definitiva, as persoas interesadas poderán interpor recurso de alzada ante a persoa titular da xefatura territorial, no prazo dun mes contado a partir do día seguinte ao da súa publicación (artigo 36 da ORDE do 21 de outubro de 2022).

O alumnado admitido no noso centro educativo formalizará a súa matrícula na secretaría do centro do 20 ao 30 de xuño, no horario de atención ás familias.

Segundo o disposto no artigo 4 punto 1 da Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento nos centros sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei Orgánica 2/2006, do 3 de maio, de educación: “O alumnado que queira acceder aos servizos complementarios de comedor e/ou transporte e teña garantía de permanencia no centro docente e non teña que formalizar a matrícula, deberá solicitalos expresamente mediante escrito dirixido ao centro durante o mes de maio de cada ano”.

Seguindo a Instrución Conxunta 1/2022, correspondente ao transporte escolar, para manter a condición de usuaria/o con dereito ao transporte escolar, é necesario que se faga un uso continuado do transporte escolar, entendido este como o uso repetitivo del en días fixos da totalidade das semanas, no caso que non se faga uso de xeito continuado, perderá a condición de usuario con dereito a transporte.

Seguindo a Instrución 2/2022, sobre o funcionamento dos comedores escolares de xestión directa, @s usuarios/as do servizo de comedor escolar que durante o prazo dun mes de xeito continuado non fagan uso do citado servizo coa frecuencia solicitada, causarán automaticamente baixa no servizo, agás causas debidamente xustificadas polos usuarios/as ante a dirección do respectivo centro educativo.

Achegámoslles a solicitude de comedor e de transporte escolar para o vindeiro curso 2023/2024. Se están interesados, deben presentala no centro ata o 31 de maio.

 As solicitudes terán que vir asinadas por calquera dos titulares da patria potestade ou representantes legais. No caso de separación ou divorcio será necesaria a sinatura de ambos proxenitores, agás que a patria potestade estea atribuída a un deles. En ambos casos, será necesario presentar xunto coas solicitudes a resolución xudicial correspondente, agás en casos de violencia de xénero.

Poden entregalas no edificio administrativo  do centro dentro do horario do equipo directivo establecido de atención ás familias (achegámolo abaixo e está na páxina web) sen cita previa.

Lembren acompañar a solicitude coa copia da documentación que corresponda segundo o caso:

− Usuario de transporte escolar sen servizo a mediodía: É preciso entregar un certificado familiar colectivo do PADRÓN MUNICIPAL. 

− Usuario en situación socioeconómica desfavorable: INFORME dos Servizos Sociais do Concello.

− Usuario cunha discapacidade igual ou superior ao 33%: CERTIFICADO de minusvalía.

− Familias numerosas: TÍTULO DE FAMILIA NUMEROSA.

− Se os pais traballan e non teñen horarios compatibles coa saída do alumnado: CERTIFICADO de horario con selo e asinado pola empresa.

− TRABALLADORES AUTÓNOMOS: CERTIFICADO de alta e último recibo aboado.

Prezadas familias:

De acordo co establecido no Decreto 8/2015, do 8 de xaneiro, polo que se desenvolve a Lei 4/2011, do 30 de xuño, de convivencia e participación da comunidade educativa en materia de convivencia escolar, constituíuse o Consello para a Convivencia Escolar da Comunidade Autónoma de Galicia e aprobouse a Estratexia Galega de Convivencia Escolar 2015-2020: educonvives.gal.

No marco desta estratexia realizáronse no 2015, no 2019 e no 2021 as enquisas de diagnose que permitiron identificar os puntos fortes e febles na xestión da convivencia e na resolución de conflitos nos centros educativos, o que permitiu a elaboración do Plan de convivencia do centro tendo en conta estes aspectos.

Transcorrida esta etapa, publícase a nova estratexia de convivencia, a Estratexia Galega de Convivencia Escolar 2025, que contempla o seguimento e avaliación da convivencia escolar en Galicia mediante a realización dunha enquisa bianual nos centros educativos e a elaboración do posterior informe de diagnose.

Por tanto, no presente curso levarase a cabo unha nova enquisa na comunidade educativa, do 3 de maio ao 22 de maio de 2023.

A recollida de datos farase mediante unha ferramenta informática en liña, de xeito automatizado e totalmente anónimo. Para garantir este aspecto despregaranse diversas solucións tecnolóxicas e de procedemento entre as que destaca o acceso á propia ferramenta de recollida de datos.

A través da ferramenta: https://www.edu.xunta.es/convivenciaxestion/ as familias poderán participar voluntariamente, independentemente dos fillos escolarizados no centro, empregando a clave de acceso que o centro lle facilitará, creadas de xeito aleatorio, para cumprimentar a enquisa premendo no apartado "Recollida de datos para as familias" (Premede aquí para acceder directamente).

As claves de acceso entregaranse ás familias desde o centro, xunto coas explicacións facilitadas para o proceso.

A todo o alumnado de 5º e 6º de Educación Primaria se lles proporcionará as súas claves para cubrir os cuestionarios no propio centro educativo. (Premede aquí para acceder directamente).

Vimos de publicar a listaxe provisional de admitidos e non admitidos para 4º de Ed. Infantil.

Podedes consultala:

• Presencialmente: única e exclusivamente no taboleiro de anuncios situado no interior do edificio escolar.
• Telemáticamente: única e exclusivamente a través da aplicación admisionalumnado empregando a Chave365 ou o certificado dixital.

Tras a publicación desta listaxe provisional, temos un período de reclamación de 5 días hábiles, contando como primeiro día o mércores 26 de abril e rematando o mércores 3 de maio.

Lembramos os vindeiros prazos:

• Publicación da listaxe definitiva, 18 de maio do 2023.
• O alumnado admitido no centro formalizará a súa matrícula na SEcretaría do centro educativo do 20 ao 30 de xuño.

Tras rematar o prazo de admisión, informamos do seguinte:

- Todas as solicitudes que non foron de 4º de Educación Infantil para o curso 23/24 están admitidas (tanto para diversos cursos de Educación Infantil como de Educación Primaria).

- Para 4º de Educación Infantil foron rexistradas máis solicitudes que as 25 vacantes fixadas para o alumnado de ingreso ao curso 23/24, co cal, procederemos á adxudicación de postos escolares con fase de baremo. Tendes toda a información referente a este proceso nos ficheiros achegados, cos criterios do baremo, os prazos, a posible documentación a entregar en cada caso e o horario de atención ás familias.

- Prazos a ter en conta a partir de agora:  

     * A listaxe provisional cos admitidos publicarase o 25 de abril.

     * Haberá un período de reclamacións de 5 días a partir do día seguinte da publicación da listaxe provisional.

     * Publicación da listaxe definitiva, 18 de maio do 2023.

     * O alumnado admitido no centro formalizará  a súa matrícula na Secretaría do centro educativo do 20 ao 30 de xuño.

Iremos informando na web de cando se realizarán as publicacións das listaxes no taboleiro do centro e na aplicación https://www.edu.xunta.es/admisionalumnado/.

• Datas: Do 1 ao 20 de marzo de 2023, ambos inclusive, estará aberto o prazo para a presentación de solicitudes de admisión para alumnado de nova incorporación ao centro.

• Vacantes curso 2023-2024 e horario de administración (ver documentos adxuntos).

• Preferentemente con chave 365 ou certificado electrónico a través da seguinte ligazón:  https://www.edu.xunta.gal/admisionalumnado/. Pinchando en solicitude - crear.

• Cómpre cumprimentar o Anexo II (ver documento adxunto) e asinar ambos proxenitores a solicitude e a comprobación de datos. Ademais, hai que entregar a fotocopia do libro de familia con todos os membros e aportar o padrón municipal.

• Publicación da listaxe provisional de admitidos e non admitidos, antes do 25 de abril do 2023 (ver criterios de admisión en documentos adxuntos). Publicarase no taboleiro de anuncios do centro, así coma na aplicación: https://www.edu.xunta.es/admisionalumnado/

• Publicación da listaxe definitiva, 15 de maio do 2023. Publicarase no taboleiro de anuncios do centro, así coma na aplicación: https://www.edu.xunta.es/admisionalumnado/

• O alumnado admitido no centro formalizará  a súa matrícula na Secretaría do centro educativo do 20 ao 30 de xuño.

• Pode facer calquera aclaración a través do correo do centro: ceip.meson.vento@edu.xunta.gal ou a través do teléfono 881880894.